﷽
الشرارةالحادية والعشرون
"مجهول يتوغل من قلبه "
#وإحترق_العشق
❈-❈-❈
بمنزل عماد
وضعت سميرة يدها فوق جبين عماد تنهدت براحه حين شعرت أن حرارته عادت طبيعية،كذالك إنتهي هزيانه وغفى بهدوء، بنفس الوقت سمعت طرقًا عاليًا على باب الشقه، تبسمت تعلم من سبب ذلك، خرجت من الغرفة وأغلقت الباب خلفها وذهبت نحو باب الشقه فتحته مُبتسمه لتلك التى إندفعت بمرح
للداخل تُجلجل ضحكتها تظن أنها هاربه من حسنيه، نظرت لها وهى تلهث قائله:
مامي هربت من ناناه حسنيه مش شافتني بابي فين.
إقتربت منها مُبتسمه تقول بحنان:
بابي نايم نسيبه يرتاح... تعالي ننزل لـ ناناه عشان مش تزعل.
عنادت يمنى وكادت تذهب نحو غرفة عماد،لكن حملتها سميرة بمباغته قائله:
بلاش شقاوة عالصبح نسيب بابي نايم يرتاح.
بإستسلام وافقت يمنى،نزلت سميرة بها ودلفت الى المطبخ تبسمت لـ حسنيه التى قالت:
صباح الخير يا سميرة شوفتي
الشقية اللى سهتني وهربت.
تبسمت سميرة قائله:
صباح النور يا طنط، يمنى شقية جدا.
نظرت لهما يمنى ببراءة قائله بطفوله:
يمنى مش تتشاقى، عاوزه بابي.
تبسمت حسنيه قائله:
فين عماد منزلش عشان نفطر ليه.
ردت سميرة بهدوء:
عماد لسه نايم، كان سهران لوقت متأخر.
تبسمت حسنيه قائله:
تمام، لما يصحى يبقى يفطر براحته، خلونا إحنا نفطر سوا.
تبسمت سميرة بتوافق رغم فكرها المشغول على عماد، لكن لم تود إثارة قلق حسنيه عليه هو أصبح أفضل عن أمس وسيتحسن أكثر.
❈-❈-❈
بمنزل هاني
قبلة إستمتاع كانت نهاية مطاف العشق، بين هاني وفداء الخجوله، بينما هاني ضحك وهو يجذبها لصدرة، يشعر بأنفاسها المضطربه وجهها الخجول التى تحاول عدم النظر له، رفع رأسها ينظر لوجهها ضاحكًا وهى تخجل تقول بتهرب:
نسينا الفطور زمانه برد... أنا جعانه، هقوم أسخنه مره تانيه.
ضحك هانى وجذبها قبل أن تنهض مددها فوق الفراش وإعتلاها قائلًا بغمز:
واللبانه اللى بلعتيها مشبعتكيش.
نظرت له قائله:
إنت بتتريق، على فكره اللبان ده علاج.
إستغرب سائلًا:
وعلاج لأيه بقى.
فسرت له:
أنا كنت خدت دور برد جامد وبسببه جالي إلتهابات فى العصب السابع وكان نص وشى الشمال شبة حركته مشلول وشفايفي اتعوجت، ولما كشفت الدكتور كتبلي علاج وكمان جلسات علاج طبيعي على وشي،بس انا مروحتش الجلسات دى الدكتورة اللى فى مركز العلاج الطبيعي قالتلى،مضغ لبان أفضل من الجلسات،يعنى اللبان كان علاج وقتها خفيت بسرعه.
ضحك قائلًا:
طب هقول مضغ اللبان كان علاج، طب بالنسبه لطرقعة البالونات اللى بتعمليها دى أيه السبب.
YOU ARE READING
وإحترق العشق "لعنة عشق"
Romanceإحترق قلبه وهو يراها عروسًا لرجُل آخر لكن ماذا لو شاء القدر وجمعهما مره أخرى بطفله من صُلبهُ
