Unicode>>
အခန်း (၂၈) မင်းတမင်လုပ်တာ!
【ငါအိမ်ပြန်မယ်】
ထိုဘက်တွင် ရှောင်းကျမ်အား ဟွားထန်က ဧည့်ခန်းသို့ ခေါ်ဆောင်သွားခဲ့ပြီး တစ်ဖက်တွင်တော့ ချင်ရှောက်ယွီသည် စားပွဲထိုးအား ရေနွေးနှစ်ပုံး ပို့ခိုင်းနေသည်။
" ဘာလုပ်ဖို့လဲ? "
ရှန်ချန်းလင်က နားမလည်စွာ မေးလိုက်သည်။
" ရေချိုးဖို့ပေါ့ "
ချင်ရှောက်ယွီက ခပ်အေးအေးဖြင့် အင်္ကျီများ ချွတ်နေသည်။
ရှန်ချန်းလင် - "......."
နေ့ခင်းကြောင်တောင်ကြီး ဘာရေချိုးမှာလဲ.. ပြီးတော့ ဧည့်သည်ကဖြင့် ဧည့်ခန်းထဲမှာ စောင့်နေတယ်လေ!
" မြင်းကို အပြင်းနှင်ခဲ့ရတော့ တစ်ကိုယ်လုံး ဖုန်တွေချည်းပဲလေ "
ချင်ရှောက်ယွီက ရင်ဘတ်ထဲမှ စာလိပ်အစုတ်ကို စားပွဲပေါ်လှမ်းတင်လိုက်တော့သည်။
သို့မှသာ ရှန်ချန်းလင်သည်လည်း ရုတ်တရက် အနှီပိုးဟပ်အား သတိရသွားပြီး တည်ကြည်လေးနက်စွာ ပြောလိုက်၏။
" အင်း.. ဟုတ်တယ်.. မင်းများများလေး ရေချိုးသန့်စင်သင့်တယ် "
" အတူတူ? "
ချင်ရှောက်ယွီက ဖိတ်ခေါ်၏။
သည်လိုကိစ္စမျိုးကို ဘာကိစ္စ အတူတူ စည်စည်ကားကား လုပ်နေရမှာလဲ!
ရှန်ချန်းလင်က ယတိပြတ် ငြင်းဆန်၏။ သူက တုတ်ချောင်းတိုလေးတစ်ခုဖြင့် ထိုစာလိပ်ကို ထိုးကြည့်လိုက်သည်------- အမှန်တကယ်တော့ သူက ထိုအရာကို စိတ်ဝင်စားလို့ ကြည့်ကြည့်ချင်လှပြီ.. ဒါကြောင့် ပိုးကောင်ကို အရင် နှင်ထုတ်ချင်းခြင်းသာ။
" မင်းက ဘာလုပ်နေတာလဲ? "
ချင်ရှောက်ယွီက ရေနွေးပုံးထဲတွင် စိမ်ရင်း နားမလည်စွာ မေးလာသည်။
ရှန်ချန်းလင်သည် အေးဆေးတည်ငြိမ်စွာဖြင့် ဖြေပေးလိုက်တော့၏။
" ခုနက ဆရာလီ ငါ့ကို ပေးတုန်းက အထဲမှာ ပိုးဟပ်တစ်ကောင်ညပ်နေတယ်လေ "
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
