نظرت له بصدمة وحجظت عيناها بشدة
كريم : اية يابت فى اية ؟
نظرت الى ساعتها لتتهرب منة
داليا بتوتر : وقت ال ال المحاضرة جة
وامسكت حقيبتها ورحلت ف ثوان
كريم : ههههههههه وعرفت نقطة ضعفك يا داليا .. دة انا هذلك ذل
......
ف منزل ياسمين
نادر : رايحة فين ؟!
ياسمين : ملكش دعوة
نادر : يعنى اية مليش دعوة ؟؟
ياسمين : يا بابا بابااااا
والدها : اية ياياسمين بتناديلى كدة لية ؟
ياسمين : اياد خطيب رؤى ف المستشفى ورؤى كلمتنى وعايزانى اروحلها اعمل الواجب ع الاقل
هى وقفت جمبى كتير
والدها : ومالة روحى يابنتى
نادر بزعيق : يعنى اية تروح يا عمى انا قولتلها مفيش مرواح
ياسمين : والله انت ملكش حكم علية وربنا يخليلى بابا هو اللى يقول اروح فين واجى منين .. ولا اية يا بابى
والدها : ايوة عندك حق انا لسة مموتش يا نادر عشان تعمل فيها كدة
نادر بخجل : العفو يا عمى ربنا يخليك لينا
والدها : اتفضل خدها ووديها المستشفى اللى بتقول عليها دى
ياسمين : لاء انا بعرف اروحها لوحدى
نادر : لا مااهو يا انا اوديكى لاما مفيش مرواح اصلا
والدها : خلية يابنتى يوصلك عشان ابقى مطمن عليكى
ياسمين : اووف ماشى
وبالفعل ذهب معها نادر وقام بتوصيلها ودخلوا المشفى وسالوا ع رقم غرفتة الا ان الممرضة دلتهم عليها وذهبوا ناحيتها
و فتحت ياسمين الباب ودخلت وجدت ايهاب جالسا وعندما راها وقف بابتسامة ولكن سرعان ما راى نادر
تلاشت الابتسامة من ع ثغرة ، اضطرت بانها تمثل انها لم تعرفة ودخلت وفاحصتهم جميعا ونادر ايضا
ياسمين بخوف : الف سلامة عليك يا اياد
اياد : متشكر يا ياسمين مش عارف اقولك اية بجد
ياسمين : متقولش حاجة انا جاية اعمل الواجب وبس
ايهاب : ومين سعادتة ؟!
ياسمين بتوتر : دة دة دة
نادر : انا خطيبها وابن عمها وقريب اوى هنعمل حفلة كتب كتاب انت اول المعزومين
جزت ع اسنانها بقوة قائلة
ياسمين : طيب انا هروح اشوف رؤى وانت خليك هنا يا نادر مش هتاخر
نادر : ماشى يا حبيبتى
ايهاب : طب عن اذنكوا 5 دقايق
وخرج خلفها
وخرجت ياسمين وهى تدعى الله ان يقف معها وتفاجات بايد تمسكها وتجذبها نحوة
ياسمين بصدمة : ايهاااب ؟!
ايهاب بعيون حمراء : الكلام اللى سمعتة فوق دى صح ؟
ياسمين : ......
ايهاب بزعيق : ردى يا ياسمين
ياسمين بعد ان بلعت ريقها : ايوة صح
ايهاب بصوت عال : وانا يا ياسمين وحبنا ؟
ياسمين : الحب مش كل حاجة
ايهاب : معقولة انت اللى بتقولى كدة ؟
ياسمين : ايوة .. تسمحلى اقولك ان ملامحك كلها متغيرة
ايهاب بسخرية : وياترى بقا للاحسن ولا للاوحش
ياسمين وهى تهز راسها نافية والدموع ف عيناها : للاسف .. للاوجع
ايهاب باستغراب : للاوجع ؟!
ياسمين : للاسف .. انا عندى انى اتجوز نادر غصب عنى وانا مبحبوش ولا انى اتجوزك انت يا ايهاب .. ع الاقل هو بيحبنى وهيعملى كل اللى انا عايزاه .. اما انت .. واحد تايهة مش عارف هو عايز اية بالظبط .. مدمن مخدرات .. وفاشل .. وسمعتك ع كل لسان .. مقدرش اامنلك يا ايهاب .. اخاف اصحى الصبح الاقى نفسى ف التربة مقتولة بايدك .. وكل دة عشان اية .. عشان معرفتش تادى رغبتك كويس
ايهاب بدموع وزعيق : انت شايفانى اية يا ياسمين .. شايفنى اية بالظبط .. صح انت عندك حق انا مش الراجل المثالى اللى يقدر يوصنك ويرعاكى .. انا مش الراجل اللى يتحب ويتخلف منة اولاد .. ايوة صح انت عندك حق ف كل كلمة قولتيها .. اذا كان انا كنت هقتل صاحبى عشان البودرة .. مش هقتلك انت ؟!
ياسمين بصدمة : اية ؟؟ انت اللى عملت كدة ف اياد
ايهاب بعد ان جفف دموعة : شوفتى ههههه حيوان بقا هتعملولى اية ؟؟ ع العموم انا بتمنالك السعادة يا ياسمين ... وبجد انت اكتر حاجة عدت علية ف كل السنين دى كلها .. ومش ندمان انى عرفتك ولا هيجى يوم وهندم .. وهفضل احبك واحبك اكتر من الاول .. بس كونى عارفة انى مش هستسلم ولا هسيبك تتجوزية قبل ماااعرف عنة كل حاجة .. لو كان فعلا انسان يستحقك .. ساعتها انا اللى هشهد ع جوزاكوا
وتركها وذهب ظلت واقفة مصدومة مما سمعت ثم بدات تبكى واتجهت نحو المقعد وجلست وهى تضع يديها ع وجهها وتبكى
-متعيطيش محدش يستاهل دموعك دى
سمعت الجملة نظرت امامها وجدت جمال واخرج من سترتة منديلا واعطاها اياة
ياسمين ومازالت تبكى : شكرا ياجمال
جمال بابتسامة : مفيش شكر بينا .. ومتزعليش من ايهاب انت عارفاه اكتر مننا وخصوصا الفترة اللى فااتت دى
ياسمين : مش زعلانة يا جمال .. بس خلاص انا وايهاب حكايتنا انتهت
جمال : وحتى لو حكايتكوا ماانتهتش .. مينفعش تتجوزى حد وانت مش بتحبية .. اوعى تغلطى الغلطة دى يا ياسمين .. لان الغلطة دى كبيرة اوى .. واللى بيغلطها .. بيدفع التمن غالى
وتركها ورحل من امامها
استغربت من نبرة صوتة وحديثة ثم اخذت تفكر ف كلامة
.......
مر اسبوع ع نفس الحال ولا يوجد شئ جديد الا ان اياد خرج من المشفى بسلامة ومعة اصدقائة ولم يحدث بينة وبين رؤى اى تغيرات او احداث جديدة الا ف اليوم هذا
رؤى : مين هشام دة وعايز منك اية ؟
اياد بضيق : ماانا قولتلك ابن عمى
رؤى : وعايز منك اية ؟
اياد : مش بتعجبة اى حاجة غير لما تكون بتاعتى وانا مالكها
رؤى : يعنى اية ؟
وقف اياد واتجة نحو النافذة بغضب وهو يقول
اياد : يعنى متفتحيش الموضوع دة تانى يا رؤى وخلصت ومتدخليش ف حاجة تخصنى بعد كدة
وقفت رؤى بحزن قائلة
رؤى بزعل : صح انا اسفة نسيت اننا مش مخطوبين بجد .. وحاولت ادخل ف اللى مليش فية
التفت اليها اياد قائلا : رؤى متزعليش منى انا مقصدش بس انا فعلا مش بحب اتكلم ف الموضوع دة
رؤى : ولا يهمك يا استاذ اياد
اياد : استاذ اية ياارؤى دة فرق بينا 4 سنين بس
رؤى : مممم ع العموم حمد الله ع السلامة
نظر لها اياد قائلا
اياد : اية الاسلوب دة ؟؟
رؤى : امال اتكلم ازاى ؟
اياد : يعنى مثلا انا بحب اشوف ضحكتك وانت بتتكلمى
خجلت رؤى كثيرا ونظرت ارضا وع ثغرها ابتسامة
فاق اياد لنفسة وقال
اياد : هستناكى يوم الخميس
رؤى بتساؤل : واشمعنا الخميس ؟
اياد : عشان هنروح حفلة وعايزك تنقى احسن فستان ف مصر كلة وتلبسية عشان يوم الخميس غير اى يوم تانى عدى ف حياتنا
......
مر اليوم ع هذا الحال حتى جاء اليوم التالى
وف اليوم التالى , وبالتحديد ف الجامعة
كانوا جالسين ف المحاضرة يتحدثون بصوت منخفض
داليا بهمس : شايفة الحيوان قاعد يهزر مع هايدى ازاى ؟؟
نرمين بهمس واستغراب : اية دة ومن امتى كريم بيتكلم ف محاضرات !!
داليا بغيظ : عشان تعرفى وتقدرينى وف الاخر تيجى وتقولى دة غلبان .. واكملت بعصبية خفيفة : دة غلبان دة !! دة عقربة
نرمين بضحك : ههههه وطى صوتك الدكتور هيسمع
داليا : استنى علية بس مش المحاضرة قربت تخلص ؟
نرمين : اه فاضلها 5 دقايق بالظبط
داليا : طيب تمام
وبعد مرور الوقت انتهت المحاضرة بسلام واتجهوا جميع الطلاب الى الخارج وايضا ذهبت داليا ونرمين الى الكافتيريا
نرمين بتنهيدة : يااه اخيرا المحاضرة خلصت .. محاضرة كانت زفت اوى النهاردة
داليا : اهو الدكتور دة بالذات مش بحب احضرلة محاضرات خاااالص
نفس اللحظة جاء كريم وجلس ع المقعد بجانبهم وهو يتحاشى النظر اليها
كريم : نرمين ! اياد عامل اية ناوو ؟
نرمين : لا الحمدلله احسن كتير
كريم : ياارب دايما
داليا : والاخت هايدى عاملة اية ؟! وصلتها ولا لسة ؟
كريم ببرود : ملكيش دعوة ??
داليا : احسن برضو
نرمين : انا مش ناقصة لعب العيال بتاعكوا دة انا رايحة التواليت وجاية تانى
ورحلت نرمين ومازالت داليا جالسة
كريم وهو يضع رجلا ع الاخرى : قومى ياابت هاتيلى عصير
كادت ان تقول شيئا ثم أتت لعقلها فكرة وجعلتها تقول : بس كدة حااااضر من عيونى
وذهبت داليا لتجلب له العصير
كريم باستغراب : اية البت دى معقولة وافقت كدة ع طول من غير طولة لسان ؟!
داليا : زيزو
زياد : اؤمرى يا ديلو
داليا : هاتلى كوباية عصير مانجة شوب كبير كدة ومتلج
زياد : طيارة
جهز كوب العصير واعطاها اياة
داليا : بقولك اية عندك شطة ؟
زياد : اكيد
داليا : هاتها بسرعة
اعطاها الشطة وقامت داليا بوضع الشطة ع كوب العصير ، نظر لها زياد باستغراب ولاحظت ذلك
داليا : اية بتبص كدة لية .. انا بحب اشرب العصير بالشطة
زياد : اه بالهنا والشفا بس خلى بالك الشطة دى حراقة اوى
داليا بتحدى : ماهو دة المطلوب
جاءت نرمين نفس اللحظة وسمعتها
نرمين : يا شيخة حرام عليكى الواد
داليا : لا مش حرام دة مفيش حاجة حرام فية
نرمين : طب وهتعملى اية يا مجنونة
داليا : ! watchen learn
دقائق صغيرة واتت داليا ومعاها كوب العصير
داليا بابتسامة : اتفضل يا كيمو بالهنا والشفا
كريم بشك : مش مطمنلك ع فكرة
داليا ببراءة : اخص عليك يا كريم وانا هعملك اية مثلا
كريم باستسلام : امرى لله
اخذ الكوب وشرب العصير كاملا ثم اخذ يسعل بقوة من شدة حرارة الشطة
داليا بسخرية : حصلك اية يا كيمو اجبلك ماية ؟
كريم : كح كح كح كح كح كح
نرمين : يخربيتك يا داليا الواد هيموت
داليا : ههههههههه احسن احسن عشان يحرم يكلم هايدى تانى
وقامت داليا واجذبت نرمين من يديها وذهبت
......
ف منزل ياسمين
ياسمين بتوتر وهى تفرك : بابا انا ...
محمد : مممممم عايزة حاجة ؟
ياسمين بخوف : بصراحة اه
محمد : ما تقولى عايزة اية ؟؟
ياسمين : بابا انا مش عايزة اتجوز نادر
محمد : اه ابتدينا
ياسمين : اسمعنى بس يا بابا انا مش بحب نادر و...
محمد مقاطعا : كل دة عشان الواد الصايع بتاعك دة
ياسمين : والله يا بابا لو عرفت ايهاب كويس هتحبة اوى
محمد : مش عايز اعرفة ولا احبة .. انا عايز اعرف لية مش عاوزة تتجوزى نادر .. مع انة راجل يقدر يفتح بيت ويمسك مسؤلية
ياسمين بدموع : عشان انا مبحبش نادر .. عشان انا عمرى ما بصتلة غير ع انة اخويا .. عشان انا بحب ايهاب
محمد بغضب : اياك اسمع الكلمة دى تتقال تانى
ياسمين بدموع اكتر : عشان خاطرى يابابا .. قابلة واقعد معاه واتفقوا وهتحبة اوى والله
محمد : انا عايز افهم الواد دة عاملك اية عشان تتمسكى بية كدة
ياسمين : عشان بحبة
محمد : لاء اكيد ف حاجة تانية انت مخبياها علية وانا اكيد هعرفها
ياسمين : هو حبى لي مش سبب كافى يخلينى متمسكة بية كدة ؟؟
محمد : ياسمين متخوددنيش ف دوكة .. عايزانى اقابلة واتكلم معاه فانا موافق .. بس كونى فاهمة لو عرفت عنة حاجة كدة ولا كدة انا هرفضة
ياسمين بفرحة : لا مقتلقش هتحبة اوى ومش هتلاقى علية حاجة باذن الله
محمد : طيب روحى اتفقى معاه ع الخميس الجاى الساعة 8
ياسمين : بجد يا بابا
محمد : روحى ولا هرجع ف كلامى
.......
ومر هذا اليوم ايضا دون احداث حتى جاء اليوم التالى
ف الجامعة
تقف نرمين ف احدى جوانب المكان وهى تتحدث بالهاتف المحمول لديها
نرمين : الوو
ادم : وحشتينى اوى اوى
نرمين بابتسامة : وانت كمان
ادم : عندك كام محاضرة انهاردة
نرمين : اتنين وحضرت واحدة
ادم : طب بقولك اية ؟؟ تحبى نخرج سوا انهاردة ؟
نرمين بفرحة : بجد يا ادم
ادم بحب : بجد يا عيون ادم
نرمين : طب وبابا ؟!
ادم : واية المشكلة هقولة
نرمين : خلاص ماشى ربع ساعة بالظبط وهتلاقينى قدام باب مكتبك
ادم : ربع ساعة ؟! يابنتى الجامعة قريبة من الشركة هما 10 دقايق بس
نرمين : حاااضر سلام دلوقتى بقا
ادم : سلام يا حبيبتى
اغلقت المكالمة معها وذهبت باتجة المقعد وجلست امام صديقتها
نرمين : معلش يا ديلو اتاخرت عليكى
داليا : ........
نرمين : داليا ؟؟!
داليا : ..........
نرمين : دااللللللللللللليااااااااا
داليا بخضة : اية يا نرمين انت عبيطة ولا اية ؟
نرمين بخبث : اللى واخد عقلك ؟
داليا بتوتر : محدش
نظرت نرمين الى الخلف وجدت كريم جالسا مع هايدى وهم يمزحون وااعادت نظرها لدليا مرة اخرى
نرمين بتفهم : مممممممم كريم ؟!
داليا بحزن : انا مش عايزة اجى هنا تانى
نرمين : لية يا حبيبتى كدة
داليا : انا مخنوقة جدا وعايزة اخرج واشم نفسى وابقى لوحدى
نرمين : كل دة عشان كريم وهايدى ؟!
داليا : كرريم ؟ دة ربنا ياخدة بجد انا هطق منة
نرمين بخبث : لية كدة بس يا ديلو .. دة حتى قمر اوى خسارة الموز دة يموت
داليا بغيرة : ماتحترمى نفسك يا نرمين !!
نرمين بضحك : ههههههههه والله كنت عارفة
كريم : ههههههه ضحكونى معاكوا
نرمين : كيموو كنا لسة جايبين ف سيرتك
نظرت لها داليا بغضب
كريم : والله طب كنتو بتقولوا علية اية ؟
نرمين موجها كلامها لداليا : اقولة ؟!
داليا : بس يا ماما بس
كريم : ف اية ؟ انا مش فاهم حاجة ؟!
داليا : اسكت انت كمان
كريم : الله هو انا عملتلك حاجة يا ولية انت
نرمين : سيبك منها وركز معايا
كريم : اييييية ؟
نرمين : الانسة مخنوقة وعايزة تخرج
كريم : معقولة مخنوقة وانا موجود ؟!
داليا : مقولتش عايزة اخرج انا قولت عايزة اسافر واقعد ف مكان لوحدى
كريم باهتمام وحب : مالك يا داليا ؟!
داليا باسى : ملكش فية ؟
كريم بحزن : براحتك .. انا اصلا كنت جاى اقولكوا ع الرحلة اللى عملاها الجامعة
نرمين بفرحة : بجد !! فين وامتى ؟
كريم : رحلة لشرم لمدة اسبوع .. يوم السبت
نرمين : طب والله كويس .. اهو اعرف احضر الحفلة ومنها اروح الرحلة
داليا : حفلة اية ؟
نرمين : حفلة عائلية كدة اكيد رؤى عارفة وانت اكيد هتيجى
داليا : ان شاء الله
كريم : وانا مش معزوم يعنى
نرمين : لا طبعا معزوم واول المعزومين
كريم : ربنا يخليكى ليا .. قوليلى صح اياد عامل اية ؟
نرمين : بخير الحمدلله .. يلا يا ديلو انا همشى ناو بقا
داليا : لسة ف محاضرة تانية !
نرمين : لا ماانا مش هحضر انهاردة .. ادم هيخرجنى
داليا : ماشى يا قلبى enjoy
.....
