The Girl I Love [Completed] (Under Editing)

Chapter 28

Chapter 28

August Gavine

Sinabihan na ako nina Jamila na hindi ko kailangang seryosohin ang mga sinasabi sa akin ng mga tao. Pasok sa isang tenga at ilabas sa kabila, 'yan ang sabi sa akin ni Tristan. Ngayon kasi ay kailangan kong pumasok dahil may exam, ngayon ko pa ulit makikita si Claud pagkatapos nang tagpo namin noong gabing iyon. Ngayon din matatapos ang isang linggo na binigay ni Principal Gamao kay mama.

Wala siyang sinabi sa akin pero napapansin ko naman na palagi siyang wala sa bahay. She didn't mention about the video, pero alam kong ito ang pinag-aabalahan nya noong nakaraang araw. I'm hoping for this issue to be resolved. Gusto kong grumaduate kasama si Claud. Kahit ito lang, hayaan nilang ibigay sa akin ang bagay na ito.

"Wow! I thought wala na siya rito?"

"Oh my ghad! Hinayaan siya ni principal?"

"Well, baka may kapit."

Nasa hallway pa lang ako ng grade seven ay ang dami ko ng naririnig. Sa totoo lang ay pagpasok ko pa lang sa gate ay sobrang kaba na ang nararamdaman ko. Natatakot ako dahil alam ko naman na may maririnig akong masasakit na salita mula sa mga estudyante. Pero wala na akong magagawa pa dahil nandito na ito. Kailangan ko itong harapin lalo na at marami ang tumutulong sa akin. Ayos na sa akin na may mga taong naniniwala na inosente ako.

"Hoy! 'Diba siya 'yong nasa video na kumakalat ngayon?"

"Hala! Oo nga! Pero naniniwala ka ro'n?"

"Siya naman talaga 'yun 'diba? Kita nga ang mukha nya eh!"

Napakuyom na lamang ako ng kamay habang naglalakad. Hindi man ako nakayuko ay nasa baba naman ang aking tingin. Takot akong makita ang mga mapanuri nilang mata. Takot akong ma komompirma na naniniwala sila sa nakita nila, kahit na alam ko na ang totoo.

Kahit na alam kong mangyayari ito ay takot pa rin akong kompirmahin ito. May bahagi sa aking pagkatao na gustong sumuko, at hayaan na lang ang lahat. But everytime I think about my friends who are willing to help me, lumalakas ang loob ko. They're the reason kung bakit hindi ako totally nalunod sa takot na nararamdaman ko.

"Bakit nandito pa rin ang haliparot na'yan? Our parents have already passed the petition for that bitch to be thrown away at Josefina Academy!"

Petition? Huli na nang mamalayan kong nilingon ko pala ang babaeng nagsasalita. Our eyes met. Dagliang tumaas ang kilay nito at naglakad papalapit sa akin.

"Gulat ka yata? Tama ang narinig mo at nasa opisina na sila ni principal! You might be here right now, but today might be your last day here at Josephina Academy!"

Kunot-noo ko siyang tinignan. Tama nga ang sinabi ni Principal Gamao na may mga magulang na gusto akong ipatapon.

Ano'ng gagawin ni principal ngayon?

"Ang kapal din ng mukha mong magpakita pa rito 'no? You're a disgrace in this institution at nandidiri kaming makita kang pakalat-kalat dito!"

Wala akong balak patulan pa siya. Alam ko ang totoo, at kung sarado ang isipan nya sa katotohanan ay hindi ako magsasayang ng laway na depensahan ang sarili ko. Nakita ko ang kamay nitong papalapit sa ulo ko, she was about to grab my hair, but a hand stopped her. Paglingon ko sa aking likod ay nakita ko roon si Claud, nakatayo at masamang nakatingin sa babaeng sasabunutan na dapat ako.

"C-claudelle." Bulalas ko.

Nakapusod ang mahaba nitong buhok at malayang ginagalaw ng hangin ang bangs nya. Naka suot lang ito ng puting t-shirt at may nakapatong na polo sa kanyang balikat. Pero mas napako ang tingin ko sa mga mata nitong nanlilisik.