أنفال (باللهجة العراقية)

part 17

أنفال
Part 17
بقلم روجينا
****************

لا تنسوا التصويت و التعليق بين الفقرات و متابعة الحساب ❤️🥀

أنفال

_للاسف ما كدرنا ننقض المريضه البقية بحياتكم

ما كدرت استوعب كلامة صحت بيه

_ أنته شنو تحجي هااا بيبي ما تموت كالت راح اضل وياج

باوعلي بعيون حزن على شفقه رجفت رجلية وكعت بالكاع حيل احس فصلت من الدنيا الصدمة وقفت كل حركة بجسمي بس صافنه اباوع عليهم نزل ذياب لمستواي كال

_ كومي بابا هذا أمر الله حرام هيج تسوين

_ يعني ما جاي تقشمروني يعني بيبي ماتت هم هيه هم راحت

_ الله يرحمها

دفعته حيل و عطت بيه

_ روححححح بيبي ما تموتتت فهمتوا

كمت استندت على الحايط دخلت الغرفه باوعت عليها الممرضه تشيل الأجهزة الي جانت عليها كلت
مخلين قماش ابيض على وجها

_ ليش مخلينه هذا القماش على وجه بيبي حرام عليكم تختنك

شلته باوعت على وجها صارت دموعي وحدة تنزل ورى الثانية عاتبتها

_  بيبي كومي اني خايفه ، منو إليه غيرج مو جنتي تكولين ابقى وياج طول العمر اشوف باول الطريق انتي هم رحتي مثل بابا و ماما

خليت راسي على صدرها اشم بريحتها بست وجها و أيدها كالت الممرضة

_ لازم ناخذها هسه كومي

عطت بيها بكل كلب محروك

_ عوفيني محد يكدر يأخذ بيبي مني روحييي اطلعي برةةةة

طلعت برة بقيت ابوس بيها و اعاتبها

_ ليش ما تردين عليه بيبي كومي كل مرة جنتي تتمرضين ثاني يوم تصيرين احسن و بيتنا المن بقى شلون ابقى بي وحدي بيبي كومي محتاجه اشكيلج مثل كل مرة انام بحضنج

بيبي محتاجتج اني مكسورة من كل شي تدرين سعدون حاول مرة ثانية يغتصبني بس انتي نايمه ما يهمج حفيدتج شنو صار وياها

تقريباً تمددت بحضنها انفتح الباب صار ضل فوك راسي فتحت عيوني جان عمو ذياب كال

_ كومي بوية ما يصير الي تسوي

_ ما سويت شي تمددت بحضن بيبيتي اشكي الها تعبي

_ ريته التعب بروحي و ما بيج ، كومي بوية لازم يأخذونها