أنفال
Part 15
بقلم روجينا*****************************
لا تنسوا التصويت و التعليق بين الفقرات ❤️🥀
أنفال
فتحت عيوني باوعت على المكان الي اني بي غرفه كلشي ما بيها متمددة على دوشك و مخلي عليه بطانية باوعت حوليني كلشي ماكو بالغرفة رحت باتجاه الباب الدوخه بعدها لازمتني دكيت الباب حيل صرخت يصوت عالي
_ منووووو هناااااا طلعونيييييي منا وينكممممم
صرت اضرب الباب برجلي و ايدي وهم الباب حديد ف يطلع صوت قوي
ضليت ادك هيج لحد ما تعبت كعدت ورى الباب محد فتح الباب صرت ابجي على حالي هسه شسوي شلون اطلع منا اخاف يأذوني بس منو و شنو يريدون مني صرت اعرك و الدوخه لازمتني اذا اموت هنا هم محد يشوفني شسوي ياربي
بعدني افكر صار صوت القفل و واحد بي ابتعدت عن الباب استندت على الحايط اباوع بتجاه الباب اريد اعرف منو هذا و شنو يريد مني دخل انصدمت ب الشخص الي شفته شلون ما فكرت بي شلون ما حجيت عنه ل عمو ذياب هذا احمد يعني سعدون هم راح يجي لهنا ياربي دخل الغرفه ابتعدت عنه صار يقترب مني و يبتسم ابتسامته الشيطانية كال
_ أنفالي شلونج اتمنى تعجبج خدمتنا
_ احمد شتريد مني هسه بيبي يضل بالها عليه
_ جججج بعد ماكو لا بيبي و لا غيرها من بعد اليوم ما راح يكون بحياتج غير احمد
_ احمد الله عليك عوفنيييي اروح لخاطر بيبي حرام راح يصير بيها شي
تقرب مني أكثر خلة ايدة على وجهي كال
_ اشش مو كلت راح اخليج بقفصي و ما اخلي أحد يشوفج ما يهمني عسى ما تموت بيبي عاشت بما فيه الكفاية صار لازم تلم جولاتها و ترحل
دفعته حيل و تفلت بوجهه
_ احمد الجلب عوفنيييي اروححح و والله و حق النبي محمد اذا يصير على بيبي شي اني اكتلك يا حقير
احس من الكلام الي كالة گلبي صار جمر ما اكدر اتقبل فكرة بيبي يصير بيها شي و هيه اخر ما تبقى الي بهاي الدنيا باوعت الباب مفتوح دفعته حيل و ركضت بتجاه الباب حتى اهرب بس قبل لا اوصل لزمني من متني و شمرني حيل بالكاع وكعت على ايدي عطت بي
أنت تقرأ
أنفال (باللهجة العراقية)
Mystery / Thrillerندخل انا وياكم و نفتح الابواب عن حياة أنفال و المطبات الي مرت فيها بحياتها و هل وقفت عند هاي المطبات ولم تكمل حياتها ام هناك شخص أمسك بيدها لكي يكون سندا لها أو كانت هي سند لنفسها كل هذا راح نعرفه من خلال أنفال