Unicode>>
အခန်း (၅) ငါအလှပြင်ချင်တယ်!
ရှန်အိမ်တော်သည် အမြဲတစေ စည်းကမ်းကြီး ၊ ဂုဏ်သိက္ခာကြီးသော အိမ်တော်ဖြစ်သည်။ သခင်လေး လေးယောက်သည်လည်း တစ်ဦးနှင့်တစ်ဦး အကျင့်စရိုက်ချင်း မတူညီကြသော်ငြား အချင်းချင်း လေးစားချစ်ခင်ကာ ယဉ်ကျေးမှုရှိသူများ ဖြစ်ကြသည်။ သာမန်နေ့များတွင် အပျော်မယ်ကို အိမ်ခေါ်လာဖို့ မဆိုနှင့် ဆောင်ကြာမြိုင်ကိုသွားပြီး အရက်သောက်တာတောင် မြင်ရခဲလှ၏။ ထို့ကြောင့်မို့ သည်တစ်ခေါက် ရှန်ချန်းချန်၏ အပြုအမူက အားလုံးကို တုန်လှုပ်သွားစေပြီး မီးဖိုဆောင်က အဒေါ်ကြီးကတောင် တစ်ဖက်က ဆန်ဆေးရင်း တစ်ဖက်က သည်ကိစ္စကို စပ်စုဆွေးနွေးရသည်ပင်။ အားလုံးက မျက်လုံးပြူးမျက်ဆံပြာ ထိတ်လန့်သွားကြရသည့်ဖြစ်အင်ပင်။
အားလုံးသိကြသည့်အတိုင်း အတင်းအဖျင်းဟူသည် ပို၍ ပို၍ ချဲ့ကားပျံ့နှံ့သွားတတ်သည်။ ထို့ကြောင့် ချင်ရှောက်ယွီ ညနေပိုင်းအိမ်ပြန်လာချိန်တွင် အဆိုပါကိစ္စနှင့် ပတ်သတ်သော သတင်းပျံ့နှံ့မှု အခြေအနေသည် မြင်းဇောင်းမှလွှတ်လိုက်သော မြင်းပမာ ပြင်းထန်ကြမ်းတမ်းလှသော လမ်းမကြီးပေါ်တွင် မရပ်မနားတမ်းပြေးထွက်သွားတော့သည်။
အိပ်ရာပေါ်တွင် အစွမ်းထက်လှသော ဆေးတစ်မျိုးကိုသုံးကာ ညှို့ငင်ဆွဲဆောင်ထားသည် ဟူသော အပြောမျိုးက ပုံမှန်ဖြစ်သည်။ ပိုအဆင့်မြင့်သော အပြောက ထိုမိန်းမငယ်လေးသည် နှစ်တစ်ထောင် မြေခွေးမိစ္ဆာဖြစ်ကြောင်း။ သူမသည် အမြီးကိုးချောင်းကို ထုတ်ပြလျက် ခြံဝန်းထဲတွင် ဒုသခင်လေးနှင့်အတူ ပျော်မြူးကခုန်နေကြောင်း။ တစ်ချက် တစ်ချက် ငွေခေါင်းလောင်းများ တချွင်ချွင်မြည်နေ့သည့်ပမာ ကြောက်မက်ဖွယ် ရယ်သံများလည်း ကြားရကြောင်း။ သေချာပေါက် သည်လိုအပြောမျိုးကလည်း ရှိသေးသည်။
"ဒုသခင်လေးသည် အမှန်တကယ်တော့ ထိုမိန်းမငယ်လေးကို မိစ္ဆာမမှန်းသိနေကြောင်း။ သို့သော် သတ္တိမွေးကာ သူမနှင့် စုံမက်ရခြင်းဖြစ်ကြောင်း။ ကိုယ့်ဘဝကိုယ် အဆုံးရှုံးခံပြီးတော့ လောကကြီးက ယောကျ်ားတွေကို သည်မိစ္ဆာမလက်က ကာကွယ်ပေးဖို့ ဆုံးဖြတ်ထားကြောင်း။"
आप पढ़ रहे हैं
သိုင်းလောကတစ်ခုလုံးကဗရုတ်သုတ်ခတွေချည်းပဲ!
ऐतिहासिक साहित्यစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
