بعدك يابوي اصبحت حياتي وهم

30

مرت شهرين وفيصل بالمستشفئ وابو فيصل صابته جلطه وبسببها صار مايتكلم كثير، كان محمد مايفارق المستشفئ الا اذا يزور روين محد كان يعرف عن تميم الي من صار الي بينه وبين محمد محد شافه حتئ عيلة التركي،

وقف من شاف روين تتقدم منه تحضنه بقوه بعدت عنه تردف: وين فيصل؟
محمد: روين انا وش قلت؟
خلص شفتيه وان شاءالله اذا صحئ بجيبك بنفسي
روين: يبه بس مره وحده شفته تكفئ بشوفه هالمره هاذي تكفئ يبه
تنهد محمد يمسك يدها يتوجهون ل الغرفه الي فيها فيصل دخلت روين لحالها تقدمت منه تمسك يده: فيصل
كان نفسها تسمع صوته كان نفسها يرد عليها بس ماسمعته، مر رمضان والعيد بدونه اردفت وهي تمد يدها تحطها علئ راسه: فيصل انا افقدك
اشتقت اسمع صوتك اشتقت لكلامك وسوالفك
اسفه اسفه ماراح اسوي شي بس اصحئ تكفئ فيصل
رفعت راسها تبكي بحرقه ماكانت قادره تتحمل كل يوم يمر تحس نفسها السبب الرئيسي كرهت نفسها الف مره ومره،،

كان واقف قدام غرفة فيصل والتفت ووقف من شاف اخوانه الي ساندين ابوه ضغط علئ يده يتحكم بمشاعره ونضرات الكره كانت علئ وجهه كرهه وحقده علئ اهله زاد من بعد ماصار الي صار
تقدمو منه وهو يوزع نضراته عليهم واردف ابو تركي بحزن: ماودك تسلم علئ ابوك؟
ضحك محمد ضحكه طويله ماليه سخريه واستهزاء واردف: اه ابوي الي كان بيخلي ابني يذبح اخته
فعلاً هاذا ابوي
ابو تركي: انت تعرف قوانين عيلتنا و...
قاطعه محمد بحرقه: اي قوانين الي امرتكم تذبحون زوجتي قدام عيوني؟؟
اي قوانين خلتكم تحقدون ع اولادي؟؟
تكلم اي قوانين؟؟
صد محمد من تذكر شكل تميم وروين لما رفع يده يضرب روين واردف بحزن وغصه: مافي اي قانون بالعالم يخليكم تحقدون ع احفادك يبه
ومافي اي قانون بالعالم ي امر بقتل البنت والولد لا
صرخ بحرقه: مافي اي قانون!!!
كل قوانين العيله خلتني اقرف حياتي، قتلت زوجتي الي ترجتك وباست رجليك عشان ماتقتلها يبه بس انت؟؟
انت قتلتها وهي تبكي بس قبل ماتقتلها قتلتني يبه قتلتني!!!
ابو سلطان بحزن: محمد انسئ الماضي ابوي تعبان!
محمد: ابوي مو تعبان!
تنهد يكمل كلامه: الي يقتل زوجتي وكان بيقتل بنتي هاذا مو تعبان!!!
ترجيته وبكيت عنده انه مايذبحها بس بكل بساطه ذبحها
ابو سند: محمد تكفئ ابوي بيتعب زياده!
محمد: وانت؟؟
رغم انك مدير ولك مكانه بالعسكر ماسويت شي ولا ساعدت بنتي وابني
ابو سند بتبرير: حاولت بس ماقدرت
محمد: اي ماقدرت، بس كان ب امكانك تقنع ابوي مايدمر حياة بنتي بس انتو دمرتوها اكثر لما قتلتو فيصل
ماراح اسامحكم والافضل انكم تروحون عشان بنتي ماتشوفكم ويصير فيها شي لان الي فيها كافيها

تنهد ابو سلطان يسند ابو تركي ويخرجون من المستشفئ،،

دخلت وهي وهي عارفه انه الكل طالع ومحد في البيت غير سميره دخلت وشافت سميره الي وقفت من شافتها وتقدمت منها تضربها كف، حطت سيلين يدها علئ خدها بصدمه تناضر ل سميره الي وجها واضح عليه العصبيه والقهر،،
اردفت سيلين بصدمه: وو ش فف يك؟
سميره بغضب: تحبين واحد حاقد ع جدي وبيذبحه؟؟
قلو الرجال حتئ تحبين واحد مثل هاذا؟؟
لانت ملامح سيلين واردفت: شفتي الصندوق؟
سميره: وليتني ماشفته
انتي عارفه انهم لو عرفو انك كنتي تكلمينه كانو ذبحوك بدون تفكير
انتي ممكن تدمري العيله فوق ماهي مدمره!!
سيلين بغصه: والله مادريت سميره
مادريت انه ادم ومادريت انه حاقد ع جدي
والله لما عرفت اني قطعت علاقتي معه
سميره بكت وهي تحط يدها ع وجها: والله انك غبيه
كيف تعلقين نفسك بواحد ماتعرفينه
رفعت اصبعها بوجه سيلين بتهديد: والله لو ماتشيلينه من بالك والله ل اعلم ابوي وانتي عارفه ابوي اذا عصب!!!
صرخت سيلين: وش راح يسوي مثلاً؟؟؟
ممكن يذبحني او يحبسني بالمخزن او يسفرني؟
وش ممكن يعمل مثلاً؟؟
نزلت دموع سيلين تردف ببكئ: انا احب ادم ولازلت احبه
ولو قال الف تبرير وتبرير راح اسامحه
صح اني فكرت اول شي بالعيله بس انا لما شفت افعالهم واصرار روين وعمي محمد بحبهم ومحاربتهم بالحق
انا بحارب وماراح استسلم ابداً!!!
تعدت سميره ل الغرفه وسميره جلست ع الكرسي تبكي بخوف علئ كل حاجه،،،

دخلت الغرفه تقفل الباب وتبكي تبكي بقهر هي تحب عيلتها بس تفكيرهم كامل بالعار، اي عار وهم الي دمرو كل شي بيدهم
استندت ع الطاوله وبلحضة قهر رمت الاغراض وهي تصرخ بكل قوتها كانت الاغراض تطيح وتتكسر وهي ماتحس ب اي حاجه غير القهر والحزن الي بداخلها جلست ع الارض تصرخ بحزن وذل: ياربي شيل حبه من قلبي يارب
شهقت ببكئ تكمل: ياربي ساعدني انساه
ضربت يدها ع القزاز وهي تصرخ: ياربي ساعدني انساه
دخلت سميره تجلس امامها وتمسك يد سيلين الي تنزف وهي تبكي حست ب اختها بس التفكير انه جدها بيصير فيه شي يخليها تتخلئ عن كل شي، ضربت سيلين صدرها بقوه تبكي وتصرخ: تعبت وانا احاول انساه تعبت
مسكت سميره يد سيلين الي تضرب صدرها وهي تسحبها وتحضنها وهي تبكي،،،

{الليل، الساعه 9:30}
كانت جالسه علئ طرف السرير تفكر بفيصل هاذي هي حالتها من لما دخل بغيبوبه، نزلت انضارها لجوالها الي يرن وكان ابوها رفعته: هلا يالغالي
محمد بسعاده: البشاره؟
وقفت ب امل: فيصل صحئ؟
محمد ضحك بسعاده: اي اي صحئ
ضحكت روين بسعاده ودموعها نزلت بس هالمره بسبب فرحتها واردفت: مدري وش فيني
محمد ضحك: من الفرحه يانور عيون ابوك
روين: يبه بشوفه تكفئ
محمد ب ابتسامه: ماتسمح الزياره الحين بكرا بجيك واخذك انتي وجدك واذا احد بيجي يشوفه
روين: كيف بصبر لبكرا؟
محمد: اقول اثقلي يابنت اثقلي
روين تنهدت بسعاده: مافي ثقل مادام فيصل زوجي
محمد: الله يوفقكم يابنتي انا الحين مشغول شوي بكرا ب التصل عليك
روين: تمام
قفلت منه وخرجت من الجناح وحطت الطرحه ع راسها ودخلت الصاله وهي تصرخ: جدي
وقف ابو مطلق بخوف: وش فيه وش صاير؟
ضحكت روين وعيونها تذرف دموع: فيصل فيصل صحئ
شهقت ام مطلق بفرحه: صدق؟؟
روين هزت راسها: اي توه اتصل فيني ابوي وقالي
ابتسمت ام هتان: الحمدلله ع سلامته
ابو مطلق: الحمدلله الحمدلله
وقف ابو هتان: بتصل علئ ريناد تقول ل اهلها

"يتبع"