اتى اليها بخوف وتوتر واضح , وقف بجوارها وهو ينظر باعين مراقبة الوضع
اياد : سورى اتاخرت عليكى .. يلا بينا !؟
رؤى : مالك يا اياد ؟؟!
اياد بتوتر : مم مفيش حاجة !!
رؤى : طيب لو تعبان بلاش نخرج
اياد بتنهيدة : انا كويس يا رؤى .. محصلش حاجة !!
رؤى بعدم تصديق : تمام !!
.....
بعد ان احضر الطعام جلس ينتظرها حتى تاتى , ثم وجدها ظهرت امامة قائلة
داليا : اية دة علمت الاكل بسرعة ؟!
كريم بابتسامة : مش بسرعة ولا حاجة انت اللى بقالك ساعة بتلبسى
داليا بغيظ : تقصد انى باردة ؟
كريم : وانا اقدر اقول كدة لا طبعا !!
داليا : مممممم بحسب !!
كريم : طب يلا اقعدى عشان ناكل
جلست داليا سريعا ونظرت للطعام بابتسامة
داليا : الله سمك وسلطة !! جيبتة منين دلوقتى ؟؟
كريم : انا مجبتش حاجة دة من اخر مرة اصطادنا فيها هنا !!
داليا بعدم فهم : مش فاهمة .. هو البحر دةة فية اسماك ؟!
كريم : طبعا يا ديلو !!
داليا بخوف : ياماما وسمك قرش وكدة
فضحك كريم ع منظرها قائلا
كريم : فية اية يابنتى متخافيش انا معاكى !!
نظرت اليه ثم ابتسمت وبدات بتذوق الطعام
داليا بشهية : الله تسلم ايدك بجد !
كريم بفرحة : بجد عجبك .. بالهنا والشفا
اخذوا ياكلون وهم يمزحون ويضحكون وبعد فترة صغيرة قامت داليا بلم الاطباق وجدت مشروبات ساخنة
اختارت نيسكافية وصنعت 22 كوب منها ثم اتجهت الى كريم وهى ممكسة الاكواب ف يديها , الذى كان واقفا امام شاشة عرض
كبيرة ممسكا باحدى اسطوانات الافلام الاجنية
داليا وهى تعطية الكوب : اتفضل لقيت نيسكافية عملتلك ماج معايا
كريم وهو يرشف اول رشفة من الكوب : ميرسى يا داليا !
داليا : قولى بقا بتعمل اية ؟؟
كريم بتردد : مش عارف اشغل انهى فيلم .. ماتختارى معايا !!
داليا : اوك .. عندك مثلا فيلم Scream
كريم : دة رعب يا داليا !!
داليا : ماانا عارفة
كريم بضحك : بتحبى الرعب ههههه
داليا بغيظ : خلاص نشوف فيلم تانى .. مثلا فيلم Hitch
كريم : ههههه دة كوميدى اوى
داليا : انت مش عاجبك ولا فيلم .. امال قولتلى لية تعالى اختارى معايا
كريم : دة انت رخمة .. استنى نشوف دة اية رايك ؟
داليا : Titanic اتفرجت علية عشر تلاف مرة قبل كدة
كريم : اساسا مجموعة الافلام اللى هنا مش حلوة اوى
داليا بتفكير : بقولك اية عندك افلام هندى ؟
كريم وهو يشير لها الى مكان ما : اه هتلاقى جمب البوكس اللى هناك دة !
ذهبت داليا الى المكان الذى اشار اليها فية واخذت تقلب ف اسماء حتى اختارت اسم فيلم رومانسى واعطتة لكريم كى يشغلة
ابتسم كريم عندما راى اسم الفيلم وكان ek villain
......
ظل واقفا امامها بذهول دون اى كلمة واحدة , وهى تنظر لة باشتياق وابتسامة واضحة , حتى فاق من ذذهولة وترك لها الباب
ودخل بيتة ثم اغلقت الباب و دخلت خلفة , ظلت واقفا تنظرة يقول لها كلمة واحدة او يلتفت لها ولكن لم ينطق لاى حرف
ياسمين : ايهاب ؟!
ايهاب بزعيق : جاية لية ؟! .. جاية تعزمينى ع فرحك !!
ياسمين بتردد : ازيك يا ايهاب !!
ضحك بسخرية قائلا : تمام اوى .. شكرا لاهتمامك !!
ياسمين بحزن : ممكن تبصلى ؟!
فكر قليلا ثم التفت ببطئ حتى اصبح امامها
ياسمين : وحشتنى اوى ع فكرة ؟!
ايهاب بجفاء : عايزة اية يا يااسمين ؟؟ انت مش قولتى سيبنى ف حالى ؟؟ مش قولتى انك عمرك ما هتتجوزينى ؟؟
مش قولتى ان عندك تتجوزى نادر اهون من انك تتجوزينى ؟؟
ياسمين ببكاء : ايهاب عشان خاطرى .. بلاش الطريقة دى .. انا مقدرتش اتجوز غيرك .. وكلمت بابا واقنعتة انك تيجى تتقدملى
ايهاب : بعد اية ؟! ما خلاص .. كان فية وخلص
ياسمين ببكاء اكتر : يعنى اية يا ايهاب ؟!
ايهاب : يعنى بح يا ياسمين .. روحى اتجوزى نادر .. ولا اقولك تتجوزية تتجوزى غيرة براحتك .. وعيب اوى تيجى لحد هنا لواحد
غريب عنك
ياسمين : بس انت مش غريب عنى يا ايهاب ! انا ياسمين حبيبتك ومراتك وام اولادك .. مش انت اللى دايما بتقول كدة ؟
ايهاب : الكلام دة كنت بقولة لياسمين اللى كانت حبيبتى وروحى وكل حاجة ف دنتيتى
ياسمين : اللى بتتكلم عليها دى تبقى انا يا ايهاب !!
ايهاب : ياسمين بتاعت زمان .. غير ياسمين بتاعت دلوقتى ؟! اتغيرت خالص وجرحتنى
ياسمين ببكاء : ايهاب عشان خاطرى انا بحبك ومقدرش ابعد عنك .. انا لما قولت الكلام دة مكنتش ف وعى .. سامحنى يا ايهاب
لو ليا عندك خاطر ارجوك سامحنى وتعالى اتقدملى لبابا .. بابا قايلى بقالة يومين وانا مترددة اجيلك واكلمك .. مكنتش متوقعة الرد دة
انا همشى دلوقتى .. وهستناك بكرة تيجى تتقدملى وهقول لبابا انك جاى .. فكر يا ايهاب ولو بتحبنى بجد تعالى
.....
كانوا جالسين ف احدى الكافيهات يشاهدون مباراه كرم قدم بين فريقى مانشيستر وتشيلسى
اياد : اهو الجول دة بقا من احلى الاجول اللى شوفتها ف حياتى
رؤى : مش بالظبط يعنى .. بالنسبالى احلى جول شوفتة جول ايفونا ف مرمى احمد الشناوى
ضحك اياد بقوة قائلا : اية الانتماء الزايد دة ؟ عاجبنى واقفة رمضان صبحى عالكورة !!
رؤى : هههههههه وانا كمان !!
اياد : بس مش حرام يدخل فيهم 4 اجول ضد 00 لية يعنى مفيش حارس مرمى واقف عالجول
رؤى : هههههه فاكر ماتش البرازيل والمانيا
اياد : اه دة كان حتة ماتش
رؤى : وانت كنت بتشجع المانيا واول ما البرازيل كسبت شجعت البرازيل
اياد : لاء كدة مش هينفع .. مش قدام الناس عيب ههههههههه
صمتوا قليلا ثم تذكرت شئ ما
رؤى : هو انت قابلت مين لما الحرس كلموك ؟
عندما سمع سؤالها تبدلت معالم وجهة كاملا من الفرح الى الحزن قائلا
اياد : دة كان واحد صاحبى
رؤى بعدم تصديق : هو اللى خلاك مدايق كدة ؟؟!
اياد : مش مدايق ولا حاجة .. يلا انا عايز اروح عشان عندى شغل بكرة
رؤى بحزن : تمام
دفع الحساب ثم توجهوا الى السيارة وبعد ركوبها قام اياد بتدوير السيارة وانطلق دون اى حديث
......
اثناء مشاهدة الفيلم الهندى وجدها ذهبت ف نوم عميق حاول ايقاظها ولكنة فشل فضحك عليها
واغلق الفيلم ثم اعدل جسدها ع الاريكة ووضع عليها ملقاة وقام باغلاق النور وخرج
جلس امام البحر بشرود قائلا : قربنا خلاص
......
ف نهاية اليوم ذهبت رؤى الى بيتها وتحدثت مع والدتها قليلا ثم دخلت لتبدل ملابسها فتذكرت والدتها شئ ثم دخلت لتسالها
امل : رؤى ؟! امال فين داليا مجتش معاكى لية ؟؟
رؤى وهى ترتدى البادى : الدكتور بتاعها اتصل بيها وامرها بانها تروح الجامعة عشان مشروع التخرج
امل : مممم طب وهتيجى امتى ؟!
رؤى : معرفش بس اللى اعرفة انها هتتاخر
امل : تتاخر اية اكتر من كدة ؟ دى الساعة 12 يا رؤى !
رؤى : متقلقيش يا ماما اكيد هتيجى .. انا هنام لانى تعبانة اوى
امل : ماشى يا حبيبتى .. تصبحى ع خير
وخرجت والدتها بعد ان اغلقت الباب واطفات النور
.......
ف صباح اليوم التالى
الساعة 7:36 دقيقية
تستيقظ داليا من نومها بارتياح تنظر حولها بنعاس ثم تتذكر ليلة امس فتبتسم ابتسامة رقيقة وسرعان ما ابتسمت قامت مفزوعة وهى تبحث عن كريم .. وظلت تبحث وتبحث حتى وجدتة واقفا باعلى مكان ف اليخت .. صعدت الدرج حتى وصلت الية ، ابتسم لها قائلا
كريم بابتسامة : صباح الخير
داليا وهى عاقدة يديها حول صدرها : هنروح امتى ؟!
كريم : الواحد يقول صباح النور .. صباح العسل .. مش هنروح امتى !!
داليا بعناد : كريم انا مبهزرش .. هنروح امتى ؟!
كريم بضيق : معرفش .. انا منمتش من امبارح اصلا .. واقف كدة من امبارح عشان لو مركب عدت الحقها
داليا : تمام .. اما نشوف هنعمل اية ؟ وافعالك هتوصلنا لاية ؟!
كريم بغضب : ف اية يا داليا ؟ اية الطريقة اللى انت بتكلمينى بيها دى ؟
داليا : انا بتكلم عادى ع فكرة .. انت اللى مش طايقلى كلمة
كريم بعصبية : انا بردو ؟! هه دة اللى هو ازاى يعنى ؟؟
داليا : انا مليش دعوة انا من امبارح هنا واهلى زمانهم قلقانين علية دلوقتى وبيدورو علية وهنا مفيش شبكة وف عرض البحر ومحدش وسطنا .. بعد كل دة عايزنى اضحك وافرح وارقص كمان
وقف امامها كريم بحزن قائلا
كريم بزعيق : انا مقولتش ارقصى وافرحى !! وبعدين انا نفسى افهم لية المعاملة دى ؟ بتتعاملى مع كل الناس عادى الا انا .. اشمعنا انا اللى بتعاملينى كدة ؟ .. امبارح لما الكابتن اللى جة ف الحفلة اول ما جة كلمك قعدتوا تضحكوا وتهزروا مع بعض .. وانا لو جيت عملت كدة .. ياترى كان رد فعلك اية ؟؟ وكل دة لية ؟؟ عشان بحبك !! .. عشان اعترفتلك كذا مرة انى بعشقك وانت بتتكبرى علية ! غيرتلك نفسى وحياتى وشكلى وطريقتى بقيت انسان تانى خالص عشان ارضيكى وتحبينى .. وانت ولااا هناا !! لية ؟
انتهى من حديثة ثم اعطاها ظهرة ووقف بعيد ينظر الى السماء وشعرة يتطاير من شدة الهواء مغمضا عينة بحزن ، وجد يديها ع كتفة فأصر انة لم ينظر لها فقالت
داليا : كيمو انت زعلت منى ؟!
ضحك بسخرية دون كلام
داليا : ممكن تبصلى طيب ؟!
فكر قليلا بتردد فسبقتة داليا ووقف امامة داليا : كان المفروض وانت بتقولى بحبك تشرحلى قد اية ؟ مش يمكن اكون انا بحبك اكتر !!
كريم بعدم فهم : تقصدى اية مش فاهم ؟!
ابتمست داليا بخجل وهو واقفا بذهول لم يفهم شئ وكادت ان ترحل فامسك معصم يديها كى يوقفها
كريم بتكشيرة : انت قصدك اية بالكلام دة يا داليا
نظرت داليا ارضا بخجل قائلة : اصدى .. انى .. بح.بك !
استيقظت ع صوتة قائلا : ديلوووو كل دة نوم اصحى
داليا بعد ان افاقت : عااااا هو دة كان حلم ؟؟
كريم : هو انت كنتى بتحلمى انك رجعتى البيت ؟؟
امسكت الوسادة وحدفتها علية : امشى من هنا يا كريم !!
......
ف الشركة صباح يوم جديد
كان جالسا ع مقعد مكتبة وادم جالسا امامة يتحدثون ع شئ ما !!
اياد بعصبية : اية اللى انت بتقولة دة ياا ادم .. مستحيل طبعاا !!
ادم : بس اهدى متعصبش نفسك .. انا بفترض مش اكتر ممكن اكون غلطان
اياد بانتقام : لو كان الكلام دة حقيقى يا ادم .. ساعتها مش هتشوف غير الوش التانى
......
ف مكتب المنزل
ياسمين : ايوة يا بابا انا كلمتة وقولتلة يجى انهاردة وهو قالى انة جاى
والدها : تمام .. زى ما اتفقنا بليل هاجى وهجيب معايا نادر ونشوفة ونتفق معاه .. بس زى ما قولتلك ؟! لو طلع مش كويس او بيعمل حاجة كدة ولا كدة .. هكسرلك دماغة ومتجيش تلومينى
ياسمين وهى تبلع ريقها بصعوبة : ان شاء الله هيعجبك يا بابا وهتحبة اوى كمان
وضع رجلا ع الاخرى قائلا : ماظنش !!
......
