أنفال (باللهجة العراقية)

Part 3

أنفال
Part 3
بقلم روجينا

***********************

أنفال

تقرب مني خلا وجهه قريب من وجهي كال

_ احبج أنفالي ليش ما تحنين عليه

ريحته مو طيبه خفت يسوي لي شي

_ احمد ابتعد خلي اروح

_ كعدي ما راح اسويلج شي

_ اي ابتعد شوي خل اروح

قرب راسة من ركبتي احس تقززت حاولت ادفعه بس ما يندفع

_ عوفني كافي مليت من تسلطك عليه

تقرب مني و رفع حنجي بيدة

_ أنتي طول عمرج راح تضلين بقفصي و لا يجي يوم تتحررين بي

حاولت بكل قوتي ادفعه أو بس احاول اطلع من بين ايدة ما كدرت

_ عوفني حرام عليك هسه بيبيتي يضل بالها

_ جا كومي انا اعز الحجية ما نريد تضربها جلطه كبل لا اخذج

_ تروح فدوى الها

عافني و راح غسلت وجهي و ركبتي لشوكت راح اضل هيج لازم اكول لبيبي نروح منا بأقرب وقت اخذت اللفه و كوب الجاي دخلت الغرفه و قفلت الباب وراي والله بالكوة هاي شكم مرة اخلص لازم اسوي شي خوما يضل هيج حالي اكلت كامت بيبي طلعت تتوضى حتى تصلي صلاة الليل رجعت كالت

_ شعندج كاعدة لهسه

_ بنهار نمت ما جايني نوم و هم جاي ادرس

_ يمه مو زين لازم تنامين بليل

_ اي بيبي من اخلص بس تعاي احجي وياج

كعدت كدامي كلت

_ بيبي شوكت نروح منا

_ ليش يمه

_ بيبي مليت من احمد و سعدون تعرفين شنو يتحرشون بيه البارحه بسبب سعدون وكعت بالحمام اله شوي جان فتح الباب عليه

_ يلخسيس شكد واحد نذل انا اعرف شسوي بي

رادت تروح ما خليتها كعدتها مرة ثانية كلت

_ بيبي لازم نطلع من هذا البيت بعد ما اتحمل و هم اذا تروحين هسه تحجين اكيد نهلة تصدك سعدون و تخلي اللوم كلة عليه فاستعجلي بروحتنا منا و ما اريد اي واحد بيهم يدري بعنوانه خاص احمد

_ ما ضل شي بس اتحملي هذا الأسبوع و راح نروح منا

هزيت راسي راحت تصلي اني هم صرت ادرس لان باجر عندي امتحان رياضيات خلصت تمددت انام شوي كعدت بالسبعه بدلت سويت ضفيرتي أكثر شي احبه بعد بيبي ضفيرتي أسويها راخيه شوي و هم شعري طويل ف يطلع مثل ما الهنديات كلش حلو لبست جاكيتي طلعت من الغرفه شفت سعدون كاعد يتريك ابتسم بوجهي كال