أنفال (باللهجة العراقية)

Part 13

أنفال
Part 13
بقلم روجينا

*****************************

لا تنسوا التصويت و التعليق بين الفقرات ❤️🥀

أنفال

بقيت كاعدة ننتظر شوكت يطلع الصبح حتى الدكتور يطمنا تقرب شهم عليه كال

_ أنفال جدتج تريد تحجي وياج

انطاني التلفون

_ هاا جدة

_ أنفال ارجعي للبيت

_ بيبي غزل بعدها مو زينه

_ صدك البنية شلون صارت

_ وضعها خطير

بجيت من كلتها كالت

_ اني موجودة ببيتهم امها ملخت روحها

_ بيبي خلي ابقى هنا و الصبح من يرجع شهم لو شهاب ارجع وياهم

_ اي بس ديري بالج على نفسج

_ بيبي ادعي لها تصير زينه

_ أن شاء الله يمه والله جاي ادعي لها

قفلته منها رجعت تلفون لشهم كال

_ أنفال ابقي هنا شوي و ارجع

راح و شهاب هم مو مبين باوعت على ايدي اكو دم عليه بعده دم غزل من جنت اضغط على الجرح شفت حمام دخلته غسلت ايدي زين باوعت على المراية عيوني حمر دم وجهي اصفر غسلت وجهي عركت يمكن نزل سكري طلعت من الحمام شفت الضابط عمر يباوع على غزل من الجام صرت اباوعله اريد اعرف شنو ردة فعلة تحسر و ابتعد عن الجام رحت كعدت على الكرسي رجع شهاب بيدة شال و علبة جكليت انطانيها كال

_ البسي هذا الشال خاف يجي احد ما اكدر اخذج هسه و هذا الجكليت هم خاف ينزل سكرج

_ شكرا خوية

هز رأسه و راح يباوع عليها لبست الشال اكلت جكليته ما اريد اوكع اني هم شسوي بحالي الباقي خليتهم بصفي ابوهم علك الضغط عنده أخذوا بغرفة يرتاح سمعت شهاب يحجي ويا عمر

_ عمر تعرف شي عن ذياب

كال بأسف

_ دك عليه كال راح اروح للموصل التحق

كال شهاب مفزوع