Deep Slumber

CHAPTER 21: TWO WORLDS

Sa bawat hakbang ko patungo sa templo ay sa pagbigat naman ng nararamdaman ko. Hindi ko alam kung epekto lang ba ito ng pinainom sa akin ni Devour kagabi o talagang wala lang ako sa mood ngayon na harapin ang bathaluman? Kung ano man iyon, kailangan kong magpatuloy. Kailangan kong mag-focus sa pinakapakay nain sa lugar na ito. Iyon ay masira ang mate bond at makauwi na ako sa mortal world.

Habang umaakyat kami sa mataas na cliff na iyon ay walang nagsalita sa aming dalawa ni Devour. Tanging hampas ng alon at paghinga ko lang ang maririnig sa paligid. Siya kaya? Gusto ba talaga niya ang mate bond naming dalawa? Pareho kaya kami ng nararamdaman ngayon? Kase ako, hindi ko talaga alam kung anong mararamdaman ko. Naguguluhan ako. Halos mag-iisang buwan na ako dito pero bakit gano'n? Bakit gano'n ang tama sa'kin ni Devour? Bakit... ewan! Gulong-gulo na ako.

Kung makakatawid man ako sa kabila, mind as well ipatanggal ko na rin ang mga alaala ko sa mundong 'to para naman maging mapayapa ang buhay ko sa kabilang mundo. At para hindi ko na rin siya maalala pa.

After few minutes ay nakarating na rin kami sa taas. Tumambad sa amin ang isang napakalaki at napakaelegante na templo. It shouts luxury. Mixed colors ang dingding niya. May pula, itim at puti na sumisimbolo sa tatlong kaharian na pinaka-highlights talaga ng realm na 'to. Sa tatlong category lang naman umiikot ang mga panaginip natin. Nightmares, good dreams and erotic dreams. And shocks! Kami lang dalawa ang tao rito. So, kami lang pala ang may pakay kay Damus. Yung iba? Baka na kina Affedyce, Samara o kung sa sino-sino pang mga bathala. And for sure, si Seducia, na kay Affedyce yun. Pustahan na.

Sinuri kong mabuti ang malahiganteng pinto nito na yari sa ginto ang mga designs. Wala itong doorknob. Itutulak mo lang talaga siya. I don't know their religious etiquettes here. Hindi ko alam ang mga patakaran nila pagdating sa mga sacred places like this one. Bumabase na lang ako sa mannerism na meron kami sa mortal world.

Pero dahil nga may pagsa-Conan ako at curious rin ako siyempre, hindi ako nakatiis na maghintay lang sa tabi na magbukas ang pinto para sa'min. Nag-try lang akong itulak ang pinto pero hindi ko inaasahan ang sunod na nangyari. Biglang nagbukas ang pinto. Nagtaka ako. I know I didn't exert much efforts in opening that door knowing that it will be impossible to open that gigantic door. Like hello, mag-isa lang ako at payat pa. Who would have thought na mabubuksan ko ang pinto na 'yon?

Dahan-dahang bumukas ang pinto ng templo. Sumalubong sa'min ang madilim na paligid. Kung gaano kaaliwalas kanina ay kung gaano naman kadilim dito sa loob. Hindi rin naman nagtagal ay biglang nagsindihan ang mga torch na nakasabit sa mga dingding. Tumambad sa'min ang isang higante at gintong globo. Para akong nagteleport sa Guardians of the Galaxy na movie. Sa unahan ng globo, sa dulo, ay ang mataas na trono. Bigla man ngunit dahan-dahang bumukas ang roof ng templo. Pumasok ang liwanag ng araw sa loob. Tinamaan ng sikat ng araw ang globo na lalong nagpakislap sa kulay nito.

"Sorry for touching your leg that way." Devour said out of nowhere.

"It's fine. Thankful rin ako sa ginawa mong 'yon. Nasalba ko ang sarili kong inumin ang alak na iyon."

"I know you know..."

"Na may pampatulog 'yon or what?" I chuckled. "Yes. I know." sabay ngiti sa kaniya ng tipid. "Pineke ko lang na inumin 'yon. You know, go with the flow."

"She really likes to pester you, huh?"

"Yes she is." tukoy ko kay Seducia. "Biruin mo ba naman, pumunta siya sa kwarto natin kanina. Hinahanap ka. Pumuslit ka raw sa kwarto niya kagabi at iniwan mo raw siya." sabay tawa ng mahina. "Ang kapal ng mukha, 'di ba?"

"That will never happen..."

"Yeah." I agreed. "As long as we're mated to each other, we can't be with someone who is not our mate." We fell into silence. Inabala ko na lang ulit ang sarili. "You can be with someone after we break our mate bond, you know." basag ko sa katahimikan. Hindi ko siya nilingon. Mas pinili kong gano'n.