أنفال (باللهجة العراقية)

Part 1

بسم الله الرحمن الرحيم

ندخل انا وياكم و نفتح الابواب عن حياة أنفال و المطبات الي مرت فيها بحياتها و هل وقفت عند هاي المطبات ولم تكمل حياتها ام هناك شخص
أمسك بيدها لكي يكون سندا لها أو كانت هي سند لنفسها كل هذا راح نعرفه من خلال أنفال

"""""""""""""""

أنفال
Part 1
بقلم روجينا

********************

أنفال

كاعدة بالصف مخليه راسي فوك الرحلة تعبانه و عندي خمول مو طبيعي بجسمي هذا لان كل الليل ما نمت و انا ادرس للامتحان بنهار ما عندي مجال ادرس جان عدنا درس شاغل احس غفت

بس شوي و فزيت على صوت برق قوي واضح اليوم مطر قوي باوعت زهراء دخلت ملابسها مبللة شوي بيدها كيكتين و عصاير كالت

_ أنفال يلا كومي اكلي

_ زهراء عوفيني ما أشتهي

_ أنفال هو أنتي الليل كلة ما نايمه و امتحنتي و تعبتي هسه اكيد السكر نازل عندج ترا تجيج نوبة

_ زهراء ما كو داعي كل شوي تذكريني اني مريضه اعرف والله اعرف

كعدت بصفي و كالت

_ والله ما قصدي شي بس خايفه عليج لا اكثر وانتي تعرفيني كلش زين

اخذت الكيك من أيدها فتحته صرت اكل ما اباوع بوجها انا هيج من اقل كلمه انقهر احس كلهم يشفقون عليه لان عندي مرض السكري و النوع السكر عندي ينزل اذا نزل و ما كدرت اكل شي تجيني مثل نوبة صرع بس مو صرع يعني

بقينا بالصف ناخذ درس ورأ الثاني لحد ما خلص الدوام و لازم نرجع للبيت

_ زهراء يلا خل نطلع

_ أنفال جاي تشوفين شون مطر هسه اكيد اخوي جاي تعاي نوصلح ويانه

_ لا اذا هيج انا رايحه

_ أنفال اوكفي مجاي تشوفين المطر راح تتمرضين

_ زهراء عوفيني طول عمري أدبر نفسي و هسه هم اروح عادي ما عليه شي

عفتها بصف تلم بالكتب مالتها خليت قبعه  القمصله على راسي طلعت هسه شلون اروح المطر كلش قوي و طريقي هم طويل منا للبيت توكلت على الله و طلعت من المدرسة مشيت شوي سمعت وراي هورن سياره ما التفت لحد ما هواي لح التفتت شفته اخو زهراء اهوو هسه شنو يخلصني من هذا صاح من السيارة

_ أنفال صعدي

_ لا خوية روح بطريقك اكدر أدبر نفسي