أنفال
Part 2
بقلم روجينا
******************************
أنفال
فتحت عيوني شفت نفسي بغرفه بيضه باوعت يمين شفت بيبي نايمه فوك راسي و احمد كاعد بجهه الثانية ملتهي بالموبايل يضحك مو حاس عليه بدون وعي كحيت كام اجه بتجاهي
_ أنفال انتي بخير
هزيت راسي بمعناه اي رجع كال
_ هواي خفنا عليج شعندج الفجر بالحمام
باوعت عليه هوا هم يباوعلي عاكد حواجبة
_ كوم بيبي وانته معليك شوكت ادخل الحمام
_ بعدة لسانج ماله رداد
كام هز بيبي فزت مخترعه
_ أنفال وين شصار بيها
باوعت عليه زفرت نفس براحه كالت
_ يمه بنيتي شصار عليج ردت اموت وراج
_ إسم الله عليج بيبي
_ من وكعتي هيج على وجهج اخترعت والله كلت مستحيل تكومين بعد هاي الوكعه
ما رديت غير
_ انا زينه بيبي لا تخافين
_ احمد روح كول للدكتور كامت
طلع احمد لمست كصتي مخلين عليها شاش
_ بيبي شبي راسي
_ يمه من وكعتي راسج انضرب ب حافة باب الحمام
دخل احمد ويا دكتور كبير بالعمر
_ شلونها أنفال الحلوة
_ زينه دكتور
_ بنيتي انتي عندج سكر مزمن تعرفين لو لا
_ اعرف دكتور
_ ليش ما راجعتي دكتور حتى ينطيج علاج
_ ما احب العلاج
_ ما يصير بابا هذا شي خطير لازم تنتبهين على نفسج زين و هسه راح اكتبلج علاج لازم تلتزمين عليه
كتب بورقه اخذها احمد من ايدة و طلع مع الدكتور
_ بيبي بيش الساعه هسه
أنت تقرأ
أنفال (باللهجة العراقية)
Mystery / Thrillerندخل انا وياكم و نفتح الابواب عن حياة أنفال و المطبات الي مرت فيها بحياتها و هل وقفت عند هاي المطبات ولم تكمل حياتها ام هناك شخص أمسك بيدها لكي يكون سندا لها أو كانت هي سند لنفسها كل هذا راح نعرفه من خلال أنفال
