أنفال (باللهجة العراقية)

part 5

أنفال
Part 5
بقلم روجينا

*****************************

أنفال

كمت ثاني يوم بيبي راحت تجيب صمون و ريوك بقيت بفراشي يعني ماكو شي بالبيت اسوي شوي رجعت وياها صمون و بيض و لبن و اجبان كالت .

_ اتريكي بدون جاي هسه لحد ما اروح اشتري طباخ و غاز كلشي ما عدنا بالبيت

مجبورين تريكنا لبن و يا الصمون و الجبن جانت الساعه بالعشرة كالت

_ راح اشوف واحد من بيت ابو ذياب يروح وياي للسوك و انتي ابقى بالبيت لحد ما ارجع لا تفتحين الباب ابد تمام

_ بيبي خل اروح وياج

_ لا ابقي بالبيت ما اريد الانضار تجي عليج

راحت و انا هم بقيت افتر بالبيت اجتني فكرة انضف الحديقة و أرتب بيها رحت على الحديقة شفت اكو هواي عشب ميت بيها لازمها تنظيف صرت اقطع العشب و لحد ما بقى اي شي الحلو بيها شجرة عاليه نسيت اوصي على ورد ازرعهم هسه وكت زراعت الورد يلا على المرة الجاية

رفعت راسي شفت بالكونه بقصر ابو ذياب تصير بالحوش مالتنا يعني همه بصفنا ف هاي الطرمه تصير بالحديقة الي يدخلة يكدر يشوف كلشي ببيتنا هاي ما حبيتها لان تقريبا البيت مكشوف عليهم الواحد ما يكدر يأخذ راحته

بقيت ملتهية بالحديقة لساعات كاعدة ما عندي شي شفت سيارة وكفت بباب البيت اندك الباب فتحتها جانت بيبي وياها شهاب كالت

_ أنفال فوتي جوة حتى يفوتون الغراض

دخلت للغرفة صرت اباوع عليهم هاي شكد جايبة اشياء اول شي دخلو طقم اسفنجات للكعدة على الأرض وياهم مخدات و هم دخلو ثلاث موكيتات للغرف بعدين جابوا كاونتر صغير و بصفه طباخ و علاليك بي مواعين و غراض و دخلو كنتور للملابس استغربت هاي شلون مشترية كل هاي الاغراض منين الفلوس بعد ما خلصوا كل الاشياء طلعوا من البيت بس شهاب و اخو شهم بقوا ابد ما يتشابهون عبالك مو توأم طلعت من الغرفه شفتهم ملتهين جاي يدخلون الكاونتر للمطبخ رحت على بيبي

_ بيبي منيلج فلوس كل هاي الاغراض

_ يمه جنت اجمع الراتب مالتي حتى اروح للعمرة بس هيج صارت جان مبلغ زين أخذته اشتريت اغراض البيت و هم سوارات امج ما بعتهم لان كفاني الفلوس و زاد هم

_ ليش صرفتي فلوسج

_ يعني تردين نبقى هيج

_ لا بس