... ببرود : مالك يا اياد بتبصلى كدة لية ؟ كان لازم اجى واطمن ع ابن عمى اللى مرمى ف المستشفى بسبب المخدرات
فنظر لها بضيق قائلا
اياد : اطلعى برة يا رؤى
رؤى بخوف علية : اية ؟ لا مش هطلع مين دة ؟
بضحك : متقلقيش يا حلوة مش هاكلة .. انت بقا رؤى خطيبتة ؟
رؤى : ايوة انا ^^
... : سورى معرفتش اجى خطوبتكوا حصلت ظروف ومعرفتش اجى
اياد بغضب : رؤى سبينا لوحدنا شوية
لا سورى مش هتبقوا لوحدكوا انتو وبس انا كمان هبقى التالتة
نظر لها بصدمة
اياد : انت وهو جاايين عايزين منى اية تانى ؟
... : تؤ تؤ عيب كدة يا اياد دة احنا جايين نطمن ع صحتك من المخدرات اللى بتشربها
اياد : وحياة الشدة اللى انا فيها لو كنت سليم دلوقتى لكنت مسكتكوا انتو الاتنين فرمتكوا برجلى
... : شوفت يا بيبى اييي يا حرام
اياد : اطلع برة يا هشام وخد بنت ال*** دى معاك برة
هشام بصوت عالى : ماتحترم نفسك هى ماما معملتكش تكلم الناس ازاى ؟
اياد : وحيات امك لو جبت سيرة امى تانى ع لسانك لهتشوف ايام اسود من الايام الى شوفتها ف حياتى
هشام ليستفزة : اصدك الايام السودة اللى انا وريتهالك
رؤى بصوت عالى : انت ازاى كدة ؟ انت مش محترم ومستفز جاى تتهجم علينا ف المستشفى .. اتفضل اطلع برة سيبوة ف حالة دة تعبان
فاقترب منها هشام وهو يمرر اصبعة ع شفتيها ، ضربتة كفا ع وجهة فدفعتة بقوة حتى خبط ف الجدران
كان اياد يحاول القيام ولكن لم يفلح كان يود ان يضربة ف تجرئة ف التعدى ع حبيبتة
هشام بضحك ليستفزها : ههههههههه انا مش همد ايدى عليكى دلوقتى .. بس ايدى هتتمد هتتمد .. وهدفعك تمن القلم دة غالى اوى .. فاكمل بغمزة : ومتنسيش مسيرك يا ملوخية تقعى تحت المخرطة
اياد بزعيق : برة يااا *** يا **** من هنا
فاطلق ضحكة عالية ووضع يدة ع كتفها وذهب مرة اخرى
اياد برجاء : انا اسف جدا جدا يا رؤى انى حطيتك ف موقف زى دى وخصوصا انى عاجز مش قادر ادافع عنك
بكت رؤى بحرقة لانها تذكرت حادثة التى حدثت لها منذ زمن
اياد : انا انا اسف يا رؤى والله دة انسان حيوان وكلمة حيوان قليلة علية ارجوكى امسحيها فيا انا
رؤى : مين دة يا اياد ؟
اياد بتنهيدة : دة هشام ابن عمى
رؤى باستغراب : ابن عمك وبيعمل كدة ؟!
اياد : واكتر من كدة كمان
رؤى : طيب والبنت اللى كانت معاه ؟!
اياد : دى تبقى هند
رؤى : خطيبتة !
اياد : لاء
رؤى : حبيبتة
اياد : حاجة زى كدة ماشى معاها كدة يعنى
رؤى بعد ان جففت دموعها : هى تعرفك صح ؟!
اياد : ........
رؤى : يبقى تعرفك
اياد : رؤى لو سمحت مش بحب اتكلم ف الموصوع دة .. وياريت محدش يعرف اللى حصل ولا تبلغى حد بان حد بالاسم دة جة هنا
رؤى : لية يا اياد لازم انكل يعرف ويكلم باباه
اياد : باباة متوفى من زمان وهو عايش بدماغة محدش يقدر يفرض علية كلمة
رؤى : يعنى محدش عارف يلمة ؟!
اياد : انا عايز اروح
رؤى : اكيد لو كان ينفع كان الدكتور قال حاجة زى كدة .. وبعدين انت لسة عيان خليك ع الاقل يومين هنا
ف نفس اللحظة دخل ضابط شرطة ومعة ادهم وادم
دخل الضابط وجلس بدلا من رؤى واخرج الجميع
الضابط : انا جاى عشان افتح محضر للسبب اللى عمل فيك كدة
اياد : مش عايز افتح محاضر يا حضرة الضابط مين اللى قال لحضرتك كدة ؟
الضابط : والد حضرتك الاستاذ ادهم .. ودة شغلى ولازم اعملة .. اتفضل اشرحلى مين اللى عمل كدة ؟
اياد : مفيش يا فندم كان فية خناقة بالسكاكين وانا معدى من جمبهم السكينة جت ف جمبى
الضابط : بس المعلومات اللى جتلنا ان حد من صحابك الاتنين هما اللى عملوا فيك كدة
اياد : لا يا فندم الموضوع وصل لحضرتك غلط زى ماقولت لحضرتك بالظبط ومش عايز افتح محضر
الضابط : براحتك دى امور شخصية مقدرش ادخل فيها .. بس ياريت لو حصلت معاك حاجة زى كدة تانى تبلغنا ع طول
اياد : من غير ما تقول يا حضرة الضابط
خرج الضابط وسالة ادهم فابلغة بما حدث ورحل الضابط
.....
دخل والدة ومعة ادم
ادهم : مقولتش للظابط لية الحقيقة ؟
اياد : بابا انا تعبان دلوقتى وعايز انام
ادهم : ماشى يا اياد لما نشوف اخرتها معاك اية ؟
اياد : ادم وصل رؤى وداليا لبيتهم
ادم : عيون اللوز
اياد : وخلى بالك منهم كويس جدا
ادم : عيونى
.....
ادم : انا لازم اوصلك انت وداليا لبيتكم وكفاية اوى لغاية كدة انت تعبتى معانا انهاردة
رؤى بابتسامة : تعب اية بس المهم يجى بفايدة ويخف !!
ادم : ان شاء الله .. فين داليا ؟
رؤى : مش عارفة راحت فين هى ونرمين ؟!
ادم : مش مهم هتصل بنرمين واقولها تيجى
وامسك هاتفة وطلب نرمين
.....
نرمين : انا خايفة ع اياد اوى !
داليا لتطامنها : متقلقيش هيبقى كويس باذن الله
نرمين : ياااااااارب
داليا : انا تعبت خلاص بجد عايزة انام وعندى صداع رهيب
نرمين : طيب تعالى نرجع و.....
لم تكمل حديثها فوجدت هاتفها يرن
فاجابت سريعا ...
نرمين بخضة : اية يا ادم اياد حصلة حاجة ؟
ادم : لا متخفيش اياد بخير الحمدلله
نرمين بتنهيدة : الحمدلله
ادم : ياريت تيجى انت ومعاكى داليا عشان هيروحوا
نرمين : حاضر جايين اهو ....
وبالفعل اغلقت معة المكالمة ووصلت الى المشفى ومعها داليا وقام ادم بتوصلهم
......
فتحوا الباب ودخلوا
امل : كل دة يا رؤى ؟؟
رؤى بتعب : معلش يا ماما اصل اياد ف المستشفى وانا لما عرفت روحنا نطمن علية !
امل : لا حول ولا قوة الا بالله .. اية اللى حصلة ؟
رؤى : معلش بقا يا ماما انا تعبانة شوية خلى داليا تحكيلك
ورحلت رؤى من امامهم
امل باستغراب : مالها رؤى ؟
داليا : تلاقيها مدايقة ع اياد
امل : هو مالة ؟
داليا : مضروب بالسكينة ف جمبو !!
امل بشقة : يا خرابى .. ومين اللى عملة كدة
داليا : ممممممم معرفش بيقول خناقة
امل : ربنا يسترها يارب
داليا : يارب .. انا هدخل انام عشان تعبت
امل : طب مش هتاكلى ؟
داليا : بكرة بكرة
امل : بكرة بكرة ؟؟! هو انا مخلفة مجانين ؟!
......
اثناء النوم ذهبت كلا من رؤى وداليا الى غرفة نومهم وناموا ع السرير
داليا : هو انا افورت اوى انهاردة مع كريم ؟؟
رؤى : ......................
داليا : ولا هو اللى غلط وانا صح ؟؟
رؤى : .....................
داليا : رؤى انت روحتى منى فين ؟؟
افاقت رؤى من شرودها واجابت
رؤى : ها بتقولى اية ؟؟
داليا : اللى واخد عقلك .... !!
رؤى : مفيش حد يلا نامى
داليا : ماشى ياختى !! تصبحى ع خير
رؤى : وانت من اهل الخير
.......
ف الليل
فاطمة : انت ازاى متقوليش حاجة زى كدة ابنى مرمى ف المستشفى وانت لسة فاكر تيجى تقولى
ادهم : انا مردتش اقولك عشان عارفك كويس .. والحمدلله اياد بخير ولو مش مصدقاتى اسالى نرمين ؟
فاطمة بعصبية : وكمان نرمين عارفة واكيد كمان ادم يعرف يعنى انا اخر من يعلم .. انا عايزة اروح لابنى يا ادهم
ادهم : اياد نام دلوقتى وبكرة روحيلة ان شاء الله
فاطمة وهى تخبط يديها ع المكتب : لاء انا عايزة اروح دلوقتى يا ادهم
ادهم : تروحى دلوقتى اية بقولك نايم وتعبان وبعدين الامن مش هيرضوا يدخلوكى المستشفى
فاطمة : وانا عايزة اطمن ع ابنى .. ومين اللى عمل فية كدة ؟
ادهم : ابنك صايع يا فاطمة وصحابة هما اللى عملوة فية كدة ومع ذلك مش رادى يعترف ولا يقول للشرطة
فاطمة : لا يا ادهم لا .. ابنى مش صايع وانت عارف مين اللى عمل فية كدة كويس
ادهم بزعيق : يوووة انا طالع انام
ف صباح اليوم التانى
ذهبت رؤى الى المشفى كى تطمئن ع حبيبها الذى بسببة لم تذوق طعم النوم ولا راحة البال ، اتجهت الى غرفتة ودخلت وجدتة شاردا . جلست ف المعقد بجوار السرير ولكنة لم يدرك وجودها فحركت يديها امام عينة فانتبة ونظر لها قائلا
اياد بابتسامة : انت جيتى امتى ؟
رؤى : لسة داخلة .. كنت سرحان ف اية ؟
اياد بتوتر : ها ولا ولا حااجةة
رؤى بحنان : فطرت ؟!
اياد : لاء
رؤى بعصبية خفيفة : لية يا اياد انت تعبان ومحتاج تاكل كويس .. فين انكل ادهم ؟!
اياد : ف الشركة .. ثم انا مش عيل صغير عشان تكلمينى كدة
رؤى بزعل : انا اسفة
اياد : تؤ خلاص يا رؤى مكنش اصدى
رؤى : لو عايزنى اسامحك يبقى تفطر
اياد بضحكة : ههههه موافق
ضحكت رؤى بفرحة فوجدت احدهم دخل ووقفوا امامة
جمال : اهو يا عم ايهاب بنفسة جاى يطمن عليك
تنهد بتعب ونظر لرؤى فقالت
رؤى : طيب انا هروح اجبلك فطار عقبال ما تتكلموا
وبالفعل رحلت رؤى من الغرفة
نظر ايهاب ارضا من شدة خجلة لما فعلة ف صديق عمرة وانة كان اكثر من صديقة بل كان اخوة
ايهاب وهو مازال ناظرا ارضا : انا اسف يا اياد مكنش اصدى مكنتش واعى لاى حاجة
اياد : ..........
جمال : اية يا اياد خلاص دة احنا حتى اخوات ومحدش يقدر يزعل من التانى ولا اية يا ايهاب ؟!
ايهاب : سامحنى يا بشير وانا اوعدك هحاول ابطل والله
اياد بابتسامة مشرقة : بجد يعنى خلاص مش هنشرب تانى ؟! وهنبقى رجالة يعتمد علينا !
ايهاب : اه طبعا .. وكمان لازم تخف وتخرج من هنا عشان تفرح انكل ادهم ومامتك بيك
اياد : اذا كان كدة يبقى لوز
ايهاب : صاف يلا لبن ؟
اياد : حليب يا قشطة
وركض علية ايهاب واحتضن صديقة بقوة
جمال بفرحة : ايوة كدة .. وانا مش هتحضن معاكوا ولا اية ؟
افتح زراعية بالكامل قائلا
اياد : تعالى ف حضن اخوك يا فواز
.....
ع الهاتف
ياسمين : يا واطية بقالك يومين مش بتسالى علية ؟!
رؤى : معلش يا سوو مشغولة اوى اليومين دول
ياسمين : مشغولة ف اية هاا ؟ يا سيادة الوزيرة
رؤى : انا ف المسشفى مع اياد
ياسمين بشقة : يالهوى مالة اياد ؟!
رؤى : خد سكينة ف جمبة وعمل عملية امبارح والحمدلله فاق بس مش عارفة انهاردة مالة
ياسمين : بصى انا هاجى اطمن علية وبالمرة اهى حجة عشان بابا يرضى يخرجنى .. قوليلى اسم المستشفى اية ؟
رؤى : مستشفى .........
ياسمين : تمام ساعة بالكتير اوى وهكون عندك
......
ف الجامعة وبالتحديد ف الكافتيريا
داليا : دة انا قولت انك مش هتيجى انهاردة
نرمين : لية عشان اياد يعنى ؟ لا اياد بقا كويس الحمدلله وبابا وادم ورؤى واقفين معاه اوى
داليا : ربنا يقومة بالسلامة
نرمين بتنهيدة : يااارب
كريم سحب كرسى وجلس معهم : ازيك يا نرمين واياد اخوكى عامل اية ؟
نرمين : الحمدلله بخير .. شكرا يا كريم ع اللى عملتة امبارح معايا بجد مش عارفة اشكرك ازاى
كريم : عيب عليكى تقولى الكلام دة يا نرمين احنا اخوات
نرمين : ربنا يخليك يا كيمو .. انا عارفة ان ادم ابن عمى زودها معاك اوى بس انا بعتذر بالنيابة عنة
كريم بابتسامة : بالعكس دة انا فرحان جدا انة عمل كدة واتاكدت انة هيخلى بالة منك يا قطقوطة
نرمين : قطقوطة هههههه ع فكرة دة ابن عمى
كريم : مممم وحبيبك .. ابن عمك وحبيبك
داليا بغيرة : طب مااروح اجيب شجرة واتنين ليمون
كريم باستهبال : ديلو .. ازيك يا ديلو معلش مخدتش بالى منك
داليا بسخرية : والله ممممم ومش شايفنى لية ان شاء الله فاكرنى شفافة ؟
نرمين بضحك : ههههههههههههه
كريم : مش حلوة ع فكرة
داليا : بس عجبانى
كريم : اشبعى بيها يا ستى .. انا مش عارف لية مطلعتيش زى اختك رؤى وااله بنوتة زى القمر ومحترمة وهادية ولطيفة خالص
داليا : انت بتعاكس اختى يلاا
نرمين : انت بتعاكس مرات اخويا ياض
كريم : يلا وياض ؟! هه قاعد جمب اتنين من المدبح
داليا : مش عاجبك طرينا من هنا
كريم بعند : لا مش عاجبنى ومش هطرينى من هنا عايزة تطرينا انت طرينا يلا
داليا بعناد اكتر : لا انا مش هطرينى من هنا عاجبك ولا مش عاجبك ؟!
ف نفس اللحظة رن هاتف نرمين فوجدت اسمة ع شاشة الهاتف قائلا
نرمين : ولا انت ولا هى انا اللى هيطرينى من هنا
وبعدت نرمين كى ترد ع الهاتف
كريم : احم
داليا : سقيل
كريم : رخمة
داليا : بارد
كريم : ربنا يسامحك
داليا : لا والله بعد كل دة وربنا يسامحك ف الاخر
كريم بطريقة طفولية : شوفتى انا مؤدب ازاى ومش هرد عليكى
لم تستطيع منع نفسها من الضحك ع منظرة الطفولى واخذت تضحك بصوت عالى
داليا : ههههههههه هههههههههه لا بجد هههههه مسخرة
فضحك كريم ع ضحكها قائلا
كريم : هههههه طب وطى صوتك عشان كدة عيب
داليا : قلاب
كريم برمانسية : وحشتينى ع فكرة ^^
..........
