ادم : اخلصى وقولى انت عايزة تقوليلى اية ؟
نرمين : مش عايزة اقولك حاجة !!
ادم : نعم ! امال انت جايبانى هنا لية مش قولتيلى عايزة تقوليلى حاجة
نرمين : يابنى افهم انا بعمل كدة عشان اسيب داليا وكريم لوحدهم
ادم بعدم فهم : مش فاهم وتسبيوهم لوحدهم لية ؟!
نرمين بنفاذ صبر : يارب صبرنى .. بص باختصار داليا وكريم بيحبوا بعض .. بس الاتنين بيكابروا وداليا كبريأها بيمنعها تعترف انها بتحبة .. وكريم اعترفلها كذا مرة قبل كدة .. بس هى مكنش عاجباها .. وناو الوضع اختلف .. وانا دلوقتى عايزة اقربهم من بعض فهمت !؟
ادم بفرحة : والله وانا اللى فاكر كريم دة معجب بيكى .. مش كنتى تقوليلى
نرمين : ماانا قولتلك قبل كدة انى مفيش حاجة بينى وبينة غير الصداقة .. ودلوقتى انا عرفت السبب اللى يخليك تكرهه
ادم بضحك : لاء بقى حبيبى خلاص دة انا اروح ابوسة بقى هههههههه
نرمين بغيرة : مممم والبرنسيسة بسنت اخبارها اية ؟!
ادم وهو يرفع حاجب : والله .. طاايب بتسلم عليكى .. وانت بقى العريس اخبارة اية ؟!
نرمين : لسة مشوفتوش .. بس هنتقابل بكرة
ادم : بالتوفيق .. بس عارفة بقا يا حلوة مين هو العريس دةة ؟!
نرمين بتساؤل : مين يعنى !
ادم بانتقام : لاء والله ماانا قايل .. خليها مفاجاة
.....
كانت شادرة تفكر ف كريم الذى لا يعيطها وجه ولا يريد التحدث معاها ففؤجت بشخصا واقف بجوارها وينظر لجسديها من راسها الى رجليها ، خجلت كثيرا وتظاهرت بانها تبتسم فتحدث الشخص قائلا
الشخص باعجاب : واووو .. اية القمر دة ؟؟
داليا بابتسامة وخوف : ميرسى
الشخص : اية الابتسامة الحلوة دى .. انت تبع مين طنط فاطمة ولا انكل ادهم ؟
داليا : لاء انا ف الحقيقة صاحبة نرمين بنت انكل ادهم
الشخص بعدم تصديق : لا مش معقول .. معقولة انت صاحبة نرمين ؟
داليا : بالظبط .. انت تعرفها
الشخص : طبعا .. احب اعرفك انا هشام ابن عم نرمين واياد
داليا بابتسامة بسيطة : اهلا بيك
هشام بنظرة جريئة : الفستان يهبل عليكى .. بس عارفة لو مفتوح ع شكل مثلث من الضهر .. كان هيبقى خرافةة مش منكرش انك موزة
داليا بخجل : ميرسى يا هشام
كان كريم واقفا بعيدا عنها قليلا وعندما اتى اليها هشام راها فغضب كثيرا وقرر انة لم يذهب ولا يتدخل بهذا الامر ولكنة غير قادر ع التحمل فذهب اليهم بغضب وغيرة فوجدهم يضحكون
كريم : كركركركر ممكن تضحكونى معاكو
داليا : كريم !!
كريم ليغيظة : ياعيون قلب كريم
خجلت داليا كثيرا من حديثة ونظرت ارضا هشام بتساؤل : مين دة يا داليا ؟
داليا : دة ...
كريم مقاطعا : انا كريم خطيبها
صدمت داليا من كلامة لم تكن تتوقع ان يفعل ذلك ابدا !!
هشام بابتسامة سخرية : خطيبها ؟! هه مش شايف اى دبل ف ايديكو
كريم بعصبية : لبسها ف صباع رجلى ياعم ليك شوق ف حاجة
داليا بتوتر وخوف : كريم !! انا اسفة جدا يا استاذ هشام كريم عصبى شوية انهاردة
هشام : لا ولا يهمك عن اذنكوا
ورحل هشام تماما عن المكان الذى يقفون فية !!
نظر لها كريم بلوم فنظرت له بغضب قائلة
داليا : اية اللى انت عملتة دة يا كريم انت مجنون ؟؟!
كريم بزعيق : امال كنتى عايزانى اسيبك تهزروا وهئ ومئ وقرف وانا اسكت !
داليا بتحذير : كريم .. متزعقش .. وبعدين خد هنا ع اساس اية اننا مخطوبين ؟!
نظر لها كريم بعينها بعمق قائلا وهى يجذبها من يديها : تعالى معايا
وذهبوا الاثنين الى مكان ما !!
......
بعد الترحيب والتعارف ع باقى عائلة اياد ، جاء الجرسون وهو يحمل صينية اكواب من الخمرة وقدمها لهم فرفضت رؤى بشدة لانها تعرف جيدا حساب من يتناول هذة الانواع من الخمر !! ، فوجأت بان اياد اخذ كاسا من الخمر وبداء يرشف منها اول رشفة
رؤى بهمس : تعرف ان الخمر حرام وان اللى بيشربها حسابة عند ربنا عسير ؟!
اياد بتبرير : ايوة بس انا بشربها ف المناسبات بس مش ع طول يعنى مش مدمن
رؤى : مناسبات ولا مش مناسبات انا اعرف ان الخمرة حرام يبقى متتشربش خالص ولا تفكر ولا عقلك حتى يهيالك بكدةة
اياد بنفاذ صبر : خلاص يا رؤى مش هشربها اهوو
ووضعها بالصينية الذى كان يحملها الرجل
رؤى موضحة : اياد انت زعلت ! ع فكرة انا مش بفرض عليك حاجة انا بنصحك مش اكتر ولو حابب تشرب براحتك
اياد بنظرة حب وابتسامة : وانا مزعلتش بالعكس انا فرحان انى بلاقى حد ينصحنى ويوجهنى للطريق الصح
ابتسمت لة رؤى بفرحة ثم وجد والدة ينادى علية فاستاذن اياد منها وذهب لابية
دقائق معدودة وشعرت بشخصا يهمس ف اذنيها قائلا
الشخص : فكرتى يا رؤى ؟!
التفتت له رؤى وحجظت عيناها عندما راتة رؤى : انت اية اللى جابك ورايا .. اياد لو شافك مش هيعديها ع خير ؟!
الشخص : وانا مش همشى من هنا الا لما اعرف ردك ؟!
رؤى بخوف : ردى ع اية ؟! انا ردى كان واضح من البداية وياريت تتفضل تمشى من هنا حالا
الشخص : انا اديتك فرصة تفكرى وانت اللى مصممة تجيبى وجع القلب لنفسك وكل دة عشان واحد ماجرك بفلوس عشان تحتفلى ويتباهى بيكى قدام ابوة ويعرفة انو راجل اد المسؤلية
رؤى بعصبية : ماجرنى ؟! اية ماجرنى دى انت انسان قليل الادب .. وانا مستحيل اوافق ع حاجة زى كدة من البداية وحتى لو كان ونظرت لة بسخرية ثم اكملت : مأجرنى !؟
الشخص يغيظ : والله ياقطة وكبرنا وطلعلك ضوافر .. وياترى بقا اتعلمتى ازاى تخربشى ؟! بس تمام برافو .. بس خليكى فاكرة انى كنت عاوزك بالحلال واديتك فرص كتير .. ويا حلوة لما اجى اعمل حاجة بالحرام .. متجييش تلومينى وتعيطى وتقوليلى اتجوزنى واستر علية ؟!
حجظت عينى رؤى بقوة وكادت ان تخرج من مكانها ، فنظر لها الشخص بغيظ وتركها ورحل !!
.......
بعد رحيلة ذهب اليها ادم ليسالها عن سبب وقوفة معها وقف بجوارها قائلا
ادم بتساؤل : ف حاجة يا رؤى ؟؟
رؤى باستغراب : حاجة زى اية ؟
ادم : زى الشخص اللى كان واقف معاكى دلوقتى .. هو قالك حاجة ؟
رؤى بخوف وتوتر : ها .. لا لا ابدا خالص
ادم بعدم تصديق : تمام انا خوفت عليكى بس مش اكتر .. لو عوزتى حاجة ناديلى انا واقف هناك اهو
رؤى وهى تتظاهر بابتسامة : شكرا يا ادم
فابتسم لها ورحل
......
امام يخت كبير , تقف داليا وكريم وهى تسال نفسها ماذا جاء بها الى هنا ؟!
ضحك كريم ع منظرها وجذب يديها حتى تصعد الدرج وتدخل ف هذا اليخت الكبير
داليا وهى تجذب يديها : اية يا كريم ؟؟ انت جايبنى هنا لية ؟!
كريم : اطلعى هفرجك ع اليخت
داليا بعدم اطمئمان : لاء .. انا عايزة ارجع الحفلة
كريم : يابنتى تعالى بس هفسحك ف اليخت هيعجبك اوى
داليا بخوف : وهتروحنى تانى ؟!
كريم بضحك : هههههه ايوة ياستى هروحك تانى
داليا بخوف اكتر : انت بتضحك ع اية ؟؟ انت ناوى تتوهنى صح ؟؟ انت عايز تنتقم منى عشان بعمل فيك مقالب
كريم : ههههههههه يخربيتك ويخربيت الافلام العربى اللى جننتك بدرى .. اطلعى يابنتى والله مش هعملك حاجة
داليا لتطمئن ع نفسها : طب استنى اما ابعت لنرمين رسالة عشاان لو فكرت تعمل حاجة الاقى اللى يكون عارف مكانى
كريم : هههههههه ماشى يا مجنونة .. ابعتلها رسايل مش رسالة وااحدة
اخرجت هاتفها ثم كتبت رسالة لنرمين ومضمون الرسالة :
نرمين ؟! انا مع كريم ف يخت كبير اوى قريب من بيتكوا .. انا بعتلك رسالة عشان لو كريم عمل فيا حاجة تلحقونى
الواد دة بقيت اخاف منة اوى !! المهم لو رؤى سالت علية او اتاخرت او حصلى حاجة قوليلها انى بعمل مشروع للكلية
وقوليلها كمان انى بحبها اوى .. وخليها متزعلش منى ها .. وبحبك انت كمان .. يلا باى باى
وضغطت ع زر الموافقة وضعت الهاتف ف حقيبتها
كريم : ها خلصتى ؟؟
داليا : كريم ؟؟ بلاش النظرات دى بتخوفنى اوى
كريم : ههههههههه خلاص هغمض عينى .. يلا ادخلى
نظرت لة داليا لثوانى معدودة , ثم دخلت اليخت ودخل كريم خلفها
صعد كريم الدرج حتى وصل الى اعلى اليخت وصعدت خلفة داليا ووقفت بجوارة
كريم وهو يشاور ع البحر : شايفة البحر حلو ازاى ؟
داليا بصوت منخفض وهى عاقدة يديها حول صدرها : يعنى !
كرريم : بتقولى اية ؟
داليا بصوت عال : بقولك يعنى ؟
نظر لها كريم ليطمانها قليلا
كريم : انت خايفة من اية .. والله ما هعملك حاجة !!
نظرت لة داليا لتلك النظرات التى طمانتها كثيرا فابتسم ابتسامة رقيقة قائلة
داليا : خلاص مش خايفة !! .. بس قولى انت ازاى بتسوق اليخت لوحدك مش خايف من البحر ؟!
ضحك كريم قائلا
كريم بثقة : يابنتى انا بحار .. البحر دة بالنسباالى لعبة .. دة انا عندى غباء تحت المياة .. قال اخاف قال .. اقولك ع حاجة ؟ عارفة انت لما رامز جلال غنى وقال
انا اعدى البحر ولا اتبلش والحوت ياما كلتة على قفاة .. والتمساح جنبى بيتلبش وبيبقى بساريا ياولداة .. انا اشهر سباح لو شفنى بيصلى على رسول الله
داليا : ههههههه اه
كريم بهزار : اهو ساعتها مكنش بيغنى .. دة كان بيوصفنى
جاءت لداليا نوبة ضحكية حتى نست خوفها وتوترها واصبحت عيناها تبكى بالدموع من كثرة الضحك
داليا : ههههههههههههههه اه مش قااادرة يا كريم يخربيتك
كريم : هههههه اى خدعة ضحكتك .. سبينى اسوق بقا لنتهوه
داليا ومازلت تضحك : هههههه هو انا عملتلك حاجة ما تسوق !!
كريم : ماهو انت لما بتضحكى قدامى انا بيحصلى حاجات غريبة
داليا بجدية : لاء خلاص خلاص
ثم صمتت قليلا ودخلت ف نوبة ضحكية
......
كانت تقف مع احدى زميلتها فوجدت رسالة وصلت الى هاتفها , فتحت الرسالة وقراتها ثم ابتسمت وذهبت باتجاة رؤى
رؤى : انتو فين بدور عليكوا من بدرى
نرمين : موجودين يعنى هنروح فين ؟
رؤى باستغراب : امال داليا فين ؟؟!
نرمين : الدكتور اتصل بيها وقالها تعالى فورا عشان مشروع الكلية
رؤى بتساؤل : دكتور ومشروع ؟؟ دلوقتى ؟؟ ولا انتو بتضحكوا علية ؟
نرمين : لا والله ابدا فعلا دة اللى حصل متقلقيش
رؤى : تمام اما نشوف اخرتها اية ؟!!
نرمين : طيب هروح اشوف ماما مشوفتهاش من اول اليوم خالص
رؤى : ماشى
اتى اليها اياد بعد ان انتهى حديثة مع والدة ثم ابتسم قائلا
اياد : اتاخرت عليكى ؟
رؤى : لا خالص
اياد : طب تحبى نخرج ؟؟
رؤى : ياريت بس هنروح فين ؟
اياد بتفكير : اممممم اى حتى احنا ممكن نروح كافية !!
رؤى : تمام
اياد : يلا بينا !!
اتى اتصالا لاياد فاضطر للوقوف ليرد ع هاتفة
اياد : الوو ؟؟
احد الحراس : اياد بية ؟؟ ف واحدة مصممة تدخل الحفلة ومش معاها اينفينت .. وبتقول انها تعرف حضرتك
اياد باستغراب : تعرفنى ؟؟ اسمها اية ؟!!
احد الحراس : بتقول اسمها ميرا
اياد بصدمة : مم .. مميرا ؟؟!
احد الحراس : اية يا فندم .. تحب ادخلها ؟
اياد سريعا : لالالالا اوعى تدخلها .. انا هاجيلها لغاية عندها .. خليها واقفة عندك تمام
احد الحراس : متقلقش حضرتك
واغلق الهاتف ثم نظر لرؤى بخوف وتوتر , لاحظت رؤى توترة فسالتة قائلة
رؤى : اياد ؟؟ حصل حاجة ؟!!
اياد سريعا : لالا ابدا .. معلش ممكن تخليكى هنا ثوانى .. انا اسف جدا بس ف ناس عايزنى
رؤى بضيق : تمام .. روح انت !!
ركض اياد سريعا ذاهبا الى بوابة المنزل حتى وصل الى هناك وعندما راتة ركضت لاحضانة بفرحة , فابتعد عنها اياد سريعا
وجذبها الى مكان بعيدا حتى لا يراهم احد
اياد بزعيق : انت اية اللى جابك هنا ؟؟ وعرفتى عنوانى منين ؟
ميرا بدلع وهى تقترب منة : كل دة اللى همك ؟ ومش همك انت وحشتنى اد اية ؟
اياد بخوف : ميرا اللى بينا انتهى خلاص وانا مش اول ولا اخر واحد عملتى علاقة معاه .. اتفضلى امشى من هنا
ميرا : ايوة بس انا بحبك اوى يا اياد !!
اياد : حب اية وزفت اية ؟؟ مفييش حاجة اسمها حب يا ماما خلاص انتهى مع ايام ام كلثوم وعبد الحليم
ميرا بزعل : لا فعلا مفيش حب الايام
ثم امسكت يدية وشاورت ع دبلتة ثم اكملت ف حزن
ميرا : امال اية دة ؟؟ حب دة ولا مش حب ؟؟
جذب يدية بقوة قائلا : ملكيش دعوة وامشى من هنا ومش عايز اشوف وشك تانى
ميرا لتغيظة : همشى يا اياد !! بس هاجى تانى .. صح نسيت اقولك ؟ مبروك
وتركتة وذهبت وهو مازال واقفا ف صدمتة
ظهر هشام ف ذاك اللحظة وهو مبتسم ابتسامة شريرة
.......
كانت واقفا لا تصدق ماذا حدث ثم تضحك من صدمتها وتصمت حتى جاء اليها كريم وهو ينظر ارضا من شدة خجلة , فنظرت اليه
ثم قالت
داليا بعصبية : عجبك كدة ؟؟ قعدت تقولى انا بحار والبحر دة لعبتى .. وانا عندى غباء تحت الماء .. ورامز جلال مكنش بيغنى دة كان بيوصفك
وعملتلى فيها شجيع السيما .. اتفضل شوف عمايلك وصلتنا انا وانت لاية ؟؟ ف عرض البحر ؟ وبليل ؟ والدنيا ضلمة ؟ واليخت كبير ؟
ومحدش هيشوفنا ؟؟ تقدر تقولى هروح بيتنا ازاى ؟؟ واهلى هيعملوا اية ؟!
كريم بخجل : خلاص بقا يا داليا متكسفنيش !! انا اسف
ركضت داليا حتى تجلب هاتفها وتتصل باى احدا كى ينقذها من ذالك الموقف اللعين , ولكنها لم تجد شبكة ؟؟!
داليا بهلع : اييييية دة ؟؟ دة مفيش سيجنال !!
كريم : طبعا احنا ف عرض البحر .. هتيجى منين الشبكة ؟
داليا : عاااااااااا هنعمل اية دلوقتى
كريم : ولا حاجة ؟ هنقعد هنا لغاية بكرة وربنا يسهل ويبعتلنا حد يكون معدى ولا حاجة ويروحنا
داليا : نعممم هنقعد لغاية بكرة ؟ ورؤى وماما هقولهم اية ؟
كريم : ياستى متخافيش انا هكلمهم بمعرفتى
داليا : اهى اهى وانا اعمل اية دلوقتى ؟؟
كريم باهتمام : انت جعانة ؟؟
داليا بصويت : احنا ف اية ولا ف اية ؟؟
كريم : داليا انا جربت الموقف دة كتير جدا وعارف هنتصرف ازاى فمتتعبيش قلبك وتعالى ناكل حاجة
داليا : طب انا هفضل كدة ؟؟
كريم بعدم فهم : كدة اللى هو ازاى يعنى ؟
داليا بخجل : اصدى يعنى بما اننا هنبات هنا .. مفيش اى حاجة البسها غير دة ؟
كريم : يعنى مسكوفة تنامى بالفستان عشان قصير ومش مكسوفة وانت ماشية بية ف الشارع ؟
داليا بتحذير : كرييييييييييم ؟؟!
كريم : خلاص خلاص !! انزلى تحت وادخلى الاوضة هتلاقى لبس ع قدك اختارى منة والبسى
اقتربت منة داليا وامسكت بياقة قميصة قائلة
داليا : وانت بقا جبت اللبس منين ؟ كنت بتجيب بنات هنا يا كريم !!
كريم بخوف : والله ابدا اساسا اليخت دة بتاع مصطفى وانا واخد منة نسخة من المفاتيح ولما بكون مدايق باجى هنا !!
داليا بلقم : امال عرفت منين ان ف لبس بنات تحت ؟؟
كريم : اصل اااا .. ااا .. اه كنت بجيب هنا معايا وساعات كنا بنبات هنا فكانت بتجيب لبسها معاها
داليا : ممممممممم ممااشى يا كريم
وتركت ياقة قميصة وذهبت باتجاة المكان الذى حددة لها
كريم : اوووووووووووف فزعتنى
ونزل كريم واتجة الى مطبخ لاحضار الطعام
......
