بعدك يابوي اصبحت حياتي وهم

23

طلعت تترك روين من حست بالم بقلبها ترفع كفها وتبكي بكت من حست بشعور الخوف لان جدها ابو مطلق لو عرف انها قالت ل روين كذا مو بس بيذبحها بيدفنها، بكت من ادركت حبها ل فيصل دخلت غرفتها وجلست علئ الارض البارده ترفع رجليها وتحتضن نفسها تبكي، دخل البيت بحكم انه بيرتاح لانه من لما رجع من السفر وهو ماارتاح وقرر انه يرح لجناحهم وينام وقف من سمع صوتها تبكي التفتت ل الغرفه الي جاي منها الصوت وعقد حواجبه من ادرك انها اخته الي تبكي تقدم وهو يفتح الباب ويدخل الغرفه جمد مكانه يشوفها بالارض جالسه وتبكي تقدم منها بخوف يجلس امامها: دانه وش صار؟؟
فيك شي؟
صار لك شي؟
هزت راسها بالنفي بتكرار ونزل عيونه لقدمها: تحسين بالم؟
دانه قولي وش فيك؟
رفعت ذراعها تحضنه وتبكي علئ صدره عقد حواجبه ب استغراب: دانه
هزت راسها بالنفي تشد عليه تنهد رفع كفه علئ ضهرها: دانه قولي لي وش فيك تبين نروح للمستشفى؟
صاير شي؟
احد مزعلك؟
شهقت يشد عليها يحضنها: تمام اهدي اهدي
استمرت تبكي وتركها تبكي براحتها بعد دقايق ابتعدت عنه ورفعت عيونها له: اسفه
وقفت وببرود: اذا تبغئ تطلع اطلع
وقف احمد وهو يناضرها بحنان: دانه انتي اختي صح امي وابوي صارت معهم ضروف بس انتي اختي قولي وش فيك؟
التفتت له دانه بحده: مافيني شي ممكن تتركني بحالي؟؟
ابتسم احمد: من عيوني بس اذا احتجتي شي انا موجود
طلع احمد وجلست علئ طرف السرير واحتضنت نفسها تفكر،،

دخل جناحه وتنهد بسكون كانت علاقته هو واخته كذا من لما كانو اطفال بسبب امه وابوه الي فرقوهم، نزل ثوبه وهو يدخل غرفة النوم ويرميه علئ السرير وفتح الدولاب وكانت الملابس مرتبه بحكم الخدم الي بالبيت هم الي يرتبونه، اخذ له ملابس واخذ شور ولبس وانسدح علئ السرير بعد دقايق دخلت بلقيس وابتسمت من لمحته: احمد؟
التفت لها احمد وابتسم واردف وهو يناضرها: متئ ترحميني من جمالك؟
ابتسمت بنعومه وحب وتقدمت منه بدلع تجلس علئ طرف السرير واردفت بهدواء: تخيل انه فيصل....
قاطعها احمد: ولد عمي!!
رفعت حواجبها بلقيس تبتسم: تغار يعني؟
ناضر ل حركاتها وطريقة نطقها الي تميل ل الدلع وعض شفته: اسمه ولد عمك وخلص
حاوطت عنقه تميل شفايفها: فيصل كان
بتر حروفها من انحنئ يقبل شفايفها وحاوط خصرها يشد عليه من نيران صدره ومعاندتها له بهالشكل داهمه شعور الغيره يحرقه زود هالنار، ابتعد عنها يناضرها بحده ورفعت حواجبها بلقيس وهي مبتسمه ونطق بحده: لاتعانديني بلقيس!
ضحكت تضرب ارتبة انفه بخفه وهي مبتسمه وبحركه سريعه باست خده وركضت ل الحمام وهو ابتسم بهيام،،

{فيصل وروين}
دخلت وهو وراها وتقدم ومسك يدها يلفها له واردف: وش حركتك الي سوي...
سكت من لمح عيونها الحمراء واردف بصوت حنون: وش فيك؟
نطقت بصوت واضح فيه البكئ: انت تحب وحده صح؟؟
انطققق تكلم قول شي!!
بلع ريقه وارف بهدواء: ايه بس انا وياها فسخنا كل شي بينا وو
قاطعته وهي تصرخ بقهر: لا ماانتهئ شي، البنت اليوم قابلتها وهي تقول اني سرقتك منها
عقد حواجبه: لحضه لحضه انتي مين قصدك؟؟
لان البنت تزوجة وماهي بحياتي الحين
ضحكت واردفت ب استهزاء: اقصد الست دانه الي انت وياها تحبون بعض
التفتت وتوجهت ل الغرفه وتركته ب افكاره معقوله دانه تحبه؟؟
من متئ وكيف؟؟، كان مصدوم لانه ماكان متوقع ولا واحد بالميه انه دانه تحبه،،