﷽
الشرارة الخامسه عشر«كفيل بتدميرهما معًا»
#وإحترق_العشق
❈-❈-❈
بمكتب عماد
تبسم لـ هاني الذى دخل الى مكتب، إستقبله عماد بمزح قائلًا:
أخيرًا جيت أنا قولت مرات خالي مش هتفرج عنك.
تنهد هاني وهو يجلس على أحد المقاعد قائلًا:
بتقول فيها دى مش عاوزاني اتنقل من جنبها وتقولى بشوفك قد أيه...أنا هربت بأعجوبه من زنها.
ضحك عماد وهو ينهض من خلف المكتب جلس بمقعد مقابل له سائلًا:
وبتزن عليك فى أيه بقى الموضوع إياه إنك تتجوز،تصدق أن مع مرات خالى فى الموضوع ده،فعلًا بقول كفايه كده،طلق هيلدا وإستقر هنا.
تهكم هانى بحسره قائلًا:
إنتم ليه مفكرين إن طلاقي من هيلدا أمر سهل،أنا متجوز هيلدا عالقانون الفرنسي،يعنى طلاقى منها لو كان هيكلفني نص ما أمتلك كنت قولت سهله هى الخسرانه لأن ممتلكش اى شئ فى فرنسا وإنت عارف ده كويس أوى يمكن دى النقطة الوحيدة اللى ربنا جابها فى صالحي،لانه عارف انا إتحملت قد إيه،إنت عارف الشرط التانى فى وثيقة جوازي من هيلدا،إن هى المُتحكمة فى أمر الطلاق،حتى لو عاوز أطلقها وهى رافضة ده القانون هناك معاها وممكن مش تحاول تسممني زى المره اللي فاتت،أو بسهوله تقدر تروح السفارة المصريه هناك وتقدم ورق إنها مراتي وألقاها جايه ليا هنا تنغص عليا حياتي هنا،هيلدا لعنة حياتي اللى ملهاش غير حل واحد موت واحد مننا.
تسرع عماد قائلًا:
إن شاله هي،عالعموم ربنا يهدها،بقولك في شوية أوراق عاوزك تمضي عليهم،كمان أرباحك اللي إتحولت فى حسابك فى البنك،فيها شوية توضيحات عاوزك تعرفها.
تنهد هاني بيأس قائلًا:
يا عم الف مره قولت لك انا بثق فيك،وبعدين يعني أهى فلوس مرميه فى البنك فى يوم من الايام غيري اللى هيستفاد بها.
تنرفز عماد قائلًا:
بطل نبرة اليأس اللى بتتكلم بيها دى أنا هتصل على مرات خالي تزن عليك،وهدعى عليك تتجوز من هنا وبعد تسع شهور إن شاء الله تجيب وريث يحرق قلب حامد وشركاه.
ضحك هاني قائلًا:
وشركاه دول مين،قصدك أخواتي من الأم،ولا بسنت،لو بسنت دى نور عنيا هى الامل بالنسبه ليا هى الذكرى اللى آمنتني عليها أختي، اوقات بحس ان أختي عايشه لما بقعد واتكلم معاها...بس سيبك من الكلام عني،واضح إنك راجع من الأجازة رايق،أيه يمنى مكنتش عازول،شكلك هتخاويها قريب المره دى تخلف ولد وتسميه هاني.
تنهد عماد مُتمنيًا ببسمة، لكن قطع إسترسال حديثهم ذاك الهاتف الذى صدح نظر عماد لـ شاشة هاتفهُ زفر نفسه وهو ينظر الى هاني الذى سأله:
مين اللى بيتصل عليك.
تنهد مجاوبًا:
دي چالا الفيومي.
نظر له هاني وإستخبر سائلًا بإستذكار:
"چالا الفيومي"
مش دى اللى كانت نزل لك صور معاها... وعاوزه إيه دي.
YOU ARE READING
وإحترق العشق "لعنة عشق"
Romanceإحترق قلبه وهو يراها عروسًا لرجُل آخر لكن ماذا لو شاء القدر وجمعهما مره أخرى بطفله من صُلبهُ
