٥٠

15.3K 1.2K 310
                                    

متنسوش الڤوت يا حلوين 😌😌
وعايزة كومنتات كتير بقا♥️♥️😉😉

متنسوش الڤوت يا حلوين 😌😌وعايزة كومنتات كتير بقا♥️♥️😉😉

اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.

الفصل الخمسون

(20)ج 2
-خُلق القلب عصيـًا :
سَنلتقيِ ذات مَرة ....
رُبمـا فِي نِهاية ليلة أو فِي مَدينة مَا
سَنلتقيِ عَلى حَافة طِريق أو بعرض المحيط
أو في إحَدى الأغَاني
سَنلتَقيِ فِي أحِد الاحلام
أو رُبما في عامٍ قادِم يجمع بين القمـر وعينيك 🍂🤎.

••••••
دخل مراد مرتديًا بدلتـه السوداء وجلس على المقعد المُقابل لمكتب عاصي الذي سأله :

-خير ياابن خالتي ؟!

-تمام هدخل في الموضوع على طول ..

-يا ريت ؟!

-عاصي انا جاي اطلب منك أيد عاليـة ..

ترك عاصي القلم من يديـه وهو يطالعه بملامحـه المُتقلصة بالغضب وقبل ما ينفجـر بُركانه بوجه مراد استكمل قائلًا :

-قبل أي حاجة اتمنى تركن الخلافات اللي بينـا على جمب ، وأنا هنـا جيت بالاصول ومحبتش أعمل أي حاجة قبـل ما ارجع لك .. كان ممكن أردهـا وأحط الكُل قُدام الأمر الواقع ، بس أنا مصمم إني أبدأ معاها حياة صح وجديـدة ..

أخذ قدمه تضرب الأرض بهدوء وهو يفكر في الأمر ويدرس حقيقة ملامح مراد الصادقـة ولكنه باغتـه قائلًا بحسـم :

-موضوعك أنت وعاليـة انتهى ، ومش عايزه يتفتح مرة تانـية ، شـرفت ..

ما زال محافظًا على ثباتـه واتزانه ثم قال :
-ليه ؟!

رد عاصي بحدة :
-عشان اللي في بالك عُمره ما هيحصل يا مراد .. واطمن ابن اختي في عينيا .

هز مراد رأسـه ثم قال :
-مهما قدمت لابني مستحيـل تعوضه عن غياب أبوه .

كور عاصي قبضتـه بغضب مكتوم :
-ومش ابنك اللي هيخليني ارمي لك أختي عشان تهينها مرة تانيـة .. لأن المرة دي فيها حياتك يا مراد ..

-أنت بأي حق تحكم عليا ، عاصي أنا بحب عاليـة فعلًا وجيت لك بالأصول ..

اتسعت ابتسـامة عاصي الساخرة وهو يفارق مقعده ويقول :
-ما سيبك من كلام العواطف ده وتعالى نكشف ورقنـا لبعض ، أنت عايز ترجع عاليـة عشان ورثهـا اللي هيكون نقلة كبيرة في البيزنس بتاعك ، فبلاش نلف وندور على بعض ..

غوى بـ عصيانه قلبي ❤️‍🔥حيث تعيش القصص. اكتشف الآن