Unicode>>
အခန်း(၁၂) မကောင်းတဲ့ကောင်!
【မင်းကဘယ်သူလဲကွ】
" ကျွန်တော် မသွားဘူး! "
ရှန်ချန်းလင်က ယတိပြတ် ငြင်းဆန်ပေ၏။ ထို့အပြင် အလွန်တရာမှ ခိုင်မာစွာ ဆုံးဖြတ်ချက်ချထားသည့် မျက်လုံးများဖြင့် သူ့အမေကို လှမ်းကြည့်လိုက်သည်!
" ခေါင်းမမာရဘူးကွယ် "
ရှန်သခင်မကြီးက သူ့လက်ကလေးကို ပုတ်ကာ ဆို၏။
" ဒီကိစ္စကို မင်းအဖေနဲ့ အမေနောက်မှ ကောင်းကောင်းတိုင်ပင်လိုက်ဦးမယ် "
" အခုသွားတဲ့ ခရီးလမ်းက အန္တရာယ်များပြီး ခက်ခဲပင်ပန်းမယ်ဆိုပေမယ့်.. ကျွန်တော်က သေချာပေါက် လင်အာကို ကောင်းကောင်းစောင့်ရှောက်ပေးသွားမှာပါ "
ချင်ရှောက်ယွီက ရိုးရိုးဖြောင့်ဖြောင့် သစ္စာပြုလေသည်။
မင်းညီမကိုပဲ စောင့်ရှောက်လိုက်! !
ရှန်ချန်းလင် ရင်ထဲတွင် အော်ဟစ်နေမိသည်။
မင်းနဲ့ လိုက်ပါ့မယ်လို့ ငါက သဘောတူပြီလား! ! !
ဒီကမ္ဘာပေါ်မှာ အဲ့လောက် နုနယ်ပျော့ပျောင်းပြီး ရှက်တတ်တဲ့ မိန်းမငယ်လှလှလေးတွေ အများကြီးရှိတာကို ငါက ဘာကိစ္စ မင်းလို လေယာဉ်ကွင်းကြီးလို ယောကျ်ားမျိုးနဲ့ သွားရမှာလဲ!
နည်းနည်းလေးမှ ယှဉ်လို့တောင်မရဘူးနော်!
" အရင်ဆုံး မတွေးပါနဲ့တော့.. "
ရှန်သခင်မက သူ့ကို မှီစရာ ခေါင်းအုံးလေး ပြင်ပေးလိုက်သည်။
" အမေက မီးဖိုဆောင်ကို မင်းအတွက် အကောင်းဆုံး အသားပြုတ်ရည် ပေါင်းခိုင်းထားတယ်.. စားပြီးရင် ကောင်းကောင်းအနားယူနော် "
" ဒီနေရာကြီးမှာပဲ နားရမှာလား? "
ရှန်ချန်းလင်က အံ့အားသင့်စွာ မေးလိုက်သည်။
ဒီနေရာက ဆောင်ကြာမြိုင်လေ!
ဆောင်ကြာမြိုင်ဗျ!
" ကိစ္စမရှိပါဘူး.. ဒီအဆောင်ဝန်းငယ်လေးကတော့ တိတ်ဆိတ်အေးချမ်းပါတယ်.. အရှေ့ဘက်က ဝန်းကမှ ကြိုဆိုတဲ့ခန်းမဆောင်လေ "
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
