Ch-144 ကိုယ့်ဆီပြန်လာခဲ့ပါ
အလုပ်ပြီးသော် မိမိသည်စုယန်၏တိုက်ခန်းဆီချက်ချင်းသွားလိုက်သည်။မိမိမှတ်ဉာဏ်များမှာ မိမိထံတဖြေးဖြေးပြန်ဝင်လာခဲ့သည်။မနေ့ညကမိမိမူးနေစဉ်တွင် စုယန်မှာမိမိအားဤနေရာဆီသယ်လာခဲ့သည်။ဓာတ်လှေကားခလုတ်များအား ဇောက်ထိုးမြင်ခဲ့ရသည်ကို မိမိသတိရလိုက်သည်....အိုး ဘုရားရေ ငါ့ဆီကိုငါ့မှတ်ဉာဏ်တွေဘယ်သူပြန်ပေးနိုင်မလဲ။
*ဒေါက် ဒေါက် ဒေါက်*
တံခါးခေါက်လိုက်ပေမယ့် အတွင်းမှတုံ့ပြန်မှုရှိမလာခဲ့ပေ။
သူအိမ်မှာမရှိဘူးလား။ဒါပေမယ့်ဒီမှာတွေ့ဖို့သူပြောခဲ့တာလေ....မိမိသည်တံခါးမှpasswordခလုတ်အားကြည့်လိုက်သည်။နံပါတ်ကတူနေတုန်းပဲလား။သူသာဒီအတိုင်းထား ထားတာဆိုရင်....
မိမိမှာအနည်းငယ်ခံစားမိသွားပြီး လွန်ခဲ့သော၃နှစ်မှနံပါတ်ကိုနှိပ်လိုက်သည်။တံခါးမှာေဂျာက်ကနဲမြည်ကာ ပွင့်လာသည်။
စုယန်ကpasswordပြောင်းမထားဘူးပဲ။မိမိမှာဟတ်ထိသွားရသည်။မိမိဝင်လိုက်ချိန်တွင် မိမိရှေ့၌အသည်းပုံသဏ္ဍာန်နှင်းဆီပန်းများရှိနေခဲ့သည်။ထပ်ပေါင်းပြောရလျှင် နေရာတိုင်း၌ဖယောင်းတိုင်များထွန်းညှိထားသည်။
စုယန်သည်ဝတ်စုံပြည့်ဝတ်ကာ သူ့လက်ထဲတွင်နှင်းဆီပန်းစည်းကြီးဖြင့် မိမိရှေ့တည့်တည့်တွင်ရပ်နေခဲ့သည်။
"ရှင်ဘာတွေ..."
မိမိမှာကြောင်အသွားခဲ့သည်။မိမိမှာဤကဲ့သို့မြင်ကွင်းမျိုးအား ဘယ်လိုတုံ့ပြန်ရမည်ကိုပင်မသိတော့ပေ။မိမိစကားလုံးများမှာ လည်ချောင်းထဲတွင်တစ်ဆို့နေပြီး အသံထွက်ဖို့ခက်ခဲစေခဲ့သည်။
စုယန်သည်ပုံပြင်ထဲမှမင်းသားလေးတစ်ပါးလိုလျှောက်လာခဲ့သည်။မိမိမှာ မင်းသမီးလေးတစ်ပါး ဒါမှမဟုတ် စင်ဒရဲလားဟုတ်မနေသည်မှလွဲလို့ပေါ့။
"လွန်ခဲ့တဲ့၃နှစ်ကမင်းကိုယ့်အတွက်စာတစ်စောင်ထားခဲ့တယ်။စာထဲမှာက ကိုယ်တို့တွေနွေဦးမှာပြန်ဆုံစည်းကြနိုင်တယ်ဆိုပြီး မင်းပြောခဲ့တယ်လေ။ကိုယ်ကပန်းတွေပွင့်တဲ့မတ်လဖြစ်ရမယ်လို့ထင်ခဲ့တာ။အဲ့ဒါက၃နှစ်ကြာပြီးနောက်ေနွဦးချိန်ဖြစ်လိမ့်မယ်လို့ထင်မထားခဲ့ဘူး"
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
HorrorAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
