Unicode
Chapter 12
ကျောက်လုနဲ့ရွှမ်အာက လှည့်ကြည့်လိုက်ပြီး ရောက်လာတဲ့လူက ဝမ်ရယ်ဖြစ်နေတာမြင်တော့ အံ့ဩသွားကြသည်။သူတို့ကချက်ချင်းပဲ ကျောက်ခုံပေါ်ကထကာ ဝမ်ရယ့်ကိုအမြန် ဒူးထောက်ပြီး နှုတ်ဆက်လိုက်သည်။
ထိုင်ခုံပေါ်မှာလှဲနေတဲ့ပိုင်ယွီရှောင်းလည်းပဲ လန့်သွားသည်။သူမက မြန်မြန်ပဲ ပျင်းနေတဲ့ပုံစံနဲ့စိတ်အေးလက်အေးရှိနေတဲ့ပုံကိုဖျောက်ကာ ထိတ်လန့်နေတဲ့ပုံဟန်ဆောင်လိုက်သည်။သူမလည်း အစေခံတွေလုပ်သလို ဝမ်ရယ်ကိုအရိုအသေပြုဖို့အတွက်ထိုင်လိုက်သည်။
"ဒီကိုယ်လုပ်တော်က ဝမ်ရယ်ကို နှုတ်ဆက်ပါတယ်"
သူမက ခေါင်းကို တော်တော်လေးငုံ့ထားပြီး တစ်ချိန်ထဲမှာပဲ သူကဘာလို့ရုတ်တရက်ကြီးရောက်လာရတာလဲဆိုတာ အံဩနေသည်။
စစ်လျှို့ကျင်းကဖြည်းဖြည်းချင်း ခြေလှမ်းသွားပြီး ပိုင်ယွီရှောင်းရှေ့မှာရပ်လိုက်သည်။
သူမရှေ့မှာ ရွှေချည်ထိုးထားတဲ့ဘွတ်ဖိနပ်အမည်းရောင်တစ်စုံလာရပ်တာကိုမြင်လိုက်ရပြီး သူမကိုကြည့်နေတယ်ဆိုတာ ခံစားမိနေသည်။
ဒီလူက ဘာလို့ရုတ်တရက်ကြီး ဝူထုန်ခြံဝင်းမှာရှိနေရတာလဲ?သူအရမ်းအလုပ်များနေတာမဟုတ်ဘူးလား?"
စစ်လျှို့ကျင်းက စားပွဲပေါ်ကစားလို့ပြီးခါနီးနေပြီဖြစ်တဲ့ အေးဖရဲသီးကိုကြည့်လိုက်သည်။ထို့နောက် ပိုင်ယွီရှောင်းကိုတစ်ဖန်ပြန်ကြည့်လိုက်သည်။
"ထတော့"
"ကျေးဇူးတင်ပါတယ် ဝမ်ရယ်"
ကျောက်လုနဲ့ရွှမ်အာက သူတို့သခင်မလေးနောက်ကို အတူတူရပ်ဖို့ နောက်ဆုတ်လိုက်ကြပြီး ခေါင်းငုံထားကာ တစ်ခွန်းမှမပြောရဲကြပေ။
ပိုင်ယွီရှောင်းကနည်းနည်းလေးတော့စိုးရိမ်သွားတယ်။
ဝမ်ရယ်က ဘယ်အချိန်တုန်းထဲက ရောက်နေတာလဲ??
သူမက အရမ်းသတိမဲ့သွားတာပဲ!!!သူမက သူ့အသက်ရှုသံကနီးနီးလေးမှာကိုတောင်မသိဘူး ပြီးတော့လည်း ဝမ်ရယ်က ဘယ်လောက်အထိများပြောတာတွေကြားသွားတာလဲဆိုတာမသိဘူး။ဒီကိစ္စကို သူမေးလာတဲ့အခါ သူမဘာလုပ်သင့်လဲ?ကိစ္စက ဒီအဆင့်ထိဖြစ်လာမှတော့ ဖြစ်လာတဲ့လှုပ်ရှားမှုတိုင်းကို တုံ့ပြန်ဖို့ပဲရှိတော့တယ်။
YOU ARE READING
ဒီကိုယ်လုပ်တော်ကအလုပ်များနေပါတယ် ဝမ်ရယ်/ဒီကိုယ္လုပ္ေတာ္ကအလုပ္မ်ားေနပါတယ္ ဝမ္ရယ္
Historical Fictionကမ္ဘာပေါ်မှာရှိတဲ့မိန်းမတိုင်းက အဓိကဇနီးနေရာအတွက် တိုက်ပွဲဝင်ဖို့ ဆန္ဒရှိနေတာမဟုတ်ဘူး။ ပိုင်ယွီရှောင်းက ကိုယ်လုပ်တော်အဖြစ်နေရတာကို အရမ်းပျော်တယ်။သူမ တစ်ခြားအရာတွေကို ဂရုစိုက်နေဖို့မလိုတော့ဘူးလေ။ ဘယ်သူကသိမှာလဲ။သူမရဲ့ အိပ်ဆောင်ကို နှစ်နှစ်လောက်မလာဘူးတ...
