الشيــم.
روزا الجنــابي
متابعة تصويت تعليق بين الفقرات لُطفا ..
اكتل احلامي الخاطر يظل حلمك ..🖤
_________________
حورالعين::- ايهاب شوكت تروح ؟
إيهاب: :- انتظر يزيد
:-يتأخر؟
:-لا
رجعت للمطبخ طلعت ليمون وبُرتقال اسوي عصير نداريت على صوت ايار
:- ايهاب راح لو بعده ؟
:- لا ينتظر يزيد
دنگت ترتب بالماعين كالت:- يزيد راح يجي
::-ايي خابر ايهاب يريد من عنده بحث وگاله تعال هنا نتناقش بي وبعدين اخذة
::-امم زين. لعد انا راح اسوي معكرونه ويا الاكل هم يحبونها
::-لا وين ايهاب مايحبها
سدة باب الكاونتر تمسح بوجها مبتسمه وعيونها ادور بتوتر: :- انا مشتهيه شنو مايصير ناكل
عكدت حاجبي مستغربه حالة ايار::- شبيج!
ايار::- مابيه شي ليش تسألين
حورالعين::- مادري شو وجهج صار احمر وتعرقتي
ايار::- لا مابيه بس المطبخ حار
وكفت تغسل ايدينها وانا كملت العصير خليته بالثلاجه وطلعت. طلع ايهاب من غرفته
::- حواري. طالع اقفلي الباب وراي
:; تمام حبيبي. بس لا تتأخر
:- ان شاءالله
كالهه وطلع قفلت الباب ورجعت لمحت المفاتيح ايهاب ناسيهن على الطاوله. عفتهن ورحت الغرفتي بدلت ملابسي. بلبس مريح واخذة شال طلعت شمرته على التخم. حتى من يرجع اكدر افتح الباب مددت ثواني وندك الجرس. طلعت ايار من المطبخ تركض
:: منو هذه ..؟
:-ايهاب
:-ليش مو عنده مفتاح .!
:-نساهن هنا اكيد رجع ياخذهن
خليت شال على راسي وطلعت سديت باب البيت وراي علمود ما ينركع بسبب الهوى القوي . فتحت باب الخارجي عگدت حاجبي مستغربه من شكل الرجال الكدامي ضحك بطريقة غريبه وتلفت بالفرع كال وعيونه تتحرك بسرعة
:-انسه شلونج
::- تفظل منو حضرتك!
تلفت بالفرع مره ثانيه . ورجع باوعلي بحركه سريعه جرني بقوة من إيدي وغطه وجهي بوصله توسعت عيوني وگلبي وكف من الخوف دفرت برجليي. وايدي تجر بيده ابعده من وجهي ثواني وثكلت عيوني وجسمي رتخه ماضل عندي طاقه احرك ايدي . غمضت عيوني ورحت بضلام دامس.
