The Way To His Heart (The Starving Squad #3)

Chapter 4: Meeting Bullet

Nang umuwi sina Mona galing Boracay, una nilang sinadya ang apartment ni Fresia. Nag-order sila ng takeouts at doon naghapunan. They were impressed. The style was different from Felix's, but it has its own charm.

Pero mas impressed sila dahil gwapo raw ang lalaking gumawa noon. Sayang nga lamang at hindi nila ito naabutan. They asked Fresia if she could contact Bullet, just to meet them pero ayaw ng kaibigan nila. For Fresia, it was a one-time thing. She didn't like what they were suggesting, which was to date the guy and see where it goes.

--

A few days later, Fresia came by the shop to ask her about something. Pero hindi niya ma-accommodate ang kaibigan dahil sa napakarami niyang ginagawa. Hindi na niya maisingit sa utak ang concerns nito.

She had no idea what Fresia was asking her about until Aika spilled the beans. Nakikitulog daw si Bullet sa bahay ni Fresia. To make the long story short, the guy couldn't get a decent sleep anywhere else. In return, Fresia asked him to cook for her. Sagot din ng lalaki ang groceries.

Of course, alam na nila kung ano ang posibleng puntahan ng ganoong setup. Gusto lang nilang masiguro na hindi dehado ang kaibigan nila. So, one night, they decided to pay Fresia a surprise visit. Pinuntahan nila ang kaibigan sa trabaho, na isang tingin pa lamang sa kanila ay nalaman na kaagad kung ano ang pakay nila.

"Kapag regular na lakad, ang hirap nyong hagilapin. Kapag lalaki, kahit hindi planado, go kayo. Ang tindi nyo rin, e!"

Humalakhak siya. "Gano'n talaga, Beh! Nakakaumay ka rin naman kasi minsan. At least ngayon, may bago kaming titingnan."

Brandi agreed. "Don't worry, if he's not as hot as we expect him to be, hinding-hindi ka na namin dadalawin sa apartment mo."

"I hate you!"

"He's hot. Papatulugin ba naman ni Fresia 'yon sa apartment nya kung hindi?" sabi naman ni Aika.

Sinamaan ito ng tingin ni Fresia. "Gano'n agad? Hindi ba pwedeng naawa muna ako do'n sa tao?"

"Pity didn't let him in. His looks did," she told her friend.

Hindi nila tinanggap ang kahit anong paliwanag nito. Maging ang pagtanggi nito sa pagpupumilit nilang pumunta sa apartment nito, hindi nila pinansin. Brandi took Fresia's car keys kaya wala nang nagawa si Fresia kundi isama sila pag-uwi. Kasi kahit naman magpaiwan ito sa shop, pupunta pa rin sila sa apartment nito.

When they arrived there, the first thing they noticed was the smell. It was more than just the smell of delicious food cooking. It's also the first time that the apartment smelled like home.

Excited na silang matikman ang lalaki—este, ang luto ng lalaki. Masarap daw kasi sabi ni Fresia. She warned him beforehand that they'll be having dinner there kaya ipinagluto na rin sila nito.

"Be nice, okay?" sabi nito sa kanilang tatlo nang makarating sila. "And don't ask inappropriate questions."

"Oo na! Buksan mo na 'yong pinto!" pangmamadali ni Brandi.

Fresia exhaled and opened the door.

Sumilip si Bullet mula sa kusina. Ngumiti ito nang makita sila. At mahina naman siyang napamura nang makita ito. Shit! Ang gwapo! Gusto niyang sapakin si Fresia. Napakaswerte nito. Gwapo-magnet (except for Richard)!

"I'm almost done," sabi nito.

Kagat-labi niyang kinurot ang kaibigan nang mawala sa paningin nila si Bullet.

"Beh! Ang yummy!"

Fresia simply rolled her eyes.

--