بعدك يابوي اصبحت حياتي وهم

1

"تـعريـف"
ابو تركي اكبر عائلة التركي شخص صارم ومتشدد بس حنون جداً العادات القديمه هو ملتزم فيها جداً!
ام تركي حنونه جداً بس شوي قاسيه تحب اولادها وأحفادها!
تركي ابو سلطان هادي جداً وحنون شخص يبين ل الكل انه مايهمه اي احد بس هو يهمه كل شي!
امزان ام سلطان حنونه وطيبه جداً تحب الخير ل الكل!
سلطان عمره 30 سنه هادي بشكل كبير بس حنون شعره اسود وعيونه عسليه جسده رياضي!
سميره عمرها 25 قويه ومشكلجيه شعرها بني فاتح وعيونها عسليه جسمها حلو ومناسب لها!
سيلين عمرها 22 هاديه وفله شعرها اشقر وعيونها بنيه وجسمها حلو بنت تحب نفسها جداً!
سعود ابو سند الابن الثاني ل ابو تركي شخص محترم وهمه نفسه وعيلته شخص جامد!
عائشه ام سند هاديه وماتحب المشاكل حنونه بشكل كبير!
سند عمره 26 هادي ومايحب المشاكل شعره بني غامق وعيونه بنيه جسمه رياضي!
ساميّ عمره19 هادي وغامض بشكل مو طبيعي شعره بني غامق وعيونه عسليه جسده رياضي!
محمد الابن الثالث ل ابو تركي ابوه متبري منه ل أسباب "متوفي"!

كانت جالسه بملل هي الحين ب امريكا بسبب امها وقفت وهي تناضر لصورة ابوها ونطقت بحزن: يبه احس حالي نشبه ل امي!
دخلت امها"ساره": روين اليوم بتملكين وتسافري ل السعوديه!
التفتت روين: يمه مابي تكفين أنا اخاف من الزواج!
ساره حطت يدها علئ خد روين وبحزن: لازم تروحين يا امي عشانك عشان تنقذين نفسك منه!
روين بدموع ورجاء: يمه تكفين تطلقي منه عادي أنا اترك دراستي واشتغل والله يمه بس تكفين لاتتركيني يمه!
ساره مسحت دموع بنتها بألم: واخوك يالي ببطني يا امي وش اسوي فيه اخوك يحتاج ابوه ياعيوني!
روين طلعت منها شهقه تعبر الألم الي بداخلها: يمه إلا الزواج تكفين يمه!
ساره بلعت ريقها بدموع: تمام تمام بدور طريقه غير الزواج بدور!
طلعت ساره وهي خايفه علئ بنتها من زوجها،

في بيت بالسعوديه عائلة التركي-
كان الكل ساكت بدخول ابو تركي الكل وقف له احترام وهم يسلمون عليه جلس ابو تركي ببرود: وش صار بالشغل يا سلطان؟
نطق سلطان بنفس البرود: تم توقيع الصفقه الي بينا وبين عائلة الصقر!
ناضره ابو تركي: يعني انت المسؤل عن هالصفقة؟
هز راسه سلطان: ايه ياجدي!
ابو تركي: كفو هاذا الي أنا ابغاه كفو ياولدي كمل ل النهايه!
سلطان ابتسم: تأمر امر ياجدي!
ناضر ابو تركي حواليه: وين سميره وسيلين؟
دخلت سيلين الي معها الكيك: موجوده ياجدي!
وقف الجد ب ابتسامه وهي نزلت الكيك وتوجهت له تحضنه ب ابتسامه: اشتقت لك ياجدي!
ابو تركي: وانا اشتقت لك ياقلب جدك انتي!
جلس وهي جلست جنبه دخلت سميره بهدواء: السلام عليكم!
الكل: وعليكم السلام!
تقدمت سميره من جدها الي يتوسط المجلس وباست راسه: وش اخبارك ياجدي؟
ابو تركي: بخير يابنتي دام انك بخير اجلسي!
جلست سميره جنب ابو تركي وبدأو يسولفون بحب،،

جلست بعد خروج امها بس فزت لما دخل زوج امها وقفت ونطقت برجاء: تكفئ لا تكفئ!
تقدم منها ب ابتسامه قذره وهو يتأمل جسدها اصتدمت بالجدار وهو قرب منها اكثر وهو يحاصرها بيدينه ونطق بصوت هادي: اشتقت لك يابنت!
روين بدموع: انت مثل ابوي تكفئ لا ياجراح!
جراح حط يده علئ خصرها وهو يقرّبها له وبلحضه كان ماسك خده من الكف ناضرها وهو يرفع يده وضربها كف اقوئ ومسك شعرها وهمس ب ابتسامه تحمل الخبث: ماراح تروحين مني صدقيني انتي لي لوحدي وراح أطلق امك بيوم واجي أتزوجك!!!
رماها علئ السرير وناضر ل الفستان الي ارتفع شوي وابتسم بخبث: تعرفين نفسي أسويها الحين بس طبعاً امك الغبيه بتسمعك يامريضه!
طلع وهي تمسك المخده وتدفن وجها فيه وتبكي بحرقه كان اخوها الأكبر موجود بس من لما مات ابوها وهو مو موجود وتزوجت امها بالرجل هاذا الي دمرها من لما دخل البيت وقفت بخوف وهي خايفه انه يدخل مره ثانيه سكرت الباب بالمفتاح وتسند عليه وهي تبكي بتعب بكت من كبر الثقل الي تحمله بقلبها بكت من شدة الألم والخوف الي يلازمها، جلست علئ ركبها مباشره تصرخ بكل قوتها تصرخ بكل ما أوتيها من قوه من شدة الألم!
صرخت تتمسك بالجدار من سنين طويله علئ هالحال بدون ابوها واخوها،