الزعيم الفتاة

عز

بعد عزلة دامت اكتر من أربع أسابيع والعيش بملل..قررت ارجع اكتب..معي لابتوبي وآلة الكتابة...
كتبت عالورق باختصار شو بدي اكتب..وهالاختصار اخد حوالي الدفتر كله...دفتر ب 100 ورقة خلص بربع ساعة..ربع ساعة كتابة اختصار لاشي بدي أكتبه..
قعدت قدام اللابتوب وعلى يمينه آلة الكتابة الدفتر على اليسار...
بس لما جيت بدي أطبع ع برنامج مايكرسوفت الاشي إلي من المفترض أنه ينكتب ما عرفت...رغم أنه مكتوب عالدفتر. .بس ما قدرت...أيدي برتعشوا..جسمي صار ساخن..وبكيت...بكيت بحرقة ومرارة...يا الله شو كرهت حالة الضعف...حالة البكا..رثيت حالي كتير كأني شخص بعرفه ومات..
كل شي بخصني خسرته. ..
تجمدت قدام ضعفي...بكيت وبكيت لحد ما غفلت..راسي على لوحة المفاتيح..وإحدى الخادمات جابتلي القهوة اللي طلبتها للتو..بس لما فاتت ولقتني نايمة تركتها وطلعت...
صحيت واتطلعت عالساعة..خمسة العصر..
طلعت تمشيت برا القصر بساحته. .بأيدي كاسة القهوة..وبالتانية سيجارة..عم بسمع اغاني..هاد هو روتيني ..شغلة اتعودت عليها وبحس يومي ناقص بدون الأشياء العادية..قهوة وموسيقى وسيجارة. .
سيارتي اللي عشقتها في يوم صرلها فترة طويلة مركونة ع جنب. ..سرحت فيها ولمعت عيوني بدمعة غرغرت بعيوني بس تماسكت حالي وابتسمت بضعف..ليش كل شي بضعف؟
مرضت..مرضت نفسيا وجسديا...خف اكلي لحد ما صار جسمي هزيل وضعيف..وأي نزلة برد مثلا بمرض وكأني مريضة سرطان...
مناعة جسمي صارت صفر..طاقتي اختفت..حتى صوتي صار واهن. .
ما عاد إلي القدرة على أي شي...
شافني الحارس ..نصحني نصيحة خلتني أفكر بوضعي. .طلعني من عزلتي...بعد ما كنت بس بشوف الخادمات وهو..رجعت أشوف الزحمة...
رجعت ركبت سيارتي ورحت لعمان. .لفيتها منطقة منطقة...وكل مكان بتطلع عليه بشوف ذكرياتي فيه وببكي. .ما استرجيت أنزل من السيارة غير ت اجيب قهوة...
بمنطقة عبدون..بمقابل ستاربكس..لمحتهم..أربعين شخص ...راكبين حوالي 12 سيارة..وكل سيارة أكبر من التانية...
أربعين شخص نسيت ملامح وجوههم بعزلتي. .
نسيت نفسي ..كنت عم بسوق وخبطت بالسيارة اللي قدامي...الخبطة وعتني. اكتشفت انو ما في أربعين شخص..كان وهم..طلع الرجال معصب
ما بتشوفي؟
بس لما شاف وجهي الهزيل وجسمي النحيل واللي بلش يرتعش أول ما طلع من السيارة..مسكني وانا على وشك اني أوقع..دروخت ما عرفت مالي.
انتي بخير انسة؟
*انا..اسفة..بس سرحت شوي..فيني اعوضك. .
-لاء عادي..عليها تأمين..
*فيني اعوضك والله.
سرح فيني الرجال وابتسم ابتسامة سريعة وقال لا خلص أنسي..باين عليك انك فرطانة تعب..عشان هيك سماح...
مسكت ايده لأني بلشت أحس الدنيا بتلف ...سألني انتي بخير؟
*لاء..
وارتميت بدون ما أحس عالارض. .فقدت الوعي..
صحيت بعد وقت..اصلا بطلت اسأل اديش الساعة ولا شو التاريخ...
فتحت عيوني ولقيت حالي بالمستشفى..
كان جنبي الدكتور هالمرة والرجال اللي جابني لهون
سارة يا سارة.
*دكتور كرم!!
-مالك على فقدان الوعي...بدنياكي تشدي حيلك اكتر من هيك..شوفي جسمك كيف صار...هيكل عظمي تحولتي..أول ما جابوك ما عرفتك...وجهك داخل لجوا. .جسمك نحيل و شعرك بتساقط. ..بدنا نتماسك اكتر..
غطيت عيوني وبكيت
بكره حالي وانا ضعيفة.
*طبعا..بتذكرك ايام العز والجاه...رغم صغر سنك..
-المشكلة اني ما بعرف شو الخطأ...
*بالنسبة الهم كل شي عملتيه خطأ...حتى تضحياتك. بالمناسبة سيد عز..هاي سارة...سارة اللي بنحسبلها مليون حساب قبل م نكون معها..ولمجرد نحكي بسيرتها بنرتعب. .
ضحك عز مع ضحكة الدكتور بس انا انفجرت بالبكا..
كرم...صرلي فترة طويلة منعزلة عن العالم..
*بعرف...سمعتي آخر خبر..؟
-شو؟
*عينوا سامي على الجماعة..
حكا عز  واضح أنهم مخططين لهالشي من زمان.
*طيب يعني ليش..والله سارة كانت ماسكة الجماعة صح...
قلت طمع...شهوة..عهر..
*أهدي.عشان صحتك مو منيح..
-حاضر.
عز...ما تذكرت وجهه غير لما قال أنه قابلنا قبل كم سنة...عز شرطي..او هيك كان..كان واحد من الأربعين شخص قبل ما يتم تبديله بشخص آخر..او قبل ما ينسحب هو بمعنى آخر..
عز كان الشرطي الوحيد بالجماعة..كان يشوف كل شي غلط بنعمله. .كان حامينا. .كان ساكت علينا بس ما استحمل..أنه يخون شرف العدالة..ف انسحب بدون ما يعمل اي مشاكل...
عشان هيك لما شافني وقت خبطت سيارتي بسيارته ما عمل مشكلة...
عز..
*أمرك زعيم..
منعت حالي عن البكا مرة تانية
-بطلنا زعيم..صرنا سارة حاف. .شكرا الك.
*ولو...انتي بالنسبة إلي رح تضلك زعيم..وأنا ولائي الك مش لسامي...بس انا مصدوم..ومش مصدق..كيف بيعمل هيك بصديقة طفولته؟
-متلي متلك..
صار موعد اني أطلع من المستشفى بعد ما أصر كرم اني أضل لحد ما اتحسن. ..ساق عز بسيارتي.ووصلنا ع بيت أهلي
لاء يا عز..هاد مش بيتي
-شو ارتحلتوا يعني؟
*لاء...حكاية طويلة..خدني على طريق المطار..
-حاضر...
اخدني ع قصري محل ما دليته على العنوان.
سرح بالقصر وحكا عزلتك بقصر..ممتاز
*كان بدي مكان يناسبني
-رغم ضعفك؟
شديت ع سناني وانا حاسة بالحقد والكره..
*رغم ضعفي حكيت باستسلام وارتسمت ابتسامة سخرية على وجهي..
مسك عز أيدي وشد عليها كل الأمور رح تتحسن..بوعدك زعيم
-دائما وعودك كانت تتنفذ عز..
*تربايتك زعيم.. ضحكنا سوا ودخلنا القصر. ..
وااو.
ضحكت وحكيت تعا شوف الطابق فوق...8 غرف واسعات. .ومطبخ كبير..وغرفة جانبية سرية
*بلشت أشعر بالغيرة
ضحكت رغما عني..لأني مضطرة أضحك..عز كان يسليني دوما..رغم أنه أكبر مني...
كان يحسسني بالاخوة والابوة وانا بعز المشاكل وبعز التجارة والنكد والضغط...
رغم هيك هيو معي..بحسسني بالحب اللي افتقدته لأشهر...
رجعني للاوقات الحلوة..ضل معي بالقصر ت يسليني..نساني همي..بيعرف ميولي عشان هيك ملتزم بحدوده. .
كان يحكيلي نكت ونضحك..نشرب سوا قهوة وندخن. .على قد ما أدمنت الدخان بهاي الفترة وبشراهة على قد ما كرهت نفسي..
كان ملطف الجو علي شوي..
طلعني من جو الكآبة ومع هيك صحتي بعدها سيئة..
لازم نطلع..
*بس انا ما بدي
-بلا بدك..عندي الك مشوار...رح يعدلك مزاجك..
*عز..
-يلا زعيم..
بدلت تيابي وطلعنا. .كان هو اللي عم بسوق طول الوقت..
اخدني على منطقة بيت أهلي...
ليش اخدني هون..ولك الساعة خمسة العصر..
*بالضبط...يلا انزلي
-عز ما بدي.. انفعلت
*لازم تخلصي من جو الكآبة...لازم تتخلصي من كل شي بوجعك. .
-عز... وانهارت دموعي متل الشلال
مسك أيدي بحنية وقال ما حكيت هيك ت تبكي..يلا انزلي...
اضطريت اسمع كلامه..عم بحاول يطلعني من حالتي وانا برفض..بس هالمرة سمعت كلامه...
دق الباب وفتحله أبي...لحيته الطويلة..المش معتادة ومش طبيعية...
جسمه صار نحيل.متل جسمي..ما عرفني لأني اتغيرت..شكلي اختلف خلال فترة العزلة..ما حدا بصدق أنه هي انا..
*اكيد انت عز؟
- نعم عمي. ..وهاي...
سرحنا ببعض انا وبابا..أبتسم بتوتر ودمعت عيونه..
ارتيمت بحضنه متل الطفلة اللي ضاعت عن أهلها بحديقة واسعة..تذكرت خلال هاي الضمة وقت كان عمري تسع سنين..كيف تهت بحدائق الحسين وبعد ساعات ضياع لقوني. .بتذكر كيف ركضت لحضن ماما وبابا وانا ببكي...هيك انا هلأ..
حط ايده ع شعري وحسس عليه..
رفعلي رأسي باتجاهه. .باس جبيني وقال فكرناك. ...
*ما متت. .والله ما متت. .
بس انا عارفة أنه هاد نفاق..مشاعري اتجاه الأشخاص والأشياء ما بتكذب. .بتكون عنجد حقيقية...
قدمتلنا أمي القهوة وكيكتها المشهورة فيها...
بس كانت متوترة..خايفة اني أكون بعرف أنه في شي غلط ...
كانت مش طبيعية..نظراتها توحي أنها عاملة شي...أما بابا فكان بيتصرف بشكل طبيعي رغم نفاقه. .ومع هيك تجاهلت كل مشاعري بس كرمال ساعة زمن معهم حتى لو نافقوا علي...
كنت مستعدة اعمل أي شي ت أرجع للماضي...اخليهم جنبي وامنعهم من السفر او أسافر معهم...
تطلعت عالبيت..مختلف..او انا نسيت شكله..
سألتهم متى رجعتوا؟
*من زمان ردت أمي وهي متوترة.
همست ل عز يلا نروح..
*بس لسة ما قعدنا ربع ساعة على بعضها..
-يلا نروح صرخت بانفعال..بعدين وجهت الكلام لأهلي.
ما عترفتوا فيني...فتت عالمشفى اكتر من عشر مرات....خسرت مكانتي والشخص اللي عشقته وانا لسة ما حكيتلها عن مشاعري اتجاهها..خسرت أصدقائي الاربعين كلهم..وانتوا ولا سائلين..ولما عأساس انتوا مسافرين...لمحتكم بمطعم مبسوطين...مش راجعة لهون.
طلعت برا البيت ولحقني عز
زعيم.
* بس تناديني زعيم يا عز...بطلنا زعيم..صرنا بس سارة..من شاان الله ارحموني ...هدول مش اهلي..
-طيب رح أسكت..وابطل اناديكي زعيم..بس حكيلي شو أعمل ت تنسي النكد!!
*بدي زين..
صفن فيني عز وسأل زين؟
*ما بتعرفها. .بتكون بنت أخت خليل...
-خليل؟أخو مرتي. .
*لاء...خليل اجا بعدك...
-اللي اخد مكاني بالجماعة هو أخو مرتي...
*زين بتكون....
حكينا سوا "بنتك" "بنتي"