Project LOKI: Fanfics

"Bullets And Butterflies" by Chaimeeeee

            

LORELEI

Tick tock. Tick tock. Tick tock.

Ilang tupa na ba ang nabilang ko? Tsk. Mag-iilang milyon na yata.

Napabuntong-hininga ako ng wala na naman akong magawa kung hindi ang tumunganga habang hinihintay na mag-ring ang school bell.

Kasalukuyan akong nasa clubroom. Mag-isa. Na naman.

Yep. Na naman. Naging ganito na ang eksena tuwing tanghali for the past 2 days. Laging MIA (Missing In Action) si Loki at Jamie. Hindi ko alam kung saan nagpupunta. Hindi rin naman sila nagpapaalam.

Si Al, kasalukuyang nasa Manila dahil may family reunion daw sila. At bukas pa ang balik niya dito.

" Meow. " naramdaman ko nalang na pumuwesto si Freya sa lap ko. Agad kong pinaglaruan ang balahibo nito.

" Tsk. Akala ko, iniwan mo na rin ako. Saan ka ba galing? Pareho kayo ng tatay mong Missing In Action palagi. " siguro kung nakakapagsalita lang sila, malamang sinermunan na ako nito dahil sa pagiging madrama.

" Sinong tatay? " napalingon naman ako sa pinto ng bumukas ito.

Iniluwa noon si Jamie na nakalingkis sa braso ni Loki.--Teka, magkasama sila?

" Sinong tatay ang tinutukoy mo, Lori? " tanong ulit ni Jamie. Saka sila pumasok.

" Ha? Anong tatay? "

" May sinabi ka about sa Tatay. " sagot naman niya.

Umupo naman si Loki sa usual seat niya. As always, tinabihan siya ni Jamie.

" Ahh. Wala 'yon. "

" Eh? Meron kaya! Tell us na! "

" Wala nga 'yon, Jamie. Don't mind it. "

" Meron talaga eh! "

" Stop forcing her, Jamie. If she doesn't want to tell us, then don't. " biglang sabat ni Loki kaya napatingin kami sa kaniya.

" Okay, Loki dear~ " Sinandal ni Jamie ang ulo niya sa balikat ni Loki at marahang pumikit.

Habang si Loki ay pinatong ang isang kamay niya sa table at marahang nag-t-tap dito.

Napabuntong-hininga naman ako ng tumalon si Freya mula sa lap ko papunta sa table saka natulog.

Namayani ang katahimikan. Which is unusual dahil laging may Jamie na nag-iingay at nag-o-open ng topic. Pero dahil kami lang dalawa ni Loki ang gising, at hindi pa ito nagsasalita, malamang hanggang mamaya kaming ganito.

Ilang sandali pa bago ko naisipang basagin ang katahimikan.

" Kumain na kayo? " tanong ko kay Loki.

Natigil naman siya sa pag-tap at nilingon ako.

" Yes. " maikling sagot niya at nagtuloy na sa ginagawa.

" Kasabay mo si Jamie? " tanong ko ulit dahilan para matigil ulit siya at nilingon ako. Ulit.

" Why are you even asking that? " nanliliit ang mga matang tanong niya.

" Uh, maybe because I want to know? Maybe because I'm curious? " sarkastikong sagot ko sa kaniya.

Nanatili namang blangko ang expression niya pero ang mga mata niya ay tutok sakin.

Medyo nailang ako sa tingin niya kaya iniwas ko nalang ang paningin ko.

" Yes. " sagot niya. Tumango-tango naman ako at nilibot ang paningin ko sa loob ng clubroom.