أنفال (باللهجة العراقية)

Part 9

أنفال
Part 9
بقلم روجينا

***********************

لا تنسوا التصويت و التعليق بين الفقرات ❤️🥀

أنفال

ضليت كاعدة و فاتحه حلكي من الصدمه لا والصدمه الأكبر بيبي ضحكت و كالت

_ هاي بنتكم وين نلكا احسن من ذياب

كالت الجدة

_ جا الجمعه نعقد الهم

بعد ما تحملت اسكت أكثر جاي يقررون مصيري و اني مثل اللعبة بيدهم كمت كلت

_ بيبي هاي شدا تحجون منو كال اوافق على عمو ذياب

كالت الجدة

_ دنجبي دهر صابج وين تلكين احلى و احسن من ذياب و من وين صار عمج

خزرتني بيبي و صاحت بيه

_ أنفال فوتي لغرفتج

_ لا والله ما افوت دا اشوف تردين تزوجيني و تخلصين مني

_ أنفال يمه دخلي غرفتج

_ بس

عاطت بيه حيل

_ اني شكلت

كمت دخلت الغرفه نزلت دموعي كل ما اكول خلاص حياتي استعدلت يصير شي يكلب الموازين

و هذا ذياب ما صارلي عرفته غير اسبوعين معقوله بيبي توافق عليه لا اني مستحيل اوافق شلون هو متزوج حرام مرته من غير شي تشوفني دم سنونها شلون اذا تزوجته يمكن تكتلني واني نايمه و هم جبير عليه حيل جبير يعني يا ربي دلني طريق الصحيح وكلت امري الك

تمددت الغصه بكلبي خاف الحياة تنكلب وياي أكثر شسوي اوفف بقيت هيج متمددة من القهر صارت عندي رجفه بيدي و عركت هواي معناه نزل من القهر كمت بالكوة غسلت وجهي شربت حباية مسكن و خليت بحلكي خاشوكه شكر تمنيت هاي المرة من انام ما اكعد جانت بيبي وياي احس هيه هم تعبت من همومي من اخر مرة من انكسرت أيدي متغيرة

نمت بعد فترة طويلة صحيت كل جسمي يوجعني ما اعرف ليش كمت شفت بيبي جاي تباوع على التلفزيون كالت

_ أنفال كومي غسلي و تعشي مخلية الج اكل بالثلاجة و تعاي نحجي

_حاضر