كانت جالسة بمفردها تفكر ف شى ماا حتى سمعت رنين هاتفها ، مدت يديها الصغيرتين وامسكت الهاتف ونظرت الى شاشة الهاتف ضاغطة ع زر الاجابة
رؤى بابتسامة : وحشتينى اوى ع فكرة
ياسمين : ممم ياا سلام يااختى .. لو كنت وحشتك كنتى عبرتينى برنة حتى !
رؤى بضحك : هههههههههه معلش والله بعد كدة هبقى ارن .. المهم قوليلى انت عاملة اية ونادر ؟!
ياسمين بفرحة : الحمدلله اقنعت بابا بالعافية ووافق اخيرا
رؤى : يا سلام .. يعنى سبتى نادر عشان ايهاب ؟
ياسمين بحب : بحبة يا رؤى مقدرش استغنى عنة
رؤى بجدية : ايوة بس دة مدمن مخدرات هتامنيلة ازاى ؟!
ياسمين : طب ماانت خطيبك مدمن برضة هتامنيلة ازاى ؟!
صمتت رؤى ف حزن واكملت ف ضيق : ياسمين انت مش فااهمة حااجةة
ياسمين : طيب فهمينى اللى انا مش فاهماة
كادت رؤى ان تتحدث فوجدت الباب يدق
رؤى : خليكى معايا هفتح الباب ثانية واحدة
اتجهت نحو الباب وفتحتة لتصدم ب ...
......
كان ايهاب واقفا بحزن يسند يدية ع الشرفة بشرود ممسكا سيجار ملفوف باصبعة لياخذ منها نفسا وينفخ ف الهواء مخرجا ذلك الدخان وعندما شعر بارجل متجها الية اطفى السيجار والقاها من الشرفة
جمال : شوفتك ع فكرة !
ايهاب بتوتر : شوفت اية ؟
جمال : متصتعبتش ماانت عارف
ايهاب بضيق : سيبنى ف حالى وحيات ابوك
جمال : دة الاتفاق اللى اتفقنا علية .. احنا مش اتفقنا نبعد عن الشرب والقرف دة .. هتفضل كدة لامتى يا صحبى
ايهاب : لحد ماموت
جمال : ولية تعيش طول حياتك وانت مش بتعمل حاجة مفيدة .. اية رايك ننزل نشتغل
ايهاب بسخرية : نشتغل ؟! هه وهنشتغل اية ان شاء الله
جمال : اى حاجة ان شا الله نشتغل عند باباك ف شركتة
ايهاب : لو بابا كان واثق فيا كان كتبها باسمى
جمال : مااهو لو كان شايفك راجل كان وثق فيك
ايهاب بعصبية : جرا اية يا جمال ماتلم نفسك انت معايا ولا معاه
جمال : انا مع الحق يا بيبو
ايهاب : ودة من امتى ؟
جمال : من انهاردة
ايهاب : بقولك اية ابعد عن نفوخى
جمال بعصبية وزعيق : ماشى يا ايهاب .. خليك واقف وانت شاايف حياتك بتضيع منك وانت مش عارفة تلحقها .. خلى حبيبة عمرك تكون ف احضان حد تانى وانت مش قادر تعمل حاجة .. خلى والدك والدتك يموتوا بقهرهم عليك لمجرد انهم شايفينك فاشل .. خلي صحاب عمرك ... ثم صمت ف حزن واكمل مرة اخرى
جمال : انا تعبت من كتر الكلام .. وانا هنصحك باية ماانا يااما قولت ومبتعملش بية
ايهاب بضعف : انا واحد مكتوب علية انى افضل طول عمرى كدة
وجمال : زى ما مكتوبلك كدة .. مكتوبلك كمان ان قدامك فرصة تصلح بيها كل القرف اللى عشناه .. بص انت الكلام معاك مش بيجيب نتيجة .. انا ماشى .. وياريت تفكر يا بيبو .. سلام
واتجة نحو الباب وفتحة وخرج
اخذ يبكى بشدة ع حياتة وع حبيبتة ثم جفف دموعة وذهب باتجة الغرفة ليبدل ملابسة و...
.....
كان يتحدث معها وهو يقود السيارة ببطئ
ادم : تحبى نروح فين ؟
نرمين : المكان اللى انت عايز تروحة انا موافقة علية !
ادم : مممممم طيب نروح مطعم ونطلب سمك !!
نرمين : اية هنروح مطعم عشان ناكل سمك ؟؟ لا يا ادم بلاش
ادم : خلاص نطلب فراخ وشوربة
نرمين : لا بردو
ادم : طيب نروح فين ؟
نرمين : المكان اللى انت عايز تروحة انا معاك فية
ادم : خلاص نروح النادى
نرمين : نادى اية يا ادم ؟
ادم : طب اقترحى انت مكان نروحة
نرمين : المكان اللى انت عايز تروحة انا هروحة معاك
ادم : حبيبتى .. انت ناوية تشلينى !!
نرمين : لية كدة يا ادم
ادم : بقالك ساعة عمالة تقولى المكان اللى انت هتروحة انا هروحة ولما اقولك هنروح كذا تعترضى
نرمين : خلاص انا هسكت خالص
ادم : اوباااا دخلنا ع كمين .. اتفرجى ع الرجل الاخضر اللى هيظهر دلوقتى !
الضابط : بطاقتك يا ابني انت وهي !! ??
ادم : انت مش عارف احنا ولاد مين ! ??
الضابط : هو كل واحد يجى يقولى البوقين دول .. ولاد مين يعني ؟ ?? ??
ادم : انا ابن قلبها .. وهى بنت دين الحب
الضابط : طب انزل يا ابن ستين جزمه منك ليها
ادم : الله الله الله الله لية كدة بس يا حضرة الظابط ؟؟
نرمين بخوف : ادم !!
ادم : استنى انت
الضابط : انزلى يا حيلتها منك ليها يلا .. ياا عسكرى
نزل ادم ونرمين من السيارة
جاء العسكرى قائلا
العسكرى : اؤمر ساعدتك
الضابط : خدهم يابنى ع البوكس
نرمين بهلع : بوكس .. ثم اكملت وهى تجذب ملابسة ادم ادم هيودنا عالبوكس بجد ؟
ادم : يا شيخة اوعى بقا ايدك دى
العسكرى : يلا ييا حيلتها قدامى
ادم : لا مسمحلكش
العسكرى : لا والله وهتعمل اي يعنى
ادم : هروح معاك طبعا
العسكرى : يلا قدامى
ادم موجها كلامة لنرمين : سامعة قدامى يلا ع البوكس
.....
ظلت ف صدمتها عندما راتة حتى سمعت صوت صديقتها
ياسمين : رؤى كدة دة بتفتحى الباب
رؤى : ايوة يا ياسمين اقفلى ناوو وانا هكلمك تانى
واغلقت المكالمة معها
-مش هتقوليلى اتفضل
رؤى بخوف : انت اية اللى جابك هنا ؟
-متخافيش اوى كدة .. انا جاى اقولك كلمتين وماشى
رؤى : ايوة بس انا قاعدة لوحدى
-ماانا عاارف وعشان كدة انا جيت
ودخل دون استئذان وجلس ع المقعد
واضعا رجلا ع الاخرى
اغلقت الباب واتجهت نحو وجلست بالمقعد امامة بخوف وحرص ، فنظر لها بابتسامة قائلا
-انت بتخافى منى صح ؟
رؤى بقوة : انا مبخفش من حد الا ربنا
-ههههههه يعجبنى فيكى قوة ايمانك
رؤى : انت عايز اية ؟
-عايزك
وقفت رؤى بعصبية معترضة ع كلامة
رؤى : انت قليل الادب
وقف هو ايضا عاقدا يدية بين صدرة
-ف الحلال
رؤى : نعمم
-شوفتى انت بتاخدى الكلام بسرعة ازاى .. انا غرضى شريف
رؤى : ايوة بس انا مخطوبة وانت عارف كدة كويس
-بس باتفاق
رؤى بصدمة : نعمم ؟؟
-انا عاارف كل حاجة اوعى تكونى فاكرانى معرفش
رؤى : اياد هو اللى قالك صح
-مش لازم تعرفى مين اللى قالى .. ها قولتى اية
رؤى : مش عيب تطلب من خطيبة ابن عمك طلب زى دة ؟
-تؤ مش عيب مش ف قانونى الكلمة دى .. اسيبك تفكرى .. فكرى كويس
وضحك باستفزاز واتجة نحو الباب وخرج
......
كان يصعد الدرج ف تالم ممسكا بجانبة مكان العملية ، اخذ ينادى ع والدتة حتى تلحق بية فليس ف المنزل غيرها
اياد : ااه ماما .. ماما
فاطمة : ايااد مالك يا حبيبى
اياد : اه مش قاادر .. اتصلى برؤى بسرعة
فاطمة : واتصل برؤى لية تعالى بس اوديك اوضتك
اخذتة والدتة حتى صعدت بية الى غرفتة وضعتة ع السرير
اياد بوجع : اظاهر ان الجرح فك .. اتصلى برؤى تيجى وتطهرلى الجرح
فاطمة : وهى رؤى كانت دكتورة ولا حاجة
اياد بعصبية : والمصحف اموتلكوا نفسى
فاطمة بخوف : خلاص خلاص هتصل بيها حالا
......
ف الجامعة
بعد رحيل نرمين من الجامعة حدث الاتى
كريم : هتحضرى المحاضرة ؟
داليا : لاء مش هحضر محاضرات
كريم : خلاص وانا كمان مش هحضر
داليا : اية التباتة دى يا اخى طب انا هحضر بقا اية رايك
كريم : خلاص وانا هحضر معاكى
داليا : دة انت رخم اوى
كريم : رخم رخم .. هو انا هنسى العصير اللى بالشطة
تذكرت داليا عندما شرب العصير وضحكت داليا بشدة فضحك كريم
داليا : كان منظرك تحفة
كريم : لا والله
داليا : ههههههه اه والله
رجع كريم بجسدة للخلف بابتسامة ف صمت
ثم وجدتة يقول
كريم : تيجى نخرج
داليا : لا انا مروحة
ورحلت داليا من امامة
.....
ف القسم
كان يقف امام مكتب الضابط / عفت فتحى
وبجانبة نرمين تنظر ارضا بخجل وخوف , ممكسة بذراع ادم
ادم : يا بنتى ارحمى امى
نرمين ببكاء : لا متسبنيش
ادم : هههه متقلقيش هسيبك لان الظابط اللى داخلنا دة هيسلخنا
نرمين بخوف : عاااااااا لالا انا عايزة اروح
ادم : لا وانت فاكراها بالساهل كدة
فتح الضابط الباب والقى نظرة عليهم ثم قال
الضابط : مممممم عم شكرى .. فنجان قهوة ع الريحة
ادم بصدمة : عالريحة ؟؟! .. عارفة دة معناه اية ؟
نرمين : بس ليسمعنا
ثم دخل ورزع الباب خلفة , فزعت نرمين وامسكت بذراعى ادم بقوة
ادم : ارحمى امى الميتة
جلس الضابط ع مقعدة ثم وضع هاتفة ع مكتبة بقوة , وفك حزاميية والففة حول كف يدية
الضابط : فين بطايقكم
اخرج ادم بطاقتة واخذ من نرمين بطاقتها ثم اعطاهم للضابط
القى نظرة ع البطاقات الشخصية ثم قال
الضابط : انتو قرايب ؟؟
ادم : ايوة يا باشا !!
الضابط : عاملى فيها حبيب وبتسظرف قدامها يا روح امك !!
ادم : لا يا حضرة الظابط انا مسحمش تجيب سيرة امى
الضابط بابتسامة سخرية : هه لا تعجبنى
ادم : ربنا يخليك يا باشا .. مش عارفة اقولك اية ؟
الضابط بزعيق : احنا هنهزر يا روح خالتك
ادم : الله يرحمها .. يلا ندعيلها الفاتحة سوا .. بسم الله الرحمن الرحيم ...
الضابط مقاطعا : وحيات امك !! لا متخفش هنقراها قريب بس مش ع خالتك يا روح خالتك
دخل الحاج شكرى ومعة فنجان القهوة
الحاج شكرى : القهوة يا عفت بية
ادم بسخرية وموجها كلامة لنرمين التى ظلت ممسكة بذراعية : عفت ههههه .. دة احنا هنشوف ايام سودة !!
نرمين بخوف : هو بابا اتاخر كدة لية ؟
ادم بهمس : زمانة جاى
الحاج شكرى : ف واحد عايز يدخل لحضرتك برة .. اقولة ادخل ؟؟
الضابط : خلية يدخل يا حاج شكرى .. اما نشوف اخرتها اية ؟
ادم : شكلة عمى
دخل الرجل وكان ادهم , عندما راه الضابط وقف بفرحة ورحب بية
ادهم : والدك اخبارة اية ؟
الضابط : كويس الحمدلله .. حضرتك جاى لية ؟؟ ف مشكلة !!
ادهم وهو ينظر لهم بجدية : انا جاى بخصوص بنتى وابن اخويا
الضابط غير مصدقا : افندم .. دول قرايبك ؟
ادهم : ايوة .. ممكن اعرف السبب اللى حضراتكو تستضيفهم عندكم هنا ؟؟
الضابط : ضابط المرور طلب منة الرخصة قعد يستظرف ويهزر معاه
نظر له ادهم بشر فتراجع للخلف خطوة
ادهم : انا بتاسف جدا يا عفت واوعدك مش هتتكرر تانى
الضابط : ع راسنا يا عمى
ادهم : ف مانع اخدهم ونخرج
الضابط : لالا مفيش اى مانع .. اتفضلو بطايقكم
ادهم : عن اذنك .. وصل سلامى لوالدك
......
ف السيارة
ادم : عمو ادهم احنا ....
ادهم مقاطعا : مش عايز اسمع كلمة واحدة مفهوووووم
ادم : مفهووووم
......
عند الطبيب
ايهاب : ها ياادكتور ؟!
الطبيب : خير ان شاء الله
ايهاب : يعنى ف امل ؟؟
الطبيب : طبعا .. بس طلبك مش هينفع
ايهاب : لية ياا دكتور دة انا جاى طالب من حضرتك المساعدة انت مخصوص وعارف انك هتقدر تساعدنى
الطبيب: انا معاك ومقدرك كويس جدا .. وشكرا ع ثقتك فيها .. بس ف حالتك دى لازم تتعالج ف مصحة
ايهاب بحزن : طيب مفيش اى حل غير انى اتعالج ف مصحة
الطبيب : انت خايف من اية .. متخفش من حاجة دة انت طالب التوبة من ربنا .. وربنا غفور رحيم
ايهاب : ونعمة بالله .. بس ياا دكتور حضرتك مش فاهمنى .. انا والدى له منصب عالى ف الدولة .. واكيد مش هيحب حاجة زى دى تتعرف .. والا سمعتة هتبقى ف النازل
الطبيب : احنا ممكن نعالجك ف الخفى .. من غير مااحد يعرف .. ومتخافش مدة علاجك مش طويلة
ايهاب : المدة اد اية ؟!
الطبيب : 3 شهور بس
ايهاب بضيق : يعنى هم ال3شهور دول قليلين
الطبيب : احمد ربنا يا ايهاب .. ف ناس مدة علاجها بتبقى اكتر .. فى منهم اللى بيقعد 7 شهور وفى منهم اللى بيقعد سنة
ايهاب : الحمدلله .. بس يعنى هو انا ممكن ابطل من غير مااروح مصحة ؟!
الطبيب : هتقدر تقاوم ؟!
ايهاب بحماس : هقدر باذن الله
الطبيب : خلاص حاول ع قد ما تقدر وخليك متابع معايا
واخرج ورقة واعطاها اياها
الطبيب : ودى ورقة فيها كل النصايح .. تقدر تستخدمهم
ايهاب : متشكر جدا يا دكتور .. عن اذنك
.....
رؤى مازالت ف صدمتها فوجدت الباب يدق ذهبت سريعا وفتحت الباب
رؤى : ازيك يا طنط
ام ندى : مين ياا رؤى اللى كان نازل من عندك من دقتين دة ؟!
رؤى بتوتر : دة دة دة
ام ندى بخبث : دة اية ها ؟؟ مش عيب امك واختك ينزلوا وتستغفليهم وتيجبى رجالة ف الشقة
رؤى بصدمة : اية اللى انت بتقولية دة ؟ انت فااهمة غلط دة....
ام ندى مقاطعا : احنا برضو اللى فاهمين غلط ولا انت اللى ....
ف نفس اللحظة صعدت والدة رؤى وراتهم وذهبت للتحدث معهم وهى لا تعلم شئ
امل : اتفضلى ياامو ندى ادخلى .. مش عيب كدة ياارؤى توقفيها ع الباب
ام ندى : لا يااختى شكرا مبدخلش عند ناس ولمؤاخذة
رؤى : لا انا ماسمحلكيش يا طنط .. وحرام عليكى دة انت حتى عندك بنات
امل : الله ف اية ياارؤى .. وتقصدى اية ياام ندى بكلامك دة
ام ندى بصوت عال : بنتك ياا مدام امل .. بتستغفلكوا وبتجيب رجاله هنا ف الشقة
ف نفس اللحظة ظهروا جيرانهم واقفين يشاهدون ماذا يحدث ؟!
امل : انت بتزعقى كدة لية انا بنتى متعملش كدة ابدا .. ولو حبت تعمل حاجة زى دى فاانا بنتى مش غبية عشان تيجيبو هنا كاانت ادارت ف اى حتة .. وبطلى ياامو ندى سوء الظن دة دة انت حتى عندك بنت
ام ندى : انا بناتى محترمين اوى ياا مدام امل وميعملوش اللى بنتك بتعملة دة .. وبعدين ما تساليها مين اللى كان هنا وخرج .. بس ياريت متكدبيش وتقولى خطيبها لانى حافظة شكل اياد بالظبط
امل : لا مش خطيبها يا ام ندى .. وياريت متدخليش فاالى ملكيش فية ويلا كل واحد ع بيتة يلا
واغلقت الباب ف وجههم
نظرت الى رؤى فوجدتها تبكى بحرقة ثم ركضت لغرفتها ، ذهبت خلفها قائلة
امل بحنان : متعيطيش يا حبيبتى .. انا عارفة ادبك واخلاقك كويس .. وعارفة كمان انك مغلطتيش .. وملكيش دعوة بكلام الناس .. يكفى ان عارفة تربية بنتى كويس
رؤى ببكاء : والله ياا ماما اللى كان هنا دة ...
امل مقاطعا : مش محتاجة اعرف ولا افهم حاجة ومش عايزة تبرير كمان .. ويلا قومى اغسلى وشك وفرفشى دة انا جبتلك التفاح اللى انت بتحبية
ابتسمت بفرحة وركضت باخضان والدتها تبكى ووالدتها تربت ع كتفها بحنان
رؤى : ربنا يخليكى ليا ياا امى
امل بابتسامة : ويخليكى ليا يا امو عيون خضرا
رؤى : زرقة ياا ماما
فضحكوا الاثنين ووجدت رؤى هاتفها يرن
امل : روحى رودى عقبال ماااغير واعمل الاكل
امسكت هاتفها ونظرت الى شاشة الهاتف وابتسمت بحب وضغطت ع زر الاجابة
رؤى : الووو
فاطمة : ازيك يا حبيبتى
رؤى بخضة : الحمدلله .. ف حاجة يا طنط .. اياد جرالة حاجة ؟!
فاطمة : لا لا لاء اياد بخير .. بس شكل الجرح اتفتح وقالى اتصل بيكى عشان تيجى
اياد وهو يعطيها اشارات : قوليلها تيجيب الاسعافات الاولية معاها
فاطمة : وهاتى الاسعافات الاولية معاكى
رؤى : حاضر يا طنط .. مسافة السكة واكون عندك .. سلام
......
واغلقت المكالمة
اياد بتالم : ااااه قالت اية ؟!
فاطمة : اهى جاية .. بس انت طلبتها لية مش كان احسن لو جبنا دكتور صيدلى
اياد : ماما رؤى كانت بتشتغل ف صيدلية واكيد هى فاهمة كويس ف الحاجات اللى زى دى
فاطمة : اااه ااااه فهمت
دقائق معدودة وجاءت رؤى وصعدت الى غرفتة ودخلت وجدتة نائمة ع سريرة عارى الصدر مغمض العينين ، خجلت كثيرا وشعرت بدوار امسكت راسها وحاولت ان تهدا قليلا ثم تركت الباب ودخلت
رؤى : الف سلامة عليك
اياد : الله يسلمك .. معلش ياا رؤى هتعبك معايا
رؤى وهى تنظر ارضا : لا ولا يهمك يا اياد
فاطمة : ادخلى ياارؤى اعملى الجرح
دخلت رؤى وجلست امامة بخجل وسحبت اللازقة ببطئ ثم طهرت الجرح وفعلت اللازم وانتهت من عملها ، كل وهو ينظر لها ولخجلها وتوترها وجمالها بابتسامة جميلة تملئ تفاصيل وجهه
رؤى : كدة تمام
اياد : خلصتى .. دة انا محستش باى حاجة .. ماشاء الله ايديكى تتلف ف حرير
ابتسمت رؤى بخفة وارتدى ملابسة
اياد : رؤى ؟!
رؤى : نعم
اياد بابتسامة : شكرا
رؤى : الشكر لله
اياد : هو انت ف حاجة مدايقاكى
رؤى بتوتر : لاء مففيشش حاجة
اياد بعدم تصديق : متاكدة ؟!
رؤى : اه اه طبعا .. انا لازم امشى بقا
اياد : ماتخليكى شوية
ف نفس اللحظة دخل هشام غرفة اياد دون استئذان وعندما وجد رؤى صمت واخذ ينظر لها بابتسامة ، وعندما وجدتة وقفت سريعا بخوف وهى تتحاشى النظر الية
اياد اخذ باله واخذ ينظر لهم بشك
هشام : ازيك ياا اياد
اياد : كنت كويس قبل ماتيجى
هشام : تؤتؤ كدة برضو ياابن عمى
ثم ذهب الى رؤى ووقف امامها
هشام بابتسامة خبث : ازيك يا انسة رؤى ؟!
رؤى بقلق : الحمدلله
اياد خوفا عليها : رؤى ياريت تنزلى لماما او تروحى مش انت كنتى عايزة كدة ؟!
رؤى : اه صح عن اذنكو
وذهبت سريعا
هشام وهو يعض شفايفة : مزة بنت الاية
وقف اياد سريعا من الرغم انة يتالم الا انة فقد اعصابة ووقف امامة يمسك بياقة قميصة
اياد بعصبية : كلمتين هقولهملك ورد غطاهم .. رؤى لاء يا هشام
هشام : للاسف يا ابن عمى .. دى بالذات مينفعش نقول عليها لاء
...........
