الزعيم الفتاة

أسرار 3

التفوا العشرة حولي عشان نحكي بشو  بدنا نعمل ت نخلص...اتأكدنا انو راما وعلي محبوسين..خوفا أنهم متفقين بعدهم مع سامي والباقي...
انا مش متطمنة لراما وعلي...حكت جنات بريبة
*ما حدا متطمن. .حتى سارة... وافقها قيصر
اكيد مش متطمنين كلنا...بس عالاقل رخ نخليهم هون لحد ما نتأكد من صدقهم. ..
-شو في ببالك؟ سألني عز لما شافني سرحانة.
*في شغلات بدي اعملها قبل ما نخلص من سامي.وماركوس. ..
-شو؟
*ادور على أهلي الحقيقيين..
.............
تركت قصري الساعة 12 الضهر ورحت ع بيت أهل سامي..دقيت الجرس لحد ما فتحتلي نورا..كانت مرعوبة وقت شافتني.
عادي ادخل؟ سألتها بهدوء
*تفضلي ردت بتوتر...
كان البيت زي ما هو..مختلف بنظري..قاعدة فيه متل كأني غريبة..انا فعلا غريبة...كان الجو بينا متوتر..
شو وين...كامل ؟
-عنده شغل بالبحر الميت
*ممتاز..
كانت متوترة كتير..ونظرها على ايديها تحت...لمحت أنه التلفون بايديها رغم محاولاتها الفاشلة لأنها تخبيه. .
*ما بدي أطول بااقعدة. ..جيت ت أسألك عن أهلي..الحقيقيين...مين هم وين هم...وليش ربيتوني انتوا؟
-أسئلة اجوبتها موجودة...بس أنه أقدر احكيلك الحقيقة صعب..
*غريبة..عاد انتي اللي علمتيني على اني احكي الحقيقة حتى لو كانت صعبة ومرة...بدي اعرف الحقيقة..
-طيب تنفست نورا ببطئ وحكتلي كل شي.
أبوك وأمك الحقيقيين عيلة بسيطة على قد حالها..أبوك بشتغل ب كازية صرله تلاتين سنة شغال فيها..بعبي بانزين وبلمع السيارات..شغلته متعبة..وأمك خياطة على قد حالها...وقت عرفوا انك ببطن أمك ما كانوا بدهمياكي..رغم أنه في قبلك ولد..شاب يعني...أكبر منك بسنتين بس...وعندك أخت كمان أكبر منك بتلات سنين...وانتي التالتة ولربما أصغرهم..ما بعرف اذا في بعدك..بس انتي كنتي القشة التي قسمت ظهر البعير...يوم خلفتك أمك كنت انا بحاجة لبنت...ما كنت بقدر أخلف...بس لما اخدناك اكتشفنا اني حامل ...ب سامي..عشان هيك انتوا قد بعض..تركناه يعيش مع أختي على أنه أمه..وما حدا بيعرف أنه أمه بتكون خالته..ربته. .بس هو كان بيعرف مين أهله...ومع هيك استحمل...
يوم بلشت شغل بهديك التجارة كنا ساكتين...لانه كامل بيعرف ماركوس...ولما عرفنا الكويتي اللي علمك على هالصنعة. ..شكينا عنه..ما بده  كامل أنه تنافسيهم بالشغل..عشان هيك حطينا سامي معك...بحجة أنه صديقك الوحيد...بس كنت أذكى من الكل..وقدرتي تعملي شبكة من مختلف الجنسيات...
انقطع حديثها على صوت ضجة اجت من عند الباب..طلعت مسدسي من الجنب ومديته بسرعة اتجاه الشخص اللي كان مغطي وجهه وموجه سلاحه اتجاهي...ابتسمتلهم..ما بعرف ليش ابتسمت بس اول ما عدل هالشخص وقفته اطلقت اول رصاصة نحوه صابت ايده اليسار فصرخ من الوجع وبهاي اللحظة طلع سامي من جوا وصرخ عالشخص بس كانت فيني رصاصة طائشة ما حسيت فيها وقت انصبت فيها غير لما صرخ سامي بالشخص

"قلتلك تهديد مش اطلق عليها النار"

بس كان الوقت هارب منهم..اغتنمت الفرصة وهربت بوجعي لبرا البيت..لحقني الشخص ووراه سامي بس سامي لحقه ومنعه من انه يضل وراي ويخلص علي....دخلت سيارتي وتوجهت للقصر..ما بعرف كيف قدرت اسوق للقصر وانا جرحي عم ينزف بقوة، ما كان وحده اللي عم ينزف...بل جروحي كلها النفسية نزفت ودموعي نزفت بغزارة متل الدم اللي عم يطلع من جسمي وانا عم بسوق غصبا عني للقصر لحد ما وصلت..كان هالطريق اطول طريق بسوقه رغم انه ما بياخد وقت كتير...وصلت وانا كنت فاقدة القدرة على الوقوف رغم هيك طلعت من السيارة ودقيت جرس الباب كتير لحد ما انفتح..ارتميت بحضن زين بحكم انه هي اللي فتحت الباب وبعدها ما شعرت بشيء...فقدت الوعي وانا بحضن زين.