الزعيم الفتاة

قضية اخرى

وصلنا لحد المخبأ..فتنا على العمارة ومنها للطابق الأخير..كان طابق سطحي يعني roof..كلهم تفاجئوا بشوفتي. .كلهم ارتعشوا وخافوا. .وكلهم قعدوا على الكنب وهم متوترين و خايفين..تصببت أجسامهم عرق خوفا مني اني جيت اقتلهم. .بس قالتلهم ابتسام بتلعثم اجت ت تطمن علينا...
*يعني زعيم..مش رح تقتلينا؟  سألتني نوارة
-لاء..ما جيت ت اقتلكم. مع اني حلفت اني أتخلص منكم واحد واحد لانقلابكم ضدي...المرحوم علي حكالي أنه معظمكم انسحب..بس ليش ما رجعتولي؟ خوفا من سامي وماركوس؟
*احنا تعذبنا يا زعيم..عملوا فينا عمايل وهددونا. .ومع هيك اللي ضلوا من المنسحبين التموا مع بعض..اللي هم احنا واتخبينا هون..حاولنا نوصلك بس ما قدرنا...والله كنا بدنا نرجع..بس كانوا أقوى منا..وقت انسحبنا كنا عشرين شخص..وخمسة منهم ماتوا..قتلوهم. .ضلينا  احنا.والبقية معهم.أبصر اذا في حدا مات منهم بهجمات ضدكم..بس اكيد . رد علي قصي
*طيب...هيني ارجعت ..بس ضل أتأكد من ولائكم الي..بدي دليل قاطع على أنه هي مش لعبة وخدعة ضدي..عملها الوسخ عشان تتخلصوا مني
-لاء يا زعيم..لو هاي لعبة وكذبة ما كنت عايشة. .ولا كنت واقفة بينا هلأ.. رد مساري
*افهم من هيك أنه لو خدعة كنتوا قتلتوني وانا بينكم؟ ممتاز..معناته هيك بالنسبة الكم دليل قاطع على أنكم بعدكم الي...ع كل حال..رح نلتم من أول وجديد..وبوعدكن..وانتوا بتعرفوا كلمتي ووعودي. .رح اخلصكم منهم واحد واحد.
............
رجعت لحالي ع بيت عز وقعدت بدون ما أحكي اي كلمة..نص الأفكار اللي براسي كانت عنهم..وأنهم مبين عليهم أنهم جد الي..ولائهم بعده الي..يعني الوفاء ما اختفى..منت سرحانة مش سامعة اي شي...بفكر بس مش عارفة بشو بالضبط..ب زين ولا بال15 .
هزني رأفت بهدوء زعيم..شو صاير معك؟
*قصة..قصة رح تجلطني. .مش عارفة أجمع افكاري يا رأفت..
-انا نفذت اللي طلبتيه مني بس ضل موبايلك..شفرت شبكتنا..
*ممتاز..بدي أروح معك مشوار..
-انا؟
*نعم أنت..مهمة تانية الك..هي نفي المهمة..التشفير بس لأشخاص...
ما فهم كلامي بس هز  برأسه وحكا حاضر.
بعد ساعة أخدت رأفت معي لمخبأ الجماعة.
فتحولي الباب بحذر...اتفاجأ رأفت وعصب عليهم وكان على وشك يضربهم ويقتلهم. .طلع مسدسه بس انا ضربته ع رأسه ف رماه عالارض
ما جبتك لهون ت تخلص عليهم..انا ما عملت هيك...اهدا. . صرخت فيه.
كانوا الصبايا عم يبكوا من الخوف وبترجوني اني احميهم من رأفت..كانوا أضعف من قبل..
ارتمى رأفت على ركبه وقال بانكسار بس يا زعيم..هدول انقلبوا ضدك..خانوك. .ولائهم مش الك ليش عم تحميهم من القتل؟
-حتى لو ولائهم مش الي..بس هدول احتموا فيني..بدياك تقوم بمهمتك حالا..وقف ع حيلك وشفرلي أجهزتهم..وخود هي تلفوني معهم..كلكم عطوه تلفوناتكم..
كلهم ناولوه اجهزتهم ت يشفرهم ويعمللهم حماية من التنصت والمراقبة..
كانوا قاعدين بصمت حتى مع بعضهم ما بيحكوا..تأملتهم واحد واحد ووحدة وحدة..وتذكرت كل شي من لما كنت بعمر 16..كيف تعرفت عليهم كلهم وكيف صرنا مش بس جماعة..كيف صرنا أصدقاء رغم انهم تحت امرتي...
حكت منار ما توقعنا ترحمينا هيك..
*عادي..توقعوا أي شي..بس بدياكم تعرفوا شي واحد يا منار..طالما ولائكم الي انتوا تحت حمايتي. .وولاحدا رح يسترجي بلمس شعرة وحدة منكم..
وقتها رن تلفوني  مرحبا زعيم
*أهلا بلال ..خير؟
-سيف وفارس ومازن وحمد صاروا عنا..
*ممتاز..رح اجيكم بس يخلص رأفت مهمته
-تمام..
وسكرت الخط..
سألني فؤاد شو رح نعمل هلأ زعيمنا؟
*ولا شي...رح تضلكم هون..ع بين ما أوفر مقر أمن..المكم فيه..وبنبلش شغل وقتها.
-يعني رح ياخد وقت طويل ؟ سألت مريم
*حتى لو اخد سنين..عالاقل رح نرتاح بعديها..رح اسوي المقر..اجمعكم فيه..نرجع نقوى ت نتخلص منهم..اتفقنا؟
بصوت واحد مفهوم..
خلص رأفت مهمته ورجعنا سوا ع بيت عز
*زعيم..كان لازم خليتيني اقتلهم...
-رأفت..بكفي.
*بس يا زعيم..هدول كانوا ضدك
-كانوا..رأفت سكرلي عن الموضوع لأني مش عارفة أفكر بأي شي...اختصر شوي
*طيب ماشي..سكتنا  حط ايده ع تمه وسكت..وصلنا ع بيت عز..
كان مازن وسيف وحمد وفارس موجودين.
سلمت عليهم وقعدنا كلنا مع بعض
بدي احكيلكم اشي..رح تنصدموا. .رأفت بس اللي شاف..
*خير زعيم؟ سأل فارس
-في من الجماعة 15 شخص ولائهم لسة الي..
علق  رأفت مش اكيد..
رميته بنظرة غضب ف دارى غلطه..كملت
مجموعين مع بعض بمكان بعيد عن هون وعن مقر سامي...بدي نوفر مقر النا..كبير واسع..ت أجمع فيه الكل..ويبقالنا مقر للمستقبل.
*15شخص؟ سألت رانية بعدين سأل عز طب والباقي؟
-حكولي في خمسة غيرهم بس ماتوا.والباقي معهم ..يعني عشرين انسحبوا وعشرين ما زالوا ضدي.طبعا ما ننسى اللي مات منهم بالهجمات متل شهاب وزينة وشهد وعصام وديفيد ...اكتشفت أنهم الخمسة البقية..
*معناتا ضل من الجماعة بس عشرين.. حكت رانية
-هيك شي...أبصر اذا في كمان..
#والعمل؟
-حكيت..بدنا نشتري مكان واسع كبير..ونزبط اوضاعنا. .نجمع اللي ولائهم الي ونخلص على سامي وماركوس...
*طب احنا بضاعتنا راحت علق بلال
رد عليه فارس ما اظن..عندي تاجر بيقدر يبيع بضاعة محرزة. .ت نتاجر فيها
*مش رح تزبط. .اسمي بطل إله قيمة زي قبل بالسوق يا فارس...كل شي بمتلكه أخده سامي مني..
-لاء مش صحيح...أنطونيو كان يحكيلي أنهم بدهم منك...بس لما اختفيتي صار الكل يسأل عنك..سمعتك لسة زي ما هي. قال مازن
*طيب تمام..والاسلحة..اكيد بالهجوم الأخير كل اسلحتنا اللي نقلناها ع بيت عبدالرحمن انسحبت منا!
-سمعت أنه في شحنة أسلحة جديدة رح تدخل البلد بنهاية الأسبوع..فينا نخليها النا..بجمعلك رجالي وبنعمل هجوم عليها...
*لاء..وضعنا يا فارس صار صعب..
-ليش  ما نعمل زي ما حكا فارس..نجرب حظنا زعيم..مش أول مرة بنهجم ت ناخد شحنة الأسلحة!
*ما بعرف...انا هلأ مش ع بعضي..قرروا انتوا
الكل تطلع فيني بذهول. .
سارة أيش في؟ سألني عز
حكيتله بانكسار وحزن افتقدلها
.......
بنهاية الأسبوع نفذنا خطة فارس..هجمنا على حرس الحدود الموجودين لحماية دخول الأسلحة. .قتلناهم كلهم بدون ما نخسر حدا منا..مهو عمري ماخسرت معركة زي هيك..
هربنا الشحنة وارجعنا فيها بالسيارات اللي حملناها فيها...
وبنفس اليوم آمنا مكان واسع وتحته مستودع ضخم..حطينا فيه الشحنة وارجعنا ع بيت عز.
كل شي صار جاهز زعيم حكا فارس
بس قبل..تواصل مع أنطونيو. .خليه يأمنلي بضاعة..واله سعرها بالكامل..
*حاضر..أي شي تاني؟
-لاء..بس هي مهمتك
اتطلعت ب سيف ووجهت كلامي إله ولمازن روحوا على هاد العنوان..جيبوا ال15 وانقلوهم على المقر  الجديد. ..
التفتت على عز ورانية و عبدالرحمن وسألتهم
عملتوا اللي قلتلكم عليه؟
*ما قدرنا نوصل للعنوان زعيم. حكت رانية
-ليش؟
*رجال ماركوس كانوا هناك..
-ليش بس..يا ربي..طيب تمام..عز زبطت اللي قلتلك عليه؟
#اي نعم..جاهزين..
-اجمعهم وتعالوا معي..رانية خليكي هون...عبدالرحمن تعا معنا...رأفت بلال حمد..روحوا مع مازن وسيف...