أنفال
Part 14
بقلم روجينا*****************************
أنفال
صرت اروح و ارجع مشي للمدرسة ما بقى شي و نمتحن نهاية السنه و ارتاح من هاي السنه شكد متعبة كاعدة ويا بيبي بالحديقة كلت
_ بيبي ما تجين نطلع للسوك
_ شعدنا رايحين اكعدي و سكتي
_ بيبي والله مليت من البيت
_ أنفال اكلج كعدي ما لي خلك مشاكل
سكتت بعد ما حجيت شي بس كلت
_ بيبي اكلج شي بس الله عليج لا ترفضين
_ غردي الله اعلم شعندج من مصيبة
_ خلي أروح اشتري من دكان راس الفرع
_ أنفال راح تجيبي لي الجلطه
_ اسم الله عليج هسه شكو يا بيبي هو دكان خمس دقايق و ارجع
_ انجبي و اكتبي الي تريدي اني اطلع اجيبلج
_ ترى ردت اني اطلع
_ أنفال اقسم بالله اذا ما تكومين حتى اني ما اطلع
_ زين رايحه
رحت سجلت بورقه كومه شغلات اريد اسوي حلويات التهي بيها انطيتها لبيبي لبست عبايتها و راحت بقيت كاعدة بالحديقة انسدحت على ضهري شوي تلفوني دك ما ركزت منو جان رقم ما جاوبت دك مرة ثانية فتحت الخط اجاني صوته تعبان و يلهث كال
_ ها ابني ما مشتاق لابوك
معقوله هذا عمو ذياب بعدني بصدمتي رجع كال
_ بالكوة محصل شبكه لا تحرمني من صوتج احتمال هاي آخرة مرة تسمعي
كلت بصوت يرجف و كلبي يدك حيل
_ عمو وين رحت
_ شكد مشتاق لهاي الكلمة اذا الله كتب لي عمر ارجع يا بعد روح عمج
_ زين وين أنته هسه
_ بالموصل ، تعرفين شي عن غزل
_ اي غزل هسه زينه
_ اريدج توصلين هذا الكلام لغزل زين بابا
أنت تقرأ
أنفال (باللهجة العراقية)
Mystery / Thrillerندخل انا وياكم و نفتح الابواب عن حياة أنفال و المطبات الي مرت فيها بحياتها و هل وقفت عند هاي المطبات ولم تكمل حياتها ام هناك شخص أمسك بيدها لكي يكون سندا لها أو كانت هي سند لنفسها كل هذا راح نعرفه من خلال أنفال