حل الليل سريعا ومازال افراد العائلة منتظرين رجوعة
فاطمة : انا كنت حاسة ان ابنى هيعملها انهاردة الساعة بقت 33 الفجر ولسة مجاش .. يارب عديها ع خير
ادهم : انت مين قالك .. انا مش قايلك يا زفتة الطين متقولهاش حاجة !
نرمين : والله يا بابا مانا !!
ادهم : امال مين ؟
نظرت الية ف خوف وهى بتلع ريقها ، فقال ادهم : دة انت مابيتبلش ف بوقك فولة
ادم : اعملكوا اى طايب ما مراتك يا خويا اللى قعدت تقررنى ف الكلام لغاية ما زهقت وقولتلها
فاطمة بتركيز : ف صوت عربية .. اكيد دة اياد !!
ركضت فاطمة سريعا لتفتح الباب ويدخل اياد وراسة ف الاسفل ف حزن فعيناة متورمة من شدة البكاء ، احتضنتة فاطمة ف اشتياق قائلة : اخص عليك يا اياد وجعت قلبى عليك
ادهم بجمود : كنت فين يا اياد ؟!
فاطمة : دة وقتة يا ادهم .. انت مش شايفة عامل ازاى .. اطلع نام يا حبيبى وبكرة اتكلموا
ادهم : لاء هنتكلم دلوقتى ومتدخليش يا فاطمة .. كنت فين يا اياد !
اياد وهو ينظر ارضا بصوت حزين : كنت عند شروق
ادهم : واللى يروح لحد يقعد معاه لغاية دلوقتى ؟!
ادم : خلاص يا عمى وسيبة يطلع اوضتة
ادهم : اسكت انت يا ادم !!
اياد : مانت عارف يا بابا .. دة اليوم الوحيد اللى بقضى اليوم كلة معاها
ادهم : يابنى حرام عليك اللى بتعملة ف نفسك دة .. فوق يا اياد شروق ماتت الله يرحمها .. مش محتاجة منك غير الدعوات
اياد ببكاء : شروق ماتت بالنسبالكوا انتو اما هى عايشة ف قلبى .. انتو لي مش مصدقين ان دى البنت الوحيدة اللى خلتنى ابقى بنى ادم .. شروق دى حب حياتى .. الضحية اللى ابن اخوك قتلها بسبب طمعة وجحودة
ادهم : انا مش عارف انت بتفكر ازاى .. شروق لو كانت بتحبك مكنتش اتجوزت هشام وسابتك
اياد بزعيق : انت لسة مصدق اللى ابن اخوك بيقولة ؟! دى كانت حركة واطية منة وهو عمل كدة عشان يطلع براءة ويضحك عليكوا .. انت مش عايز تصدق لى ؟!
ادهم : عشان دى الحقيقة يا اياد .. شروق لو كانت بتحبك مكنتش راحت اتجوزتة .. واحد وجايب ورقة جوازهم والماذون اللى جوزهم .. وجاى تقولى كدب وحركة واطية ؟؟!
اياد : ورقة مزورة .. وماذون مرتشى .. مش عايزين تصدقوا لية يا بشر .. شروق دى ضحية العيلة دى .. ذنبها اى انها حبت واحد ابن صاحب اكبر شركات مصر .. ذنبها اى تدخل عيلة واحد فيها شيطان رجيم حيوان مفترس همجى متوحش .. ذنبها اى ؟! رد علية وقولى ، يارتنى ما كنت قابلتها ولا شوفتها ولا حبيتها .. كان زمانها عايشة دلوقتى وفرحانة بحياتها
ادهم : طب ورؤى يا اياد .. رؤى بالنسبالك اى ؟
نظر اياد لهم جميعا قائلا : سيبوا رؤى ف حالها .. دى الوحيدة اللى باقية من اللى سابونى .. سيبوها تعيش بدل ماقتلك ابن اخوك واخد فية اعدام
صعد الدرج حتى دخل غرفتة واغلق باب حجرتة باحكام ثم جلس ع فراشة ليفتح درج الكومود الذى بجوار سريرة ، ليجلب صورتها وينظر لها ف بكاء شديد قائلا : انا اسف .. معرفتش اخدلك حقك يا بنت قلبى .. بس متخافيش ربنا مش بيسيب حق حد .. وحقك هيرجعلك بإذن الله
.......
كانت تجلس ع فراشها وهى ممسكة بهاتفها وظلت تفكر
رؤى ف نفسها : اتصل ولا لاء ؟! يا ترى اكلمة واطمن علية ولا انام واكلمة بكرة
فوجدت هاتفها يدق فقرات اسمة واجابت سريعا : الووو !!
اياد : انا اسف انى بكلمك ف الوقت دة !
رؤى : مفيش مشكلة انا اصلا منمتش
اياد بتنهيدة : الحمدلله
رؤى : خير يا اياد .. صوتك مالة ؟!
اياد : تعبان اوى يا رؤى !
رؤى : كنت حاسة .. لو حابب تحكيلى انا هسمعك !!
اياد : رؤى هو انا ممكن اشوفك ؟؟
رؤى : دلوقتى ؟! مينفعش يا اياد .. انا اسفة بس انت عارف اللى فيها !
اياد بتفهم : تمام ولا يهمك
رؤى : بس ف حاجة تانية ممكن اعملها .. انا ممكن افضل معاك ع الموبايل لغاية ما تزهق منى
اياد بابتسامة : فكرة حلوة
رؤى : بس الاول ياريت تكلم والدك وتطمنة عليك لانة قلقان عليك اوى
اياد : متقلقيش يا رؤى .. انا وصلت البيت وفهمتهم
رؤى بتردد : الحمدلله .. هو انت كنت فين ؟!
اياد : بلاش نتكلم ف الموضوع دة !
رؤى بحرج : ممم احم ماشى مفيش مشاكل
فاكملت سريعا : سؤال اخير هو لى دايما ادم وجمال وايهاب بيقولولك يا بشير .. يعنى اى علاقة دة بدة ؟؟
اياد بضحك : هههه بصى يا ستى .. انا وايهاب صحاب من واحنا صغيرين خالص فدايما كنا بنلعب كورة ف المدرسة او ف النادى طلعوا علينا لقب بيبو وبشير انا بشير وايهاب بيبو ومن ساعتها وانا اسمى بشير وايهاب اسمة بيبو
رؤى : هههههه وع كدة بقى بتلعب كورة حلو ؟!
اياد : بصى انت تتفرجى علينا وتحكمى بنفسك
رؤى : طب وانا هتفرج عليكوا فين ؟!
اياد : هاخدك ف مرة ونروح النادى وتشوفى بقى .. اتفقنا !!
رؤى : اتفقنا
رؤى باقتراح : انا ممكن اقولك ع طريقة تخليك مبسوط !!
اياد بتساؤل : واى هى بقى الطريقة دى ؟؟
رؤى بجدية : قرب من ربنا يا اياد .. انا ملاحظة انك مش بتصلى ولا بتاخد راى ربنا ف قرار قبل ما تعملة !
ف تلك اللحظة سمعت صوت اذان الفجر
الله اكبر الله اكبر
رؤى باستماع : سبحان الله .. الفجر بيإذن اهو !!
اياد بابتسامة : سامعة !!
رؤى : طيب ادخل اتوضى بقى وصلى وبعدين امسك المصحف واقراء فية شوية ونام هتلاقى نفسك استريحت ع الاخر
اياد باعجاب : فكرة حلوة .. انا هدخل اتوضى واصلى وبعدين هقراء ف المصحف .. انت هتنامى ؟!
رؤى : اككيد لازم استعد انتو معزومين عندنا بكرة ؟؟
اياد بسعادة : بجد .. دة احلى خبر سمعتة انهاردة .. خلاص يلا صلى ونامى عشان اليوم يجى بسرعة
ابتسمت رؤى ف سعادة ثم انهت المكالمة قائلة : اوكية ؟
اياد : يلا اشوفك بكرة .. باى باى !!
رؤى سريعا : الافضل تقول لا اله الا الله
اياد بابتسامة : حاضر .. محمد رسول الله
انهو حديثهم واغلقوا الهواتف لتنظر الى السما وترفع يديها للاعلى قائلة : يارب اهدى اياد ونور طريقة للخير دايما وابعد عنة ولاد الحرام وقربلة ولاد الحلال يارب قربة منك وخلية متمسك بيك وانهية عن الفواحش وامحى لة كل ذنوبة .. اللهم امين يارب العالمين
........
بعد ان انتهى من صلاتة ، جلس ع فراشة وهو يمسك بمصحفة الشريف ويفتحة ليقرء سورة يس وبعد وقتا طويل يغلقة قائلا : صدق الله العظيم .. ليقبل مصحفة الشريف ويضعة بجواره ع الكومود .. ليعاود النوم ع فراشة مرة اخرى ليذهب ف نوم عميق
........
اليوم التالى
استيقظت داليا من نومها سريعا ، لترتدى ملابسها ف سرعة ، وهى تمشط شعرها سريعا لتجلب حقيبتها وتركض باتجاة باب المنزل ، لتتسمر مكانها لمجرد سماع صوت والدتها تنادى عليها
داليا : ماما .. انا اتاخرت ع المحاضرة ابوس ايدك لما نرجع نتكلم !!
امل : لاء انت مش هتروحى كلية انهاردة !
داليا بتساؤل : لى بقى ؟! واشمعنا انهاردة ؟!
امل : لان اياد واهلة جايين انهاردة هنا ولازم تساعدينا ف الطبيخ وتنظيف البيت
داليا : طب مارؤى وانت تقدروا تخلصوها لوحدكوا !؟
امل : مينفعش .. رؤى محتاجة حد يروق معاها وانا هعمل الاكل بنفسى عشان نقدر نخلص قبل ما يجوا !!
لتسمع صوت رنين هاتفها وتقوم باغلاق المكالمة
امل : يلا ادخلى شوفيلك همة .. وانا هدخل عالمطبخ !؟
ليدق هاتفها مرة اخرى فتضغط ع زر الاجابة قائلة ف ضيق : ايوة يا كريم ؟؟
كريم : اى يابنتى اتاخرتى ع المحاضرة .. ونرمين كمان مجتش لى ؟!
داليا : سورى يا كيمو مش هقدر اجى انهاردة !!
كريم : ومش هتيجى لى بقى .. ولما انت مش جاية مقولتيش لى امبارح ؟!
داليا : صدقنى يا كيمو وانا لابسة وجاية .. لقيت ماما بتقولى متروحيش عشان جايين عندنا ضيوف انهاردة
كريم : طب مش الضيوف دول هيجوا بليل !! تعالى انت دلوقتى وبعدين روحى بدرى
داليا : ياريت يا كريم بس للاسف مش هينفع خالص .. وماما مصممة المرادى كمان ع وجودى معاهم
كريم : يعنى عينى مش هتشوفك انهاردة ؟! هتتحرم من عنيكى يوم كامل ؟!
داليا بخجل : احم .. يعنى !!
كريم بضحك : خلاص خلاص .. تقريبا كدة وشك بقى طماطماية .. كفاية عليكى كدة .. بس متجيش تولولى يوم الفاينال لانى مش هغششك ابداا !!
داليا : وانت مش معايا ف اللجنة اصلا هاهاها .. هبقى اقول لسيف يغششنى .. اصلا هو معايا ف اللجنة من سنة اولى
كريم : ماشى يا داليا .. شوفى بقى مين اللى هايجبلك شوكولاتة تانى .. هه !!
ف تلك اللحظة نادت امل باسم داليا لتجيب داليا سريعا : ثوانى يا ماما وجاية حالا !! فاكملت : معلش يا كريم مضطرة اقفل دلوقتى .. ونبقى نتكلم بكرة بقى
كريم : تمام .. قبل ما تقفلى عايز اقولك حاجة اخيرة !!
داليا سريعا : قول بسرعة !!
كريم بتردد : هتوحشينى لغاية بكرة .. ووو بحبك !!
لتصدم داليا من ردة فعلة وتصبح كالخرساء تماما ، فاحست بحرارتها ترتفع ووجها اصبح احمر من شدة خجلها
داليا بتوتر : ككريم الووو انا مش سمعاك اظاهر الشبكة وقعت .. خلاص نتكلم بكرة بقى سلام
فاغلقت الهاتف وهى تنظر للاعلى وتضحك لتحضن هاتفها وتغلق عيناها قائلة : وانا كمان بحبك يا كيمو !!
........
كانت تضع سماعة هاتفها ف اذنيها ، تسمع اغنية عيشنى اكتر ، مغمضة العينين ف ابتسامة حب وهى تتخيل كلمات الاغنية ع حالها وظلت تدندن هكذا
عيشنى اكتر بيك ، انا عشت بستنى ، طول عمرى واتمنى ، اعيش لو ثانية واحدة معاك وكفاية دة علية
ليدخل عليها نادر ويجلس بجوارها قائلة : ممكن اتكلم معاكى شوية ؟؟
لتغلق الهاتف وتزيل السماعات من اذنيها قائلة : اتفضل يا نادر وانا سامعاك !
نادر بتساؤل : هو انت لى مش بتحبينى زى ما نا بحبك ؟؟
ياسمين : عشان انا مش بحبك غير زى اخويا .. وانت معتبرنى اكتر من اختك او بنت عمك .. يا نادر الحب مش بالعافية والقلب مش بيختار الشخص اللى بيحبة ايا كان شكلة او مظهرة .. دى حاجة بتاعة ربنا .. صدقنى انت الوحيد اللى المفروض تقف جمبى وتساعدنى وتخلى بابا يوافق ع ايهاب .. واكيد هتقابل واحدة تحبك اكتر مانت حبتنى يا نادر .. انت انسان كويس ومحبوب وليك مركزك .. واى بنت تتمناك .. والبنت اللى هتحبها دى .. اكيد اكيد هتعيشوا مع بعض ايام جميلة .. واكيد ف بنت بتحبك او معجبة بيك .. بس حبك ليا مخليك مش شايفها كويس .. انسى خالص انك حبتنى .. متفكرش فيا غير وانا اختك .. اختك بس !! ياريت تكون فهمتنى يانادر
نادر بتفهم : بالعكس .. يمكن دى المرة الوحيدة اللى فهمتك فيها .. انت عندك حق .. بس ايهاب دة ميستاهلكيش يا ياسمين .. انكل محمد عرف انة بيشرب مخدرات وانة كان شاب صايع .. يعنى ماضية القذر وطبعا عمى مش هيوافق ع حاجة زى دى .. اعملى حسابك بقى واتصرفى .. ودى جدعنة منى .. عشان لو طلبتى منى مساعدة !! انا موجود
........
حل النهار سريعا ، ليأتى اياد واهلة الى منزل رؤى ، لتستقبلهم رؤى وامل ف سعادة ثم يدخلوا ليجلسوا ع مائدة الطعام ويبداون ف تناول الطعام
فاطمة بتذوق : اممم اكلك يجنن يا امل !!
امل بابتسامة : بالهنا والشفا
نرمين : لا بجد حكاية يا تنط .. تسلم ايدك
امل بفرحة : الله يهنيكى يا حبيبتى ها اياد
اياد : لاء بجد تسلم ايدك
فوجد الجميع ينظرون اليه ف تساؤل ليقول سريعا
ادم : بصوا بقى انا محدش يسالنى .. لما اخلص اكل هبقى اقولك تسلم ايدك
فضحك الجميع ع حديث ادم
لينظر اياد الى رؤى بابتسامة فتنظر هى الى صحنها ف ابتسامة خجل وتاكل طعامها
ادم يهمس ف اذن اياد : بقولك اى ؟؟ ماتدينى طبقك وخد طبقى !!
اياد : وحيات امك !! بقولك اى خلى الليلة تعدى ع خير بدل ما تاخد علقة !!
ادم : يابنى انت مش عايز تدينى طبقك لية دة حتى شكلك كبر وبيطلعلك كرش وشكل رؤى هتغير رايها ف موضوع الجواز منك
لينظر اياد ع معدتة قائلا : انا بيطلعلى كرش !! انت بتتكلم بجد ؟!
ادم بكذب : اه امال اى ؟؟ زمان رؤى قرفانة منك .. بص حتة مابصتش ف وشك دقيقة واحدة
اياد : طب بقولك اى خد طبقى وكل طبقك كمان انا شبعت اصلا !!
ادم : اهو دة الكلام هاهاها
........
بعد تناولهم للطعام ، والكثير من احاديثهم الذى اخذوا يتحدثون بها ، اخذتها داليا من يديها الى غرفتا لتقص عليها ما قالة لها كريم ف الصباح
نرمين : داليا انت بتتكلمى بجد هاااح يابختك .. ادم دة عايز كسر رقبتة
داليا : اسكتى يا نرمين انا مش مصدقة .. مع انة اعترفلى قبل كدة كذا مرة .. بس المرادى حساها مختلفة .. كان نفسى ارد واقولة وانا كمان
نرمين : امال عملتى اى ؟!
داليا : عملت نفسى ف سامعة طبعا واقنعتة ان الشبكة وقعت ساعتها
نرمين : اممم .. داليا حبيتى هى فين الجزمة ؟!
داليا : هناك بس بتسالى لي ؟!
نرمين : عشان اجيبها واضربك بيها .. والله انت هتجننى الواد معاكى
داليا : مانا مقدرتش انطقها يا نرمين .. مقدرتش جات فجاة
نرمين وهى تعض ع شفتيها : ااه منك هكلك والمصحف
داليا بخوف : لااا خلاص اوعدك المرة الجاية هقولة وانا كمان ????
......
