Mimi & Chloe (GGIS#1)

Chapter 31

Ilang linggo na ang matuling lumipas pagkatapos nilang magdesisyon ni Georgette na iwasan sina Mikael at Z. Minsan nakikita niya sa peripheral vision niya na napapalingon ang mga ito sa kanila sa loob ng classroom. Minsan naman ay sa cafeteria kapag doon sila kumakain kasama si Christine, Jasper, Markie at iba pang mga varsities pero madalas ay sa labas na sila kumakain, para mas lalong makaiwas sa mga ito.

Sinabihan na nila si Christine sa naging desisyon nila. Nagkekwento din ito sa mga nagaganap dito at kay Christopher.

"Buti pa kayo... Ako? Hindi ko talaga siya maiiwasan katulad ng sa inyo. Minsan nga parang gusto ko na lang tumakas at mawala na lang bigla. Kaso siyempre, joke lang." Tumawa ito ng mapakla.

"Kaya mo yan, atleast nasa side mo ang parents niya. And nandiyan din ang parents mo to help you. Eh ako?" Georgette remarked.

Tumawa si Christine. "Yeah. Nasa side ko nga ang pamilya niya pero kahit ganoon pa man ay masakit pa ding isipin na harap-harapan niya akong inaayawan sa mga pamilya namin." Tumawa ulit ito ng mahina. She's trying to cover up her sadness. "Next year na ang kasal namin ha? Punta kayo ah? Ang hindi ko lang alam is kung may groom ba ako. O pareho kaming susuot ng gown." Tapos ay tumawa ito ng sobrang lakas.

Nagkatinginan sila ni Georgette, nababaliw na yata si Christine. Pinitik ito ni Georgette sa noo. "Hoy! Nasisiraan ka na talaga ng bait?"

Mayamaya lang ang tawa nito ay naging hagulgol na. Agad niya itong niyakap. "Christine.. Hush.."

Hindi umimik si Christine at nagpatuloy lang sa pag-iyak sa balikat niya.

Naawa siya kay Christine, atleast sila ni Georgette ay pwede silang umiwas. Si Chrisitine ay wala talagang choice kundi ang magtiis sa malupit na pakikitungo ni Christopher.

Si Jasper naman ay pinrangka na niya na hindi pa siya ready pumasok sa panibagong relasyon. Sinabi niya dito na nasa moving-on process pa lang siya kay Mikael, at ayaw niya ding gawing rebound ito. Inofferan niya ito ng friendship at pumayag naman ito. Kaya eto at friends na lang talaga sila. Kaso minsan, hindi pa din maiwasan ni Jasper ang magpalipad hangin sa kanya.

Si Georgette naman ay binigyan na ng chance si Markie na manligaw dito. Tuwang-tuwa si Markie siyempre pero alam niya hindi pa rin masyadong nakamove-on si Georgette kay Z. Minsan kasi ay nahuhuli niya itong napapatingin pa din kay Z pero agad din naman ito umiiwas. Alam niyang mahirap makamove-on. Ganoon din naman siya pero kinakaya niyang talaga.

Sa susunod na linggo ay midterm exams na nila, kaya medyo busy na silang lahat sa school para sa nalalapit na exams. Maraming mga requirements at group works. Nagpapasalamat sila ni Georgette na sa lahat ng group works nila ay never pa nilang naging kagrupo sina Z at Mikael since sila mismo ang pumipili ng gusto nilang makagrupo. Kaya makakaiwas pa din sila sa mga ito kahit magkaklase sila.

Iyon ang akala nila, last subject na nila sa linggong iyon. Nagulat sila ng nag announce ang teacher nila na bibigay ito ng take home exams, iyon na daw ang magiging midterm exams nila. Take home exams nga pero with the group kasi reporting daw iyon na parang thesis style na kailangan nilang ipresent sa katapusan ng buwan. Ang teacher nila ang mismong nagdivide sa kanila sa tatlong grupo. 29 sila sa klase, kaya for sure tig 10 iyong dalawang grupo at 9 naman iyong isang grupo.

Naunang tinawag ang mga boys. Magkasama si Z at Mikael sa group number 3.

"Sana magkasama tayo, girl." Bulong ni Georgette sa kanya.

"Kaya nga. At sana hindi tayo magkagrupo nina... alam mo na.." bulong niya din pabalik dito.

Tumango din ito sa kanya. Mayamaya lang ay silang mga girls na ang tinawag.