بعدك يابوي اصبحت حياتي وهم

10

كانت جالسه علئ الارض الي كانت بارده والسجن كامل بارد كانت محاوطه نفسها وتحاول تدفي نفسها من البرد دخل سند وهو يفتح باب السجن ونطق وهو يناضرها: اطلعي
رفعت راسها روين وكانت لاتزال حاطه النقاب مسكت الجدار وهي تحاول توقف ودخل تميم وتقدم منها بخوف ومسك يدها: روين
بعدت يده روين بقوه ونطقت بحده: أنا مو بزر اقدر أوقف
بلع تميم ريقه بألم من معاملتها له، تقدمت روين من سند ونطقت بصوت مبحوح من البكاء: ابغئ أشوف امي
بلع ريقه سند بحزن ونطق: تم دفن امك ماتقدرين
ضحكت روين بصوت عالي ودموعها نزلت ونطقت: كيف أنا أنا ماشفتها
ضربت صدر سند بقوه وصرخت ببكئ: ليش دفنتوها ليش؟؟؟
مسكها تميم بقوه وهي تصرخ وتبكي ماهي قادره تحس كانها بحلم ابوها اول شي مات بسببها وامها ماتت من كم يوم وهي ماهي داريه هي أنانيه بسببها صار كل شي،،

سندها تميم ونطق بخفوت: اهدي لاتضعفين وأبوك محمد
نطقت روين ودموعها علئ خدها: راح ابوي وبعده امي وش راح انتضر منك يا اخوي؟؟
تركتني بعز حاجتي لك

{بيت عائلة المنصور بيت حازم، الليل}
دخل البيت وهو متضايق توجه لفوق بس قاطعه امه الي فتحت باب غرفتها ونطقت بخوف: فيصل يمه وش فيك؟
التفت فيصل لها وابتسم رغم ضيقه: مافي شي يمه بس متضايق شوي
ام فيصل بحنان: الله يبعد الضيق عن قلبك ياولدي
تعال ادخل
فيصل بضيق: وابوي؟
ام فيصل ابتسمت بفهم: ابوك مو هنا ادخل تعال
دخلت ام فيصل ودخل فيصل وقفل الباب وراه تقدم من امه الي جلست علئ السرير وجلس بجانبها حطت ام فيصل يدها علئ كتف فيصل ونطقت بحنان: وش فيك تكلم ياولدي
فيصل بضيق: اليوم رواد مد يده علي يمه عشاني كنت جالس مع واحد تعرفت عليه
بلعت ريقها ام فيصل بحزن ونطق فيصل بحزن: يحسب اني بسوي القرف هاذا
ضحك فيصل رغم حزنه: تدرين يمه
رفعت ام فيصل راسها ل فيصل الي قال بدموع: تعرفت علئ شخص قبل اسبوع ماصدق عني هالشي رغم اني توني تعرفت عليه بس اخوي الي عشت معه وتربيت أنا وياه صدق عني هالكلام
نزلت دموع فيصل ومسحها بسرعه قد ايش صعب عليه ان شخص غريب صدقه وأخوه وابوه مو مصدقينه مو معطينه اي اهتمام لكلامه سنتين وهو يعاني من كلام ابوه المقرف له وهو متحمل فقط لانه ابوه،

وقف لما شاف الباب ينفتح ووقفت ام فيصل دخل ابو فيصل واحتدت ملامحه بغضب: وش تسوي هنا؟؟
ام فيصل بحده: أنا ناديته وش ماتبغاني اشوف ولدي كمان
ابو فيصل بحده: انتي لاتتدخلين وانت انقلع برا لا أشوفك فاهم اطلع الله يغضب عليك اطلع
ابتسم فيصل بحزن: تأمر امر يبه بس اتذكر حاجه وحده والله اني مأسويتها أنا تربيتك يبه
قاطعه ابو فيصل بغضب: الله يأخذ هالتربيه انقلع يامغضوب انقلع الله يا..
قاطعته ام فيصل بصراخ وببكئ: لا لا يا حازم لا إلا ولدي تكفئ
غمض عيونه ابو فيصل ونطق بصوت مهزوز: اطلع برًا يافيصل اطلع
طلع فيصل وتوجه لغرفته، جلست ام فيصل علئ السرير وهي تبكي بحرقه علئ ولدها وناضرها ابو فيصل وهو يدعي عدم الاهتمام شلون مايهتم وهو كان بيدعي علئ ابنه البكر نزل شماغه وهو يرميه علئ السرير ودخل الحمام،،