اياد وادهم ورؤى : جووووووول جوووووول جوووووول
نظرت رؤى لادهم ونظر لها ادهم باستغراب ثم نظروا لاياد ف نفس اللحظة
نظر لهم اياد باستغراب وقال : في ايةةة ؟؟
رؤى بضحك : لا ابدا ولا حاجة !!
اياد بجدية : لاء بجد بتبصولى كدة لية ؟
ادهم : يابنى انت مش قولت هتشجع المانيا .. والجول جة للبرازيل فرحان عشان دخل فيكوا جول
اياد بارتباك : اه اه لاء استنى بس يا بابا .. دلوقتى المانيا هتجيب جول وهيبقى تعادل
ادهم : اما نشوف
اياد بصوت منخفض : يااارب لاء
ادهم : بتقول حاجة ؟؟
اياد : لا يا بابا .. بقول يارب المانيا تجيب جول !!
رؤى بسخرية : هه معتقدش
وفجاة سمعوا صوت رنين هاتف رؤى ف نفس لحظة نزول داليا ونرمين
امسكت هاتفها وضغطت ع زر الرد
رؤى : الوو
ياسمين ببكاء : رؤى انا بموووووت يا رؤى
رؤى بخضة : مالك يا بنتى حصل اية ؟
ياسمين : ايهاب يا رؤى ايهاااب
رؤى : ماللللللله ؟؟
ياسمين ببكاء : طلع حقير وسافل كمان
رؤى بخوف : اهدى يا سوو براحة قوليلى بس وبهدوء
ياسمين ببكاء : ممكن تجيلى يا رؤى ؟ انا محتجاكى اوى !!
رؤى : حاضر حااضر انا جايةة حالا !!
اغلقت مع صديقتها فنظروا لها جميعاا
رؤى : انا لازم امشى حالا !!
اياد وداليا : لية ححصل اية ؟؟
رؤى : ياسمين صحبتى تعبانة اوى وولازم اروحلها
داليا : لا اله الا الله
اياد : تمام انا هوصلك
رؤى : لاء انا بعرف اروح لوحدى
ادهم : وبعدين يا رؤى ؟ .. مينفعش تمشى ف الشارع دلوقتى لوحدك خدى خطيبك معاكى عشان نبقى مطمنين عليكى
رؤى : مااشى يا انكل
......
داليا : مش يلا يا ماما !؟
امل : يلا عن اذنكو يا جماعة وشكرا ع العزومة الجميلة دى !!
فاطمة : والله كان يوم حلو يا امل ونورتونا
امل : ربنا يخليكى يا فاطمة نردهالكو مرة تانية ان شاء الله ... يلا يا داليا نادى رؤى
داليا : لا مااهو بصراحة رؤى راحت لياسمين
امل باستغراب : دلوقتى ولوحدها ومن غير ما تقولى ؟!
جاء ادهم وتكلم بدلا من داليا
ادهم : متقلقيش يا مدام امل اياد معاها .. اظاهر ان صحبتها تعبت شوية كلها ساعة وهيرجعوا واياد مش هيسبها
امل بابتسامة : متشكرة اوى .. عن اذنكوا ادهم : اتفضلوا
داليا : باى يا نرمى .. اشوفك ف الجامعة بكرة
نرمين : اوكية باااى
......
ف السيارة
ف طريقهم لمنزل صديقتها يااسمين
شعر بقلقها فنظر لها وقال
اياد ليطمانها : ان شاء الله خير
رؤى بقلق : ياارب يارب
اياد بتساؤل : هى مقلتلكيش حاجة لما اتصلت بيكى ؟؟
رؤى : لاء مفهمتش اى حاجة !!
اياد : مممم .. يلا احنا وصلنا اهوو وانا هستناكى هناا
رؤى : لا يا اياد روح انت وانا هخلص وهروح ع......
اياد مقاطعا : لا انا مش هسيبك تروحى لوحدك ف وقت زى دة .. اتفضلى روحلها وانا مستنيكى هنا مش همشى
رؤى بابتسامةة : اوك .. عن اذنك
ذهبت لمنزل صديقتها وهو عينة معلقة عليها حتى اختفت عن عينة تماما ، ظل جالسا ف السيارة فاخرج هاتفةة من سترتة وطلب صديقةة جمال
اياد : يااض ياابن التيت مجتش الحفلة امبارح لية ؟؟
جمال : معلش يا بشير تعبت شوويةة وكدة يعنى
اياد بعدم تصديق : هاات مالاخر مجتش ليةة ؟؟
جمال بصوت حزين : يعنى كنت متخانق مع بابا وسيبتلة البيت و.......
اياد مقاطعا : متحورش ياا جيمى
جمال : ايااد معلش مش عايز اتكلم ف الموضوع دةة
اياد : ماانا برضةة عايزز اعرف مجتش الحفلة ليةة ؟؟ اتخانقت مع الواد بيبو ؟؟
جمال : يعنى حاجة شبة كدةة !!
اياد بخوف : لاء كدة مش هينفع .. انا هخلص مشوار كدةة وهجيلك طيارة
جمال بعصبية خفيفة : صدقنى ياا بشير مفيش حااجةة
اياد : خلاص بعد ساعة بالكتير اوى هكون عند بيبو ف البيت .. هستناك !!
جمال بنفاذ صبر : حاضر يا بشير .. حااضر
.....
الخادمة : ثانية واحدة يا فندم
ذهبت نحو نادرواخبرتة بشخص يريد مقابلة ياسمين ابنة عمة فاخبرها بالترحيب بها ، وعندما دخلت رؤى رحب بها نادر ثم .........
رؤى : ممكن اقابل ياسمين ؟؟
نادر : حضرتك تكونى مين ؟؟
رؤى : انا رؤى صاحبة ياسمين !!
نادر برجاء : وانا نادر ابن عمها .. ارجوكى اطلعى شوفيها مالها اكيد هتفتحلك الباب لانك صحبتها
رؤى ف نفسها : نادر !! معقول دةة نادر اللى مش بطيقةة .. دة انت طلعتى غبية اوى يا ياسمين
رؤى : اوك .. متشكرة اوى
تابعت طريقها للوصول لغرفة صديقتها ثم وقفت امام الباب ودقتةة
ياسمين بصوت حزين : مييين ؟؟
رؤى من خلف الباب : انا رؤى يا سوو
فتحت لها الباب وادخلتها ثم اغلقتة مرة اخرى
رؤى : اية يا حبيبتى مالك بس ؟؟
ياسمين ببكاء : شوفتى يا ياسمين ايهاب طلع انسان فاشل وبيشرب وصايع
رؤى بعدم تصديق : ايهاب ؟؟
ياسمين : اااه يا رؤى ايهاب !!
رؤى : استنى بس واشرحيلى اللى حصل
قصت لها ياسمين ع مادار ف ذاك اليوم
رؤى بصدمة : ايية ؟؟ واياد كماان ؟!
ياسمين : اه والله حتى هو اول ما شافنى لم الحاجات اللى كانوا بيشربوها دى وجرى بيها ع المطبخ
رؤى بحزن : يعنى هما مدمنين ؟؟!
ياسمين : ايوة يا رؤى .. انت مشوفتيش ايهاب كان عامل ازاى انا كنت خايفة منة وعلية ف نفس الوقت
صمتت رؤى لانها ف حالة صدمة وليس لها قدرة ع الحديث
ياسمين : انت سااكتة لية ؟ صح ليكى حق خطيبك كمان طلع زية
حاولت امساك نفسها وقالت
رؤى : بقا اللى تحت دةة نادر ابن عمك ؟!
ياسمين بقرف : اه اسكتى ياارؤى دة مش ساكت وكل شوية يطلع يخبط علية
رؤى : تصدقى انك متخلفة ؟؟ انت مشوفتوش خايف عليكى ازاى ؟ بقا هو دة اللى رخم وتنح ودمة تقيل وعايز بتجوزك غصب عنك !!
ياسمين بعصبية خفيفة : ف اية يا رؤى ايوة هو ؟!
رؤى : والله حرام عليكى .. دة نادر برقبة سى ايهاب بتاعك اللى ف الاخر طلع حيوان
اخذت تبكى بحرقة فاعتذرت لها رؤى
رؤى : انا اسفة يا ياسمين بس بجد نادر دة محترم وكويس اوى
ياسمين ببكاء : عارفة بس مش بحبة وهو عايزنى احبة بالعالية
رؤى : براحة وبالعقل وكلمية .. بس لغاية دلوقتى احنا منعرفش ايهاب بيضحك عليكى ولا لاء .. اقولك اختبرية قوليلة انك هتتخطبى شوفية هيعمل اية ؟
ياسمين : مااهو دة اللى هيحصل فعلا بابا مصمم وهيخطبنى لنادر غصب عنى
رؤى : انا لو منك اجرب اتخطبلة واحاول احبة مش يمكن تحبية ؟؟!!
ياسمين : لا احبة ايةة ؟؟ بس انا مش عايزة ارجع لايهاب خالص كفاية انة مدمن
رؤى : دة قرارك انت وانت حرة فية
ياسمين : صح .. هتعملى اية مع اياد ؟؟
رؤى : هعمل اية يعنى ؟؟!!
ياسمين : لا متهزريش .. اكيد مش هتسبية يشرب كدةة
رؤى : وانا مالى يشرب ولا ميشربش دى حاجة تخصة
ياسمين باستغراب : لاء دة انت مجنونة !! هو انت مبتحبيش اياد ؟؟
رؤى بكذب : احنا لسة متعرفناش ع بعض اوى ولسة خطوبتنا كانت امبارح .. يعنى لسة ملحقناش يا سوو
ياسمين : بس ع الاقل دة هيبقى جوزك وابو اولادك يعنى لازم تكلمية
رؤى بشرود : ان شاء الله يا سوو .. همشى انا دلوقتى عشان اياد مستنينى ف العربية
ياسمين بهزار : وبتقوليلى لسة متعرفناش وملحقتش ؟؟!
رؤى : ههههههههه يابت بطلى .. يلا سلام
ياسمين : بااى
ورحلت رؤى واغلقت ع نفسها باحكام مرة اخرى
......
ركبت السيارة ف صمت واغلقت باب السيارة خلفها
اياد : هااا عملتى اية ؟؟
رؤى ببرود : كويسة !!
اياد : يعنى هى بخير الحمدلله ؟؟
رؤى وهى لم تنظر له : الحمدلله
اياد : كان مالها ؟
رؤى : حاجة سر
اياد شعر بضيقها : تحبى نخرج شوية او نتمشى ؟؟!
رؤى : لاء انا عايزة اروح
اياد باستغراب : هو فى حاجة مدايقاكى
رؤى بعصبية خفيفة : اياد هو انت بتشرب مخدرات ؟؟
نظر لها بدهشة ولم يتحدث
رؤى بحزن : كنت متاكدةة
اياد بتوتر : م مت متاكدة من اية ؟؟
رؤى : خلاص يا اياد دى حياتك وانت حر فيهاا وانا ماليش انى ادخل ف امورك الشخصية بس كل اللى عايزة اقولهولك انك كدة بتضر نفسك وغير انك بتغضب ربنا وامك وابوك
شعر بشى من كلامها وقال
اياد بصوت ضعيف : انا عارف يا رؤى .. بس غصب عنى انا حصلى حاجات كتير اوى وحشة ف حياتى .. وتعبت كتير اوى
رؤى : دة مش مبرر ياا ايااد .. مش مبرر !!
اياد : صدقينى يا رؤى .. لو كنتى دوقتى نص اللى انا دوقتة .. كان زمانك ميتة منتحرة دلوقتى
رؤى بصوت عال : انا مش كافرة ولا معنديش عقل عشان اموت نفسى وادخل جهنم .. انا شوفت كتير ف حياتى ويمكن اكتر منك .. بس عمرى مافكرت اعمل زيك .. لانى مش ضعيفة يا اياد !!
اياد بابتسامة سخرية : ههه يعنى انت دلوقتى تقصدى انى انسان ضغيف .. والله واعلم انا ف نظرك اية دلوقتى ؟؟ ... اكيد ف نظرك انسان فاشل و زبالة وحيوان ومريض وفوق كل دة .. هه مدمن مخدرات
رؤى : عايزاك تفهم انى مليش دعوة بالموضوع دة ولا لى دعوة بحياتك الشخصية .. انا مجرد اتفاق بنفذة مش اكتر .. بس دة مش معنى انى ابقى ف حياتك وشيفاك بتعمل الحاجة اللى بتضرك ومنصحكش .. ومتخفش محدش هيعرف اى حاجة عن الموضوع دة .. ولا ماما ولا انكل ولا حتى مامتك
ايااد : انا مش خايف من حد .. انا مش عيل صغير يا رؤى .. اوعى تكونى فاكرة ان بابا مش عاارف .. دة بابا تلاقية هو اللى بيشيلهم من اوضتى كل يوم
اياد : كل اللى اقدر اقولهولك دلوقتى انى هحاول ابطل .. انا اصلا من يوم ما عرفتك .. وانا بقيت حد غريب .. حتى غريب عنى انا كمان .. تعرفى انا اخر مرة شربت فيها يوم ما قابلتك فى النادى ودى كانت اخرة مرة اشرب ومن ساعتها وانا نويت انى هبطل وفعلا انا مبقتش بشرب يعنى الحمدلله مش مدمن لدرجة الكلمة هههه
رؤى بحدة : واشمعنا من يوم ما قابلتنى وانت بطلت ؟؟
اياد بصوت منخفض : مش عارفة .. ههه مش قولتلك بقيت حد غريب
رؤى بفرحة : ودى حاجة تفرحنى انى اكون سبب حاجة حلوة ف حياتك .. تفتكرنى بيها بعد سنين جايين
اياد بضحك وهزار : لا مااهو لو مش مرتبطين يبقى هنكون صحاب .. ولا انت عايزة وخلعى هههه لالا مستحيل متفكريش تخلعى منى دة انا غرة
رؤى بضحك شديد : ههههههه لا متخافش مش هخلع ويلا بقاا عشان انا اتاخرت ولسة هجيب العشا
دور السيارة وهو يقول
اياد : يلا سلاام .. طيااااارةةة
......
ذهب اياد لمنزل صديقةة ايهاب وفتح الباب واغلقة برجلةة وهو يبحث عنة بعينة
اياد وهو ينادى علية : بيبوو .. يا بييييبببوو ؟!
ولكن لم يسمع ردا منة وضع المفاتيح ع المنضدة ولمح من طرف عينة سقوط ايهاب ع الارض فجحظت عينة و........
.......
