أنفال
Part 11
بقلم روجينا****************************
غزل
دخلت اني و حنين للبيت بعدها الصدمه بيه يعني عمر يريد يخطبني اني احس الفرحه ما سايعتني كرصتني حنين كالت
_ شبيج شاكه حلكج هيج اثكلي فضحتينا
_ لح حنين ما جاي اصدك يعني جان يقصدني من كال اريد أخطب
_ اي ما تشوفين ساد الشارع من كثر ما جايب ناس
_ اي خطيه أنفال بلكوة كدرت طب بيتهم
شفنا امي و مرت عمي ام حنين بالمطبخ همه و بنات عمي مخبوصين طب شهم للمطبخ يصيح
_ يمه شصار على الجاي
_ اي يمه هذا صار بس خل يجي بعد يعاونوك
_ اي هسه يجي شهاب
أخذ صينيه و راح شوي دخل شهاب أخذ الصينيه الثانية كالت امي
_ غزل روحي بدلي و تعاي غسلي الاستكانات
رحت بدلت و اجت وياي حنين هم اخذت مني دشداشة نيلي لبستها اني هم لبست دشداشة ماروني
_ يلا حنين هسه امي تعصب
_ ديلا كومي
كمنا طلعنا من الغرفه دخلنا المطبخ صاير هوسه دخل شهم بيدة صينيه مليانه كوابة مال جاي خلاهم على السنك راد يطلع جلبت بي امي تكله
_يمه شهم شعدهم هاي الناس
_ يمه هسه شوي و يروحون ابوي و ذياب يفهموكم
كالت جدة
_ كول يمه منو جاين خطابة
_ ما اعرف جدة عوفوني
رجعت كالت
_ مادام تخجل ولك يعني جاين يخطبن اختك
_ جدة واليرحم والديج عوفوني بحالي
طلع من المطبخ كبل لا ترجع تحجي شي وكفت على السنك اغسل المواعين دخلت منال ستوها كايمه من النوم كالت
_ خير شنو هاي الهوسة
ردت عليها جدة
أنت تقرأ
أنفال (باللهجة العراقية)
Mystery / Thrillerندخل انا وياكم و نفتح الابواب عن حياة أنفال و المطبات الي مرت فيها بحياتها و هل وقفت عند هاي المطبات ولم تكمل حياتها ام هناك شخص أمسك بيدها لكي يكون سندا لها أو كانت هي سند لنفسها كل هذا راح نعرفه من خلال أنفال