الزعيم الفتاة

3

كان جمال القمر قدام وقفتها الساحرية ولا اشي...
كانت هي اجمل...ضو القمر منعكس عليها ومنعكس على النافورة..
كانت منظر خيالي لا يوصف...اتشجعت ومشيت اتجاهها
عادي اتطفل؟
-طبعا..عادي انا أدخن ولا بتدايقي؟
*أتضايق. .لا طبعا..انا كمان بدخن
طلعت علبة الدخان وشغلت وحدة..
بس هي كانت بتطلع الدخان بطريقة استفزتني. .حركتني كلي. .ما قدرت اتحمل منظرها..
قلتلها بتعرفي اشي..؟
*نعم..
-طريقة تدخينك مستفزة..
ضحكت بسخرية بس قالت ببرود طريقتي مدايقتك..طيب شو اعمل انا؟
حسيت بالإهانة..شكلها ما بتعرف مين انا؟
ضحكت على كلامها وسألت شكله خالك خليل ما حكالك عني؟
-لا للأسف..ما حصلي الشرف أعرفك غير انك صاحبة العيد هاد...ويعرف انك ال Boss تبعهم..والزعيم..والleader
*كل شي...
-لحظة لحظة..بديت أحس انك اتدايقتي من تصرفي معك!
حكيت رأسي بحيرة..بكره اللي بستفزني واللي بعاملني بهاي الطريقة بس اكتفيت بالصمت وكملت تدخين
.وهي كملت معي..لطشت مني وحدة مع أنه معها..بس استفزتني هاي الحركة...
بكره اللي بيتعدا على مكانتي. .هي بكل سهولة لغت مصطلح الزعيم الملزوق فيني...
بس هاد الاستفزاز ما خلاني أكرهها..بالعكس صرت مصممة اني اوقعها فيني..قبل ما انا اوقع..لقيت فيها الشئ اللي بخليني أكون انا...او هيك حسيت..
الساعة 12 بالضبط بالمناسبة..كان كمان عيد ميلادي..
*جد؟ طب ليش ما حكيتي. .كنا عملنا عيدين بعيد واحد
-ما اظن..بعدين عيب..عيدك هاد...
*كل عام وانتي بخير يا زين
-وانتي بخير.. حكتها وفاتت لجوا. .وقتها اجا سامي معصب ومتوتر
خير شوفي؟ معصب..
-ما في شي...
*سامي أخلص..
-بتعرفي هاد الشعور اللي يجي وقت تكوني مخططة لشي وفجأة يصير عكسه؟
*انت حاسه هلأ...احكيلي شو صاير سامي...
بدون ما يحكي اي شي مسك آيدي وسحبني على غرفة جانبية خلف الفيلا بالساحة..
*المفترض انك هون من ساعة..
-طيب ليش معصب...مش بدي افهم أيش في بالأول ؟
*غباااء...خليكي هون..
طلع من الغرفة ورجع بعد دقيقة ومعه وحدة..طويلة جميلة..بل فاتنة..
كانت مبتسمة وخجولة. .سرحت فيها هي نفسها تبعت محل الملابس بالمول
أظنك بتتذكريها بس ما بتعرفي اسمها..هاي دانية..
*مرحبا زين..
-أهلا دانية..
دفعني سامي باتجاهها وقال يلا اشوف اتعرفوا على بعض..
*بس سامي جحرني وطلع..ضليت  لحالي مع دانية..
كان في تخت صغير شوي وجنبه مكتبة صغيرة عليها كم كتاب
كانت دانية قاعدة على طرف المكتب وانا على التخت..
*طيب؟ سألت بتوتر
قالت ما بعرف..المفروض نتعرف على بعض..
-ممتاز...انا ...
*بصراحة...سامي قالي ع كل شي عنك...انتي ما بتعرفي آنتي شو بالنسبة إلي..
ضحكت بسخرية استني شوي...اكيد هي لعبة من العاب سامي الوسخ؟
*لاء..والله يا سارة اني معجبة فيكي من زمان..من أول مرة جيتي فيها لعندي عالمحل. ..
-مين انتي؟
*بنت عم سامي...وعدني أنه يزبطلي وضعي معك...سارة...
قربت دانية مني ومسكت أيدي..زاد التوتر بينا...شدت اكتر على أيدي..وبعدين قعدت جنبي ورفعت رأسي ولفته باتجاهها..وأنا عم بيرجف جسمي وهي وجهها صار احمر..
بدي أتأكد من مشاعري نحوك..
قربت اكتر..لحد ما صار بين وجهي ووجهها مقدار شعره...طبعت بوسة طويلة وبعدت. ..سرحت بعيونها. .بحر عميق...لون السما..
جنة...مسكت ايدها بقوة وقربت  منها بدون ما أفكر..
....
الساعة سبعة الصبح..صحيت على صوت رنة تلفوني..
Oh sh..
اتطلعت جنبي لقيت دانية جسمها بدون تياب...
الشمس اشعتها سارحة عليها بشكل رائع..ما قاومت النظر لملامحهها الممزوجة بالشمس..
تحسست كتفها لحد ما حست علي..
صباحه بيبي..
صباحه دانية...اسمعي انا لازم ارجع عالبيت...بابا رن علي عشر مرات..
رفعت رأسها ورفعت الغطا شوي عنها وصار وجهها احمر مش مصدقة
*ولا انا...هي أول مرة الي بنام فيها بعد هيك اشي..
-وانا..
واريت جسمي وحملت تيابي ولبستهم بشكل مستعجل...بوست جبينها وطلعت..تركتها لحالها تكمل اي شي هي بدياه. .رجعت عالبيت الساعة سبعة ونص..لسة مش صاحيين..دخلت غرفتي بكل هدوء لاتفاجى كل الهدايا على الأرض مرتبة..
بعد بساعة سمعت صوت كحة بابا..طلعت عملتله قهوة وعملت الي.
اهلين يا بنتي..
-بابا انا  كتير اسفة اني ما جيت البيت ....بس غفيت وما حسيت بالوقت..
*معلش يا بنتي..اصلا لازم نحكي شوي...
-تفضل.. ناولته فنجان القهوة وقعدت..
شرب شوي من القهوة بعدين قال عرفنا انك بتدخني. .بس من متى..وبصدق
-من سنتين...
*مع سامي طبعا.؟
-نعم. .
*حبيبتي..بتعرفي أنه مضر..ومع هيك مش رح ابهدلك لأنه انا وأمك بندخن. .عكل حال...يلا معلش..بس حاولي تخففي.
-حاضر...
رن تلفوني بهاي اللحظة وكان ديفيد.
اه صحيح..الكل مبارح سأل عنك..وين اختفيتي فجأة..وبالمناسبة صحابك طلبوكي اليوم لتقضي معهم اليوم..
-تسمحلي صح!!
*طبعا..بس بترجعي بتنامي هون..
-حاضر..
بدلت تيابي وطلعت لبيت ديفيد
ديفيد  ناديت عليه ..قالتلي الخادمة مستر ديفيد في ملعب التنس..
طلعت من باب المطبخ للملعب الخلفي..كان ديفيد وسامي ودانية  وشهاب وخليل بيلعبوا تنس
أول مرة بشوف خمس أشخاص على التنس
سمعت صوت شهد جاي من باب المطبخ بصراحة مسخرة.
*ما شوفتك. .
سلمت علي وقالت عادي..كنت اصلا مش مبينة..
بهاي اللحظة قربت دانية وباست خدي.
أهلا حكت بخجل
ابتسمت لها كيفك..
ما توقعت أشوفك بعد بتلات ساعات من الصبح..
-عشرة هلأ الساعة...ما بقدر ما أجي اخرب عليهم يومهم للغجر هدول..
-شكلكم كتير قراب؟
*اكتر مما تتصوري يا دانية..
خلصوا من اللعب وقعدوا على الأرض ف قعدت معهم..
*قررنا اليوم نروح عالعقبة. .
فتحت تمي من الصدمة
سامي بتمزح!
*لا والله ما يمزح..انتي اكتر حدا بتعرفي اني جدي. .دايمة بالمناسبة..حكيت عمي مشان تروحي معنا...ووافق..
سألت  شهد مين رايح؟
شهاب وخليل وانا وديفيد وانتي ودانية وسارة..وأظن علي وشو اسمه..اللي صارت مرته راما...
*راما جاي؟
-طبعا مهي من الشلة والله وبعدين مرت علي..يعني عيب هو يروح وهي لاء..
*وبما انو بنت أختي زين عندي هالفترة ف رح تروح معي...ما خرج تضل لحالها بالبيت طول هالمدة. .
تبدلت ملامح كل من شهاب وديفيد وسامي..بس ما عجبني وضعهم ف تبدلت ملامحي انا كمان وسألت أيش في انتوا التلاتة؟
تبدلت ملامح الانزعاج لملامح خوف من عصبيتي بسرعة
ولا شي..عادي جاوبني ديفيد وهو عن يحاول يواري ملامحه شوي..
جلسوا منك ليه..
ضحكت شهد عليهم وقالت الزعيم عصب
*مصيبة همس خليل..
بهاي اللحظة اجا علي وراما ماسكين ايدين بعض..سلموا علي أول شي بعدين عالباقي.
قعدت جنبي راما كيفك boss؟
*بخير وانتي
-الحمدلله..بصير احكي شوي معك ..
*يلا تمام..
قمت انا وراما واتمشينا
خير شو في!
ارتعش صوتها وقالت ما صرلي شهر متزوجة علي...بس السبب....هو
*بعرف..انتي حامل  من قبل...
-كيف..كيف عرفتي!
*راما حبيبتي..مالك..انا الboss ما بيخفا علي شي...طيب؟
-لما قلتله عملي مشكلة...وبصراحة..هددته فيكي ف تراجع..بس مصمم أنه ما يعترف بالولد..
*جد!!
......
الساعة وحدة..خلصنا شرب قهوة ولعب ولاد صغار..تعبنا وارتمينا كلنا عالارض متل ولاد صغار...
بس هدينا بدلت ملامح وجهي للجد والعصبية وناديت علي عالمطبخ. .
قالتله دانية طلبتك الحكومة..
جسمه كان عم يتصبب عرق..وجهه احمر وبالارض.
تفضلي..صوته بصعوبة طلع .
-شو عامل يا غجري!
*والله غلطة...
صرخت بوجهه كذاب...حتى لو كانت غلطة..بدك  تصير واحد كلب اذا ما بتعترف فيه..فهمت!
هربت دمعة من عينه وكملت اقسم بالله..وأنت بتعرف لما بقسم بنفذ. ..أقسم بالله يا علي..بخليك تدور عراسك ...جلس يا ولد..جلس وعدلي تصرفاتك معها...بدل م تعصب عليها ورجيها اهتمامك فيها وبالجنين..فاهم!
دموعه شلال عالصامت. .خليته يحس بالندم..أي والله لو حطوني رئيسة مافيا لكنت خليتها أقوى وارعب مافيا..
قعد علي عالارض وصار يبكي متل الصغار..قعدت قدامه
ليش البكا هلأ!؟
-لأني بحبها
ورمى رأسه بين أيدي..ضميت رأسه لحد ما هدي..بعد ما حس بالهدوء قام ف قمت معه
بتصالحها. .هي راما مش اي حدا تاني
*حاضر..
-بكرا رح نطلع عالعقبة..هلأ روح خدها ع شي مكان..
هز برأسه وطلعلها. .رفعها عن الأرض وشدها للسيارة وراحوا..بعد بساعة وصلتني رسالة من راما شكرا.
ابتسمت للرسالة وكملت حديثي مع دانية..