ذهب اياد لمنزل صديقةة ايهاب وفتح الباب واغلقة برجلةة وهو يبحث عنة بعينة
اياد وهو ينادى علية : بيبوو .. يا بييييبببوو ؟!
ولكن لم يسمع ردا منة وضع المفاتيح ع المنضدة ولمح من طرف عينة سقوط ايهاب ع الارض فجحظت عينة وجرى ع صديقة يحاول افاقة لمح حقن كثيرة مبعثرة بجانبة امسكهم وفحصهم بعينة جيدا ثم قال
اياد : يااا نهار اسود .. واد يا ايهاب ؟! ايهاااب ؟! ياربى اعمل اية ؟؟
وبعد تفكير لمدة 3 دقائق اخرج هاتفة من سترتة وطلب جمال
جمال بضيق : اوف يا اياد والله ف الطريق اهو وقربت اوصل لبيت بيبو
اياد : اسمعنى كويس يا جمال .. ايهاب شكلة تقل ف الشرب ووقع من طولة .. احنا لازم نودية المستشفى .. حصلنى ع مستشفى ( ...... ) دلوقتى حالا
جمال بخوف ع صديقة : حاضر هروح حالا
واغلق المكالمة وحاول اسنادة حتى اصبح قادر ع حملة وخرج من المنزل ووضعة ف السيارة وانطلق نحو المشفى
وعندما وصل حملوة ع سرير جرار الخاص بالمشفى وادخلوة الغرفة وفحصة الطبيب ثم اخذ قرار عمل تنفس صناعى
كل هذا واياد واقفا خارج الغرفة وينظر عليهم من زجاج الغرفة والدموع بعينة خوفا ع صديقة ، خرج الطبيب واوقفة اياد
اياد : دكتور ايهاب عامل اية ؟
الطبيب بعصبية : انت بتسالنى عامل اية ؟؟ انتو ازاى سبتوة ف الحالة دى ؟
اياد : والله يا دكتور انا معرفش اى حاجة غير انى لقيتة واقع ع الارض جبتة وجيت ع هنا
الطبيب : واضح انة بيتعاطى مخدرات .. انا لازم اعمل محضر دلوقتى حالا
اياد بخوف : محضر ؟! لية كدة يا دكتور بس قولى المفروض نعملة وابعدنا عن موضوع الشرطة دى
الطبيب : يا تساعدنى ع نقلة لمصحة يتعالج فيها .. ياما هيفضل طول عمرة مدمن ومش هيخف وكدة هضطر اعملكوا محضر
جاء جمال ف نفس اللحظة
جاء وهو يتحكم ف انفاسة : ها عملت اية ؟
اياد : استنى بس
اياد بعد تفكير : خلاص انا هنقلة مصحة بس هو يفوق الاول
الطبيب : احنا ركبنالة جهار للتنفس وكمان يقدر يساعدة ع تنظيم ضربات القلب اللى كان هيقف خالص .. وركبنالة محاليل .. ف خلال 24 ساعة هيكون فاق ان شاء الله .. بس اول ما يفوق هننقلة ع مصحة فورا
اياد : ماشى يا دكتور ... شكرا لحضرتك
الطبيب : عن اذنكوا
ثم رحل الطبيب من امامهم
جمال : عملت اية ؟؟!
اياد : الدكتور قال انة تقل ف الشرب وقلبة كان هيقف ركبلة جهاز تنفس ومحاليل لغاية ما يفوق وننقلة لمصحة
جمال : وانت بتعمل كدة بمزاجك لية افرض هو مش عايز يروح مصحات ؟؟!
اياد بعصبية : لاء نسيبة يموت احسن ما يروح مصحة .. جمال ايهاب ع حالتة دى مش هينفع يعيش ياريت تفهم وتقدر
جمال : ماشى يا اياد .. هيفوق امتى ؟
اياد : بكرة ان شاء الله
جمال : ان شاء الله
.....
وصلت رؤى لمنزلها و.......
رؤى : السلام عليكم
امل وداليا : وعليكم السلام ورحمة الله وبركاتة
داليا : ياسمين عاملة اية ؟!
رؤى : كويسة الحمدلله
امل : حصلها اية يا رؤى ؟
رؤى بتوتر : ها .. ل عندها شوية برد ف جسمها وهتخف ع طول
امل : الحمدلله انها وصلت لغاية كدة
رؤى : الحمدلله .. المهم شوفوا انا جيبتلكوا معايا اية ؟!
قالت هذا وهى ترفع يديها الاثنين بالاكياس التى تحملها
امل بهلفة : جبتى ايةة ؟؟
رؤى بضحك : جيبتلكوا كفتة وطرب وفراخ مشوية .. وجبت لب وسودانى وفاكهة قولت عشان نحلى بليل قدام فيلم رومانسى
جلست داليا ع طرف الركنة ف صمت ، ولاحظت رؤى ذلك فقالت
رؤى : خدى يا ماما حضرى الاكل والحاجات عقبال ما اغير هدومى ونتعشى سوا
فرحت امل كثير واخذت الاكياس منها وذهب للمطبخ
جلست رؤى بجانب شقيقتها وهى تنظر لها بتساؤل
رؤى : مالك يا ديلو ؟!
داليا بضيق : مفيش يا رؤى
رؤى : معقولة ؟؟! طب دة انت حتى بتحبى اللب والسودانى لية مشوفتش الفرحة ف عينيكى ؟!
داليا : عادى يا رورو .. انا بس مخنوقة شوية عشان امتحانات الكلية قربت
رؤى بعدم تصديق : متأكدة ؟؟!
داليا : اها طبعا .. ادخلى انت غيرى لبسك عقبال ما ماما تخلص الاكل وانا هدور ع فيلم رومانسى ع النت نشغلة ع الDVD
رؤى بابتسامة : ماشى
ودخلت غرفتها وبدلت ملابسها بملابس البيت وجلست امام المرآة تمشط شعرها البنى الطويل الناعم مثل الحرير وهى شاردة ف كلام اياد
فلاش باك
اياد : مش عارف .. كل اللى اعرفة انى ممكن اموت اى حد يقربك
فلاش بااك
اياد : كل اللى اقدر اقولهولك دلوقتى انى هحاول ابطل .. انا اصلا من يوم ما عرفتك .. وانا بقيت حد غريب .. حتى غريب عنى انا كمان .. تعرفى انا اخر مرة شربت فيها يوم ما قابلتك ف النادى ودى كانت اخر مرة اشرب ومن ساعتها وانا نويت انى هبطل وفعلا انا مبقتش بشرب يعنى الحمدلله مش مدمن لدرجة الكلمة هههه
رؤى بحدة : واشمعنا من يوم ما قابلتى وانت بطلت ؟؟
اياد بصوت منخفض : مش عارف .. ههه مش قولتلك بقيت حد غريب
باااااااك
ابتسمت رؤى ببراءة ثم افاقت ونظرت للمرآة بغضب وتتحدث موجها حديثها لنفسها
رؤى : انت حبتية ولا اية ؟؟
- لا لا احبة اية ؟؟
- امال انت عمالة تفكرى فية كتير لية ؟
- ع عاااادى مفيش حاجة !!
- اوعى تحبية كدة هتوقعى لنفسك ف مشاكل وانت مش ناقصة اصلا
- مشاكل ؟! مشاكل لية !!
- انت نسيتى انة بتاع بنات وكمان مدمن مخدرات وصايع وفاشل ف حياتة وشغلة ؟؟!
- بس هوو بطل شرب مخدرات وكمان هو بدء يتغير
- شكلك وقعتى !!
- لا موقعتش !!
- لا وقعتى عرف يضحك عليكى بكلمتين واكل بعقلك حلاوة
- ولية ميكونش مش كداب وكل كلامة حقيقة ؟!
- لان اللى زى دة مش بيتغير هو حياتة كدة يصاحب ويشرب ويضحك ع بنات الناس وبس .. وطالما انت بتدافعى عنه كدة يبقى وقعتى
- لا موقعتش !!
- وقعتى
- قولتلك موقغتش
- لا وقعتى ووقعتى اوى كمان
رؤى بصريخ : موقعتتتتتتتااااااااش
افاقت ع صوت داليا وهى وقفة ع الباب
داليا : كل دة بتغيرى يا رؤى ؟
رؤى : ها لا انا خلصت اهو
داليا : ماشى .. كنتى بتتكلمى مع اياد ف الموبايل صح ؟!
رؤى : لا لية ؟
داليا : اصل انا سمعاكى بتتكلمى قولت اكيد متجننتيش لدرجة انك تكلمى نفسك
رؤى بتوتر : اه دة دة دة دى الاغنية صح
داليا بابتسامة : طب يلا عشان نتعشى
رؤى : اوك جاية اهو
وذهبت رؤى بجوار شقيقتها حتى جلسوا واكلوا سويا مع قليلا من المرح والضحك ثم انتهوا من الطعام واخذوا الاطباق ووضعوها ف المطبخ ثم اتجهوا امال التلفاز وشغلوا فيلم رومانسى وجلسوا ياكلون التسالى حتى اغلبها النعاس (امل) وفضلت النوم وتركتهم سويا يتابعون الفيلم ظلت داليا لم تتحدث ولم تفعل اى شئ غير الشرود والبكاء
رؤى : ماما مشيت اهى ومفيش غيرنا موجود يلا بقا قولى مين اللى مخليكى معيطة كدة
داليا بتوتر : هاا لا مفيش اللقطة دى خلتنى اعيط اوى
رؤى باصرار : لا متحاوليش تكذبى علية ماانت مش هتنامى انهاردة غير لما تقوليلى كل حاجة .. اسمة اية ها ها ؟!
داليا : اسم مين يا رؤى مفيش حد يا بنتى
رؤى : يابت قولى واعتبرينى زى اختك .. مش هقول لماما متخافيش
داليا بتردد : احم .. يعنى مش هتقولى لحد خالص ؟! ولا ماما
رؤى : ايوة كدة يبقى فى حد فعلا .. متخافيش يا ديلو يلا احكى وادى الفيلم اهو
وقامت رؤى بايقاف الفيلم
داليا : عايزة تعرفى اية ؟!
رؤى : اسمة وشكلة وعندة كام سنة كل حاجة
داليا بابتسامة خجل : اسمة كريم ومعايا ف الجامعة يعنى هو بيحبنى من اولى وانا مكنتش بديلة اى اهتمام ... وبعدين حسيت بحاجات غريبة وبكون عايزة اشوفة واسمع صوتة ع طول .. بس اااااا
وصمتت داليا
رؤى بحماس : ها كملى سكتى لية ؟!
داليا : عرفت بعد كدة انة عندة حبيبة واسمها هنا جت معاه يوم خطوبتك
رؤى : موكوسة وبعدين !
داليا بحزن : اصل بصراحة انا دايقتة كتير
رؤى : عملتيلة اية !؟
داليا : الاول هو كان شكلة وحش وكان بيلبس نضارة كعب كوباية ومن نوع الرجالة اللى بيلبسوا البنطلون القماش وعلية قميص مخطط ويدخلة جوة البنطلون وعلية حمالات والبنطلون يكون مرفوع اوى لدرجة انة بيبين الشراب اللى لابسة عارفة انت الجوو دة ؟!
رؤى : اه طبعا ههههه .. واكيد قولتيلة شكلك وحش وكسفتية
داليا : ياريت كدة وبس وكسفتة قدام الطلبة كلها وقولتله كلام يضايق اوى واتهمتة بانة اعمى ومش بيشوف
رؤى باشفاق : مممم يا حرام ؟! حرام عليكى يا قوية
داليا وع وشك البكاء : بس بقا يا رؤى .. انا من ساعة ماعملت كدة وانا مدايقة من نفسى اوى
رؤى : طب محاولتيش تتاسفيلة ؟!
داليا : لا فكرت بس .. تعالى شوفية دلوقتى .. واحد تانى خالص ابو الطقم المناسب لليوم والمحاضرة والجامعة والبرفان المميز اللى تشمية من قبل ما تدخلى الجامعة والا وهو بيقلع النضارة الشمسية بتاعتة يختااااى
رؤى بضحك : ههههههههههههه انت بتعاكسية يابت
داليا : الصراحة اه .. وكنت هقولة بس هو بدء يدايقنى زى ما يكون بينتقم منى
رؤى : يا سلام .. وانت عايزة بعد كل دة يجى ويترجاكى ؟!
داليا : لاء بس ع الاقل ميبقاش عسل اوى كدة
رؤى : ههههههه انا عايزة اشوفة
داليا : تعالى بكرة معايا الجامعة واوريهوك
رؤى : خلاص تمام بكرة تصحينى بدرى ونروح سوا
داليا بسعادة : ماشى
رؤى بتحذير : بس بقولك اية اوعى تجيبى السيرة دى قدام ماما لحسن تمسك فية ومتخلنيش اجى معاكى
داليا : حااضر من عيونى
رؤى : يلا نكمل الفيلم
داليا : ماشى
وقامت رؤى بتشغيلة مرة اخرى
......
صعد الى غرفتها وطرق الباب حتى سمحت لة بالدخول
نادر وهو واقفا ممسكا بمقبض الباب : انت كويسة دلوقتى ؟!
ياسمين : الحمدلله
نادر : الحمدلله .. هو انا ممكن ادخل ؟!
ياسمين بابتسامة : اتفضل
دخل نادر واغلق باب الغرفة خلفة وجلس بجانبها
نادر : انا عارف ان عمى غاصب عليكى اننا نتجوز .. بس متخافيش انا هكلمة .. بس ع الاقل وافقى ع خطوبتنا نتعرف ع بعض الفترة دى اكتر
ياسمين : بابا مش غاصب علية وبس .. بابا بيهددنى كمان
نادر : هو انا ممكن اسالك سؤال ؟!
ياسمين : اكيد
نادر : هو فى حد تانى ؟!
ياسمين بتنهيدة : ايوة يا نادر انا بحب شخص تانى وهو كمان بيحبنى
نادر : ومجاش اتقدملك لية ؟!
ياسمين : هو كان جاى بس بابا خلاص مش موافق
نادر : اكيد مش موافق عشان ف سبب كبير
ياسمين : اطلع برة يا نادر
نادر : نعمم ؟؟
ياسمين : نادر انت زى اخويا وانا مش هقدر احبك غصب عنى صدقنى
نادر : اوكية براحتك .. بس كونى عارفة ان خطوبتنا الخميس الجاى
وتركها ورحل
اخذت تبكى اكثر فاكثر حتى ذهبت للاحلام
......
بعد عودت اياد الى المنزل
ادهم : وصلت رؤى يا اياد ؟!
اياد : اه يا بابا وصلتها
ادهم : كويس .. مالك عامل كدة لية ؟
اياد : ايهاب محجوز ف المستشفى
ادهم : طبعا من الهباب اللى بتشربوة
اياد : متقلقش يا بابا انا بطلت خلاص
ادهم بسخرية : هه وانت فاكر اللى بيبطلوا دول عادى كدة وبيرجعوا تانى طبعيين .. كان غيرك اشطر يا خويا كان غيرك اشطر
اياد : بس انا مبقتش احس انى عايز اشرب وكمان انا بكرة هروح للدكتور واشوف حالتى ولو وصلت انى اروح مصحة اتعالج هروح
ادهم : من امتى العقل والتفكير دة يا خويا
اياد بضيق : من النهاردة يا بابا
ادهم : كام مرة قولتلك ابعد عن صحابك الفشلة دول وانت مسمعتش كلامى
اياد وهو بيجز ع سنانة : خلاص يا بابا
ادهم : لاء مش خلاص .. مش خلاص يا اياد .. مش خلاص
اياد بعصبية كبيرة : ماا انت الوحيد اللى عارف السبب مين ؟! وانت الوحيد اللى متاكد اللى عمل كدة يبقى مين ؟! متجيش ترمى اللوم ع صحابى .. وعشان تبقى عارف جمال هيبطل هو كمان .. وايهاب هيفوق والدكتور قال انة هينقلة لمصحة يتعالج فيها .. ومش هسمح لابن اخوك يضيعنى اكتر من كدة .. وكن عارف يا بابا .. لو جة هنا يبقى محدش هيعرف ينجدة من ايدى .. خلية يبعد عن طريقى .. عشان ولغاية هنا وكفاية ومش هسمح لحد يتدخل فيا ولا ف رؤى ولا ف حياتى مرة تانية
وتركة وذهب من امام عينة
.......
