الزعيم الفتاة

اجتماع القدامى

بصباح  اليوم التالي..لقيت العشرة مجتمعين عندي بالقصر ..بلال ورأفت معهم عز وقيصر وعبدالرحمن  والمدام كوثر وجنات وملاك ورانية وحنان..
ضموني واحد واحد..
بعد زمان حكا قيصر..
صح؟ كيفكم؟
-طول ما احنا سوا احنا بخير جاوبتني جنات.
الحمدلله...شكرا الكم
*المهم عرفتي ليش هيك عمل سامي!
-نعم...كمية الحقد بقلبه مخيفة...
*والعمل؟ سأل عبدالرحمن
العمل عندكم..انتوا الكبارية..
-بس انتي الزعيم...
*لاء يا جنات...بطلنا...
-مهما صار يضل ولائنا الك.. حكا بلال..
كملت عنه رانية ولائنا الك مهما كنتي صغيرة. .كلنا لازم نشكرك ع كل شي....
*ما في داعي يا رانية...انتوا احتويتوني اكتر من أمي..
-في شغلة بسيطة ما بتعرفيها  حكا بلال وهو يتطلع عالباقي..بعدين قال ل عز كمل انا ما بقدر..
*انتي مش....
كان الكل ساكت وعز بس اللي عم يحكي....ما كنت مصدقة شو عم بسمع..
حملت حالي واطلعت بدون أي كلمة ورجعت لزحمة العاصمة..وعلى بيت أهلي...
فتح سامي الباب..دفعته بعد عن  وجهي
*وين داخلة..سارة
-ماما بابا..
طلعوا من غرفتهم بهلع خير...
وبس شافوني سكتوا ليش؟
*كنتي بنتي..
-ما تكذبي علي...عيشتيني على اني بنتك...طلعت انا اليتيمة وسامي ابنكم. .ليش ما حدا حكالي؟؟ولكم يا حرام...
ورجعت ع سيارتي بس ما رجعت على قصر...تلفوني يرن ويرن. .مكالمات من ماما وبابا وزين..ومن العشرة..بس ما رضيت أرد. .رحت على حدائق الحسين..الساعة صارت 3 العصر..لحالي قاعدة على شبه تلة..نص ذكريات الطفولة هون..
دخنت العلبة كلها ورميتها بنرفزة..
حطيت سماعاتي وسمعت اغاني..لحد ما حسيت في ايد على كتفي.
حبيبي! صوتها الحنون
*شو عرفك اني هون؟
-من الGPS
*ممتاز.. حكيت بسخرية
سحبت السيجارة من تمي ودخنتها
يلا نرجع  سارة
يلا نرجع...
....
كل شي كان متسارع..كل شي حتى الوقت..إلا بوجود زين..
بس اللي شاغل بالي اني انا اللي طلعت يتيمة..ورباني على اني بنته..
رجعنا على قصر..لسة التسعة ما رجعوا ع بيوتهم..
ضمتني جنات بحنان احنا هون بس عيلتك. .أنسي هدوليك البشر..
باست خدي ...وحضنتني بحنية
.....
ارتمت زين بحضني. .دخلنا بسرعة ع الغرفة الجانبية..بجنون مع بعض..لحد ما خلعت قميصها عنها وخلعت قميصي...صارت بشرتها فيني..اندمجت مع جسمها..صوتها الخفيف اللي بيطلع مع كل حركة..نساني شو عشت اليوم.
.....
الساعة تسعة الصبح..صحيت لقيت زين جنبي..لابسة قميصي بس بدون أي شي تاني عليها...
لمست وجها بهدوء حتى ما تصحى..لعبت بشعرها شوي ومسكت ايدها الدافية  وضميتها لصدري. ..
كانت ملاك ونايمة جنبي...
كل شي فيها كان دافي. ..وبعد عشر دقايق صحيت لقتني بتأملها وسارحة فيها ف ابتسمت
صباح الخير حبيبي
*صباح الورد والعسل يا عيون حبيبك..
ابتسمت زين اكتر وسألتني من متى سرحانة فيني؟
*من شي عشر دقايق...يلا قومي صحصحي..ت نشرب القهوة سوا. .
قمت عن التخت وطلعت لبرا ولقيت بس عز موجود بالصالة.
صباح الخير عز
*صباح النور...
-شو وين الباقي؟
*انا ...بصراحة صممت أنهم يباتوا هون...لحد ما نلاقي حل للمشكلة اللي احنا فيها.
-أي مشكلة عز؟
*سامي..مش بس لحاله..يعني...اسمعي..خلينا نستنى التسعة ت يصحوا. .وبعدين بنحكي. .شو زين لسة نايمة؟
-لاء...المفروض تنزل هلأ...
سكب القهوة بالكاسات الكبيرة وعطاني واحد وبس إجت زين قدملها تبعها...قعدت زين جنبي وحطت رأسها على كتفي..
كان الجو حلو ودافي. ..طلعنا تلاتتنا لساحة القصر قدام الباب بشوي...
وشربنا هناك القهوة ل ما صحيوا البقية..
ضحكنا وافطرنا سوا..
الساعة 12...كح بلال ت نسمعله كلنا..
حكا اكتشفنا أنه سامي مش لوحده..مش وحده بس اللي اخد قرار عزل سارة..مش لي لأنه حاقد من زمان لاء...في مين حرضو اكتر عليك يا سارة..
حكيت وانا بضحك السيد ماركوس..
صفنوا فيني كلهم وسألتني كوثر ماركوس؟
-كيف عرفتي؟ انا لسة ما كملت... حكا بلال باندهاش
لأنه هو الوحيد من بين الأشخاص اللي اتعاملت معهم كان حاقد علي وبيكرهني...جدا مش شوي...
*ليش؟! سألت زين
-لأني هزمته...خسرته نص بضاعته اللي كان بده  يتاجر فيها وقت كان عمري 19 سنة..وقتها أخدت البضاعة بدون ما يعرف..وقتيها كنا مسافرين على امريكاا كرمال شغل اللي كان أبوي...
*بس هيك؟ سألت حنان
-مفكرين الشغلة  عادية؟  بتعرفوا كم كلفته هاي الخسارة؟ نص مليار دولار....حقد علي ومع هيك ما قدر يعمل اشي ضدي..لانه واسطاتي كانت اقوى منه...وما قدر يحاربني كرمال لمكانة اللي انا كنت فيها بنييورك.
*يعني خطط لهالشي مع سامي ت ينتقم منك. علق  بلال
-طب شو فينا نعمل هلأ؟ سأل عبد الرحمن
*جاي عبالي أشرب قهوة...بس وانا عم بتفرج عليهم وهم عم ينحرقوا بالنار اللي رموني فيها....
حكيت هالجملة وانا عم بطلع دخان السيجارة اللي بايدي..كانوا كلهم بيتطلعوا ببعض بسكوت..عارفين اني لما بحكي بنبرة سادية بنفذ. .وأنا مفكرة اني أنفذ لأني زهقت من ضعفي...
فكرت بالليل مع نفسي بكل اشي بدي اعمله ضدهم..
كانت زين نايمة بالغرفة الجانبية تبعت الخطايا..بعد ساعة طويلة مسلية بيني وبينها...
ضليت  لحالي بغرفتي وطلعت من الخزنة الحائطية المختفية ورى التخت..ملفات كتير وأوراق وCDs كتير فيهم أدلة ضد كل واحد من الجماعة..هاي الأمور أدلة كافية لإدانة كل شخص واقف ضدي...حتى أكبر الشخصيات اللي عرفتهم بحياتي..ومع هيك ما حدا بيعرف اني طوال هالعشر سنين كنت بجمع أدلة ضدهم جميعا...حتى سامي اللي كان أيدي اليمين ما بيعرف عنها...
الصبح صحيت على صوت ضجة بالطابق الأول..نزلت ت أشوف شو القصة..لقيت علي وراما واقفين عالباب والعشرة مانعينهم يدخلوا..
سارة نادتني  راما وهي مش مصدقة اني أخيرا قدامها
شو عم تعملوا هون انتوا الاتنين؟ سألت بعصبية
هدتني زين اهدي الله يخليكي..
*كيف اهدا. ..شو عرفكم عنوان هاد المكان؟
-عرفنا وخلص..ارجوك خليهم يفوتونا. ..بدنا نحكي معك ضروري...
*يا علي..ما رح اسمحلكم تفوتوا...لأنكم خونة وحقرا. .
-ارجوك..ضروري..
اتطلعت فيهم وبعدين بالعشرة..كانوا رافضين الفكرة..
بس بشرط.. صفنوا فيني كلهم بعدم تصديق
-تضلكم محبوسين عندي عشان ما حدا يعرف المكان..
*هاي مشكلة..لأنه اجهزتهم مراقبة حكا رأفت وهو عم يناولني موبايلاتهم..
- شغلتك هاي يا رأفت...
شغلة رأفت كانت دوما تكنولوجيا...هو اللي بيفهم بهيك أمور..ودائما كان مأمن الحماية لهواتفنا وباقي الأجهزة..
اخدهم بلال على صالة جوا القصر وحبسهم هناك..
بدلت تيابي ورحتلهم..قعدت بس هم ما قعدوا لحد ما سمحتلهم..
سامي مخطط لشئ أكبر من هيك يا سارة..
*ما بهمني شو مخطط..المهم أنه نطلع من خططه بأضرار قليلة..
-هاي المرة كبيرة..متفق مع مافيا أمريكية..وهون متفق مع مافيا من الغرب..وفي توصاي على كمية أسلحة حديثة...بضاعة جديدة نازلة بالسوق اشتراها وعم يتاجر فيها...
*وشو بدك مقابل هالمعلومات؟
-تأمنيلي حماية إلي ولمرتي. ..بعد ما عرفنا خططه الوسخة انا وراما انسحبنا بدون علمهم...لو عرفوا رح يقتلونا. ..
*طب عندي سؤال..كيف عرفتوا مكاني؟
-دورنا عليك...بصراحة اتصلنا بعبدالرحمن وخبرناه كل شي..عطانا العنوان بس بشرط أنه ما نخبر حدا...بس اقسم بالله اني ما كنت بعرف أنه اجهزتنا مراقبة..
*طيب خير...رح تتأمن حماية الكم هون عندي..بشرط ما تطلعوا من القصر ولا بأي شكل من الأشكال...وكل شي رح يكون متوفرلكم هون...بس كمان عندي سؤال الكم...ليش وقت قلبوا كلهم علي قلبتوا معهم؟
جاوبت راما بصراحة ما كنا عارفين خطط سامي وشهاب وديفيد وخليل...قلبنا طمع ..يمكن...بس بنفس الوقت وقت عرفنا..انسحبنا...
*قولتيلي انسحبتوا. ...طيب خير...هلأ رح ادلكم على غرفة فوق تضلكم فيها لحد ما يجي اليوم اللي أخلص فيه من الكل....ورح تضلكم محبوسين بالقصر لحد ما تفرج....ماشي؟
-حاضر حكا علي وراما بنفس الوقت...دليتهم على غرفة بآخر الممر فوق بالطابق التاني...واجتمعت مع العشرة ت نتفق ع خطة محكمة تخلصنا منهم..