أنفال (باللهجة العراقية)

Part 4

أنفال
Part 4
بقلم روجينا

*****************************

أنفال

صار أكثر من نص ساعه نمشي باوعت اكو هواي ناس الي ويا مرته أو ام بنتها و ابو و اطفالة باوعت على بيبي نايمه بصفي هم زين ما صار بيها شي من الخرعه الي اكلتها الصبح طلعت تلفوني باوعت على الشاشة اكو تقريبا عشرين مكالمه من احمد رجع دك باوعت الساعه بالثمانيه و نص طلعت الخط رميته من الجام ما اريد اتذكر هذول الناس بعمري اريد امحي كلشي بذاكرتي

غمضت عيوني غفيت فزيت على لمسات بوجهي باوعت هاي بيبي كالت

_ شبيج يمه اخترعتي هاي اني

_ ما بيه شي بس فزيت

_ جنت اريدج تكومين اكلي هاي النستلة

_ ما أشتهي

_ يمه اكليها هسه توكعين شسوي بيج بعدين

اخذتها من أيدها صرت اكل بيها جان اكو بصفنا مرة و كاعد بصفها ولد المرة كالت لبيبي

_ حجيه شتصير منج هاي الحلوة

_ حفيدتي هاي ام مصطفى

_ والله عجبتني هاي البنية ما تنطونا عنوانكم نجيكم اريدها لابني

خزرتها هاي شبيها باوعت عليه بيبي و رجعت باوعت على المرة كالت

_ والله يا ام مصطفى نتشرف بيكم بس البنية محجوزة

_ يا صدك تحجين و اني اكول ليش جاي تخزر بيه

_ لا العفو منج بس هيه نظراتها هيج حادة ابد ما تخزرج

التفت إلي تعض بشفتها لفيت راسي للجام اباوع على الشارع

_ شبيج ردتي تاكلين المرة بعيونج

_ ما شفتيها شتحجي

_ ما كالت شي غريب يعني كل البنات تفرح من وحدة تريد تخطبها اله الي عندي تكول ولد

_ بيبي كافي و منو هذا الي حاجزني و اني ما ادري لا يكون احمد الخايس

_ لا كلت هيج حتى تنفك المرة مني ما شفتيها جلبت كلت عيب اردها ف كذبت شسوي