The Way To His Heart (The Starving Squad #3)

Chapter 26: One With The Family

People became more festive after the kiss and as Mona expected, mas lalong naging clingy ang parents niya kay Felix. He's now officially their soon-to-be son-in-law. Wala nang pwedeng kumontra, kahit siya.

Pagkatapos nilang kumain, agad na itong hinila ng daddy niya para makipag-inuman sa mga kapatid, tiyuhin, at mga pinsan niyang lalaki. Habang siya naman ay hinila ng mga pinsan niyang babae para pagkwentuhan si Felix, habang itinatabi ang mga handa.

"Ate, baka naman may kapatid iyang si Kuya Felix? Kami'y ipakilala mo, hane?"

Tinaasan niya ng kilay ang pinsan na si Len, na ilan sa mga pinsan niyang nabiyayaan ng payat na katawan. Malakas kasi ang genes ng tatay nitong puro payat ang mga kamag-anak.

"Tigil-tigilan mo 'ko, Len. Pumasa ka muna sa board exam. Saka na 'yang boyfriend-boyfriend."

"Ipapakilala laang naman, Ate. Boyfriend kaagad? Advanced ka rin ay."

Nagpalinga-linga siya. "Nasa'n si Kieth? Umuwi ba?"

"Yogi! Dito na me!" Sa wakas ay dumulog na rin sa hapag ang pinsang kanina pa niya hinahanap. "Annyeong, unnie!"

"Sa'n ka na naman nanggaling? Nagliligpit na kami rito, saka ka pa lang lumabas."

"May bagong episodes kasi 'yong pinanunuod kong KDrama, Ate." Kumuha ito ng pinggan at kumuha ng mga pagkaing nakalatag pa rin sa hapag. "Hindi mo kasama sina Ate Aika?"

"Hindi. Pero may pinadala syang regalo sa 'yo."

"Jinjja?!" tuwang-tuwa nitong tanong. She ripped the wrapper off and gasped when she saw what's inside. "Omo!"

"Beh, English or Tagalog lang, please. Alam mo namang kayo lang ni Aika ang nagkakaintindihan dyan."

Kieth introduced KDrama to Aika. Since then, naging close na ang dalawa at naging adik na rin sa KDrama si Aika. Tuwing isasama niya ang mga kabarkada sa probinsya niya, palaging ito ang unang hinahanap ni Aika. They were like sisters.

Kung hindi nga lang siguro busy sa pag-aaral itong si Kieth, baka kung saang concerts na ito naaya ni Aika. They also like KPOP music. Anything Korean, basically.

"Ay... sorry! Anyway, sabi ni Len may kasama ka raw?"

"Oo, Beh! Boyfriend ni Ate!" bulalas ni Len. "Biruin mong nagka-boyfriend pa pala siya!"

"Bibig mo, ha!"

Tumawa si Len. "Joke laang, Ate."

"Akala ko si Kuya Baste ang boyfriend mo?"

Kumunot ang noo niya. "Ha? Bakit ko naman sya magiging boyfriend?"

Kieth shrugged. "Ewan ko. Basta ipinagkakalat ni Tita."

Napabuntong-hininga na lang siya. Baste must have been so embarrassed. At mas lalo siguro itong napahiya nang makita ng mga kamag-anak niya si Felix. Speaking of the devil, where the heck is he?

Nagpalinga-linga siya. Ang alam niya ay kasama ito ng daddy niya sa pakikipag-inuman, but when she checked the men of the clan, they're not there. Lasing na ang mga tiyuhin niya habang isa-isang inaatake ang kantang My Way, pero wala roon si Felix at ang daddy niya.

"Len, nakita mo si daddy?"

Umiling ang pinsan niya. "Hindi po. Pero nakita ko si Tita, may dalang isang Wilkins na lambanog. Ay, di baga't hindi naman umiinom si Tita?"

"Baka naman dadalhin lang ni mommy sa mga manginginom?"

"Ay bakit bumalik ng bahay si Tita ay nandito ang mga nag-iinom?"