Ch-109 ကောင်းကျားလန်၏အထက်တန်းကျောင်းရှုထောင့်(P-1)
သူကငါ့နောက်ကိုတစ်ချိန်လုံးလိုက်နေတာလား။
မိမိမှာအစောပိုင်းက မိမိ၏တုံးအပြီးရယ်စရာကောင်းသောအပြုအမူများအား တွေးမိကာ ကိုယ့်ဘာသာကျင်းတစ်ခုတူးပြီးဝင်ပုန်းလိုက်ချင်တော့သည်။
"မတွေ့တာကြာပြီနော်။အဲ့တော့လက်ရှိမှာ မင်းကကျွန်တော့်အိမ်ထဲခိုးဝင်ဖို့ ဆုံးဖြတ်ချက်ချခဲ့တယ်ပေါ့လေ"
အိုးနိုး။ပြီးသွားပြီ။ပြီးသွားပြီ။ယခုမိမိစိတ်ထဲတွင် အတွေးတစ်ခုသာကျန်တော့သည်။ထိုသည်မှာရှန်ရှောက်ချင်နှင့်မိမိမှာတော့ သွားပြီဆိုတာပင်။မိမိအခြေအနေကတောင် ပိုဆိုးနေသည်မှလွဲ၍ပေါ့။
မိမိသည်အိပ်ထောင်ထဲမှ လမုန့်များကိုတုန်တုန်ယင်ယင်ထုတ်လိုက်သည်။နှစ်စိတ်ကျန်သေးလေသည်။သူတို့မှာဖျစ်ညှစ်ခံထားရပုံပေါ်နေခဲ့သည်။မိမိမှာလက်နှစ်ဖက်ဖြင့် အစိတ်များကိုဝမ်ရိဟန်ထံပြကာ ခြောက်ကပ်ကပ်ရယ်လိုက်သည်။
"ဟားဟား ကျွန်မကဒီကိုလမုန့်လာပို့တာပါလို့ပြောရင် ရှင်ကျွန်မကိုယုံပေးမှာလား"
"မင်းဘယ်လိုထင်လဲ"
"ဟားဟား..."
မိမိမှာခြောက်သွေ့နေသောနှုတ်ခမ်းများအား ဖိကပ်ကာနာရီအားကြည့်လိုက်သည်။မိမိသည်ရူးကြောင်ကြောင်ဖြင့်ရယ်ရင်းပြောလိုက်သည်။
"ခုထိသန်းခေါင်မရောက်သေးဘူးလေ။အဲ့တော့ ပျော်ရွှင်စရာဆောင်းဦးလယ်ပွဲတော်ပါနော်"
ကောင်းပါပြီ။ငါအဲ့ဒါကိုဝန်ခံပါတယ်။ငါကျရှုံးသွားခဲ့ပြီ...
- - - - - - -
(ဤအပိုင်းမှာ ကောင်းကျားလန်မှအထက်တန်းကျောင်း၌ရှိစဉ် သူမ၏ရှုထောင့်ဖြစ်သည်။)
လွန်ခဲ့သော၁၂နှစ်က ကောင်းကျားလန်မှာစီနီယာအထက်တန်းကျောင်းသူတစ်ဦးဖြစ်သည်။ထိုကြမ္မာငင်သောနေ့တွင် သူမသည်သန့်ရှင်းရေးတာဝန်ကျသော ကျောင်းသူဖြစ်၍ ကျယ်ဝန်းပြီးဗလာဖြစ်နေသည့်စာသင်ခန်းတွင် သူမသာရှိနေခဲ့သည်။စာသင်ခန်းအားသန့်ရှင်းပြီးသည်နှင့် သူမသည်အိမ်ပြန်ရန်အသင့်ဖြစ်နေလေပြီ။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
HorrorAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
