أنفال (باللهجة العراقية)

Part 6

أنفال
Part 6
بقلم روجينا

*****************************

أنفال

ضليت واكفه بشمس انتضر غزل تجي بس ما طلعت باوعت على الساعة راح نتأخر هيج شفت نفس الطفل يلعب

_ يا ولد

_ ها عمه

_ روح جوة صيح غزل

_ حاضر عمه

دخل للبيت ضليت واكفه تعبت من الوكفه باوعت اكو بلوك كعدت عليه انتضرها خليت ايدي جوة حنجي انتضر لشوكت ما بقى شي راح تبدء الدروس انفتح باب بيتهم طلع نفس الشخص ويا غزل تقدمت غزل إليه كالت

_ أنفال أسفه تاخرت عليج

_ غزل يلا نروح هواي تأخرنا

_ اي تعاي صعدي اخوي يأخذنا

باوعت هذا نفسه الي قبل شوي شفته دخل لبيتهم يعني اخوها رفعت راسي كتلها

_ لا غزل مشكورة اني رايحه

_ أنفال دتعاي صعدي ويانه ما بيهه شي والله

_ لا غزل اني رايحه

صرت امشي سريع حتى اوصل للمدرسة عندي طبع مستحيل اصعد سيارة واحد ما اعرفه حتى لو صديقتي أخته قبل زهراء جانت تتوسل بيه اصعد وياها ما اقبل ابدا

وصلت المدرسة دخلت صرنا ناخذ درس ورى الثاني بالفرصة رحت اشتري شي حلو حتى أكلة خاف اتعب اخذت كيك ما كدرت أكلة لان دخلت الست خليته بالجنطه

مر اخر درس لميت كتبي و طلعت من المدرسة احس نفسي تعبانه و هواي عركت حتى اكو نغزات بكلبي

طلعت امشي على كيف كل شوي اتعب أكثر كعدت على الرصيف بعد ما كدرت اكمل مشي اخذت نفس نسيت كلشي هاي اول مرة هيج يصير وياي تذكرت علاجي بالجنطه ايديه ترجف هواي مجاي اكدر افتح الحنطه وكفت كدامي مرة جبيرة بالعمر جانت لابسه عبايه كالت

_ شبيج يمه ليش هيج ترجفين

_ خاله علاجي طلعي فدوة

وكفت كدامنا سيارة ما كدرت اباوع عيوني مغوشه حلكي نشف احس شوي و راح أفقد الوعي سمعت واحد يحجي ويا المرة

_ خير حجيه شبيها بنيتج

_ والله يا يمه ما اعرفها بس لكيتها كاعدة بالكاع ترجف هيج

نزل واحد لمستواي كالي

_ شبيج خالي ليش هيج ترجفين

_ ابعد عني ما بيه شي