الزعيم الفتاة

4

رجع كل واحد على بيته بعد يوم حافل بالضحك واللعب والمزح متل ايام زمان وقت كنا أصغر من هيك شوي..كنت تعبانة لدرجة اني رميت جسمي عالتخت بتيابي وغفلت. .ولما صحيت واتطلعت عالساعة كانت الساعة 2 نص الليل..
يا الله.راجعة الساعة 12 وما نمت غير ساعتين...
صحصحت شوي وبدلت تيابي لتياب النوم ..بس لما رجعت ت أنام ما قدرت. .تفكيري كله مشغول بدانية و ب زين...كنت حاسة حالي بدي زين بس وبالدقيقة اللي بعدها حسيت بس بدي دانية وبالدقيقة اللي بعدها حسيت بدي زين ودانية وبالدقيقة الرابعة حسيت حالي ما بدي حدا فيهم...
ما عدت نعسانة. حملت حالي واطلعت عالمطبخ..كنت بتحرك بشكل هادي لأنه بابا وماما نايمين وبسابع نومة كمان..عملت لحالي قهوة بأكبر كاسة عندي..عملتها شوي حلوة..مع أنه بالعادة بشربها كتير حلوة..بس ما بعرف ليش تفكيري ب زين ودانية خلاني أحس لا اراديا أنه كل شي بتذوقو حلو...
شربت قهوتي على مهل..مسكت تلفوني وتفرجت عصور على الانستجرام. .لحد م اكتشفت واصلني مسج على الانستجرام...لما فتحت لقيت أنه المسج من زين.
دورت عليك عالفيس بوك بس ما لقيتك...خطر ع بالي ادور عليك هون...بتمنى لو رقمك كان معي كنا حكينا اكتر...سألت عنك كتير قبل يومين..بس قالولي انك تعبتي فجأة ورحتي تنامي...فينا نحكي شوي!
فكرت شوي شو بدي أرد..بس ما عندي رد لأني مش عم بفكر هلأ بشئ غير اني بدي اشوفها وقت نجتمع ت نروح عالعقبة...بابا لما عرف عصب بس بعدين وافق..كأنه كان عارف أنه بنته بدها فترة نقاهة..عشان هيك عاطيني حريتي..او بالأحرى ﻻنه عقله منفتح وسفرياته كتيرة..
بعتلها هيك هيك رح أشوفك الصبح..لما بشوفك ونخلص تجهيزات بنتحاكا اتفقنا؟
بعتت مباشرة تمام..بشوفك على خير..
*أن شاء الله.
كملت قهوتي وكملت تدخيني بعدين رجعت عالنوم وغفلت بسرعة رغم اني شاربة كافيين..
وقت صارت الساعة ستة رن منبه التلفون..ضل يرن لحد م صحيت وطفيته. .حسيت كل شي عم يرغمني على اني أقوم...كان فيني شعور اني مو طايقة اشي ولا جاي على بالي أشوف اشي...يمكن لأنه زين ودانية رح يكونوا موجودين سوا وبنفس المكان ولا ﻻنه بابا رح يسافر وهو ما صرله فترة منيحة راجع من آخر سفرة إله لإيطاليا...ولا لأنه ماما رح تسافر معه؟
كان رأسي مشغول بمليون فكرة بنفس الوقت..
ومشاعر التعب والإرهاق رح تخليني انفجر وراسي ينفجر إذ أنه الصداع رهيب.
صحيت بابا وماما لأنه لازم يجهزوا حالهم على الأخير..
شربتهم قهوة وودعتهم وراحوا..سكروا وراهم الباب بعد نصائح كتيرة تخطت العشرين نصيحة لكيف أضل لحالي..بس قلتلهم مش أول مرة ف سكتوا..
جهزت "حقيبة سفر " صغيرة فيها كل شي بدياه لإجازة طويلة...حملت بأيدي جواز السفر وموبايلي...واتجهت بسيارتي ل بيت ديفيد مكان ما اتفقنا نجتمع
ها..صباح الخير حكا سامي أول ما دخلت على الحديقة...كانوا قاعدين كلهم حول طاولة طويلة وعليها كل أصناف أطباق الفطور..
قعدت على الكرسي اللي بطل عكل الطاولة...واطلعت عليهم واحد واحد لحد ما لمحت زين جاي من بعيد وقعدت جنب خليل..
حكت شهد علي وراما لسة ما اجوا..وحكيت سمية زي ما طلبتوا. .بس ما بتقدر تجي..حكيت عمر وهادي وديمة..بس كمان ما رح يقدروا يجوا. .حكيت قصي ولمياء..اعتذروا. .حكيت خوري وصهيب ومريم وفاطمة..اعتذروا برضو. ..حكيت الكل بس الكل أعتذر ...
حكيت صفينا احنا بس...وهلا علي وراما جايين..حكيتهم عالطريق...
*ممتاز..هيك احسن يمكن علقت دانية.
-ما اظن هيك احسن...يمكن سامي ما حكالك أنه طول عمرنا بتطلع كل الشلة سوا عالعقبة...بنخلي الفندق full..
ضحكت بسرعة بعدين اكتشفت اني جدية. دارت الضحكة وبعديها عدلت جلستها ..بهاي اللحظة اجا علي وراما..افطرنا كلنا سوا.ولما خلصنا حكا شهاب بالمناسبة..رح نترك سياراتنا هون...اتفقت مع قريبي يجي ياخدنا بالباص. .قريبي عدي رح يضل معنا..عادي سارة صح؟؟
-عادي...المهم نوصل..
ركبنا بالباص.وبدينا نتحرك باتجاه العقبة..حسيت حالي ما بعرف شو بدي..نفسي احكي مع زين ونفسي احكي مع دانية..بعد هديك الليلة اللي وصلنا فيها لمرحلة أنه تعبنا وغفلنا...ليلة لا تنتسى. .كل لحظة بتمر علي بفكر فيها...بشرتها والملمس الناعم...شفايفها اللي لونهم من لون الفراولة وطعمتهم طعم كرز...ضحكتها الخجولة..وتنهيداتها اللي سمعتهم..بعد كل لمسة خجولة...بتذكر كل تفصيل الليلة..وتمنيت بصراحة ابوسها. .اسرق منها وحدة...وبنفس الوقت تمنيت لو هالشي يصير معي ومع زين...
بس للاسف كان حاليا  صعب. ..
ما بعرف كم قضينا بالباص باتجاه العقبة...بس اللي يعرفه أنه عدي عم يسوق على مهل..وساعتي عطلت..وأنا شخص بكره اسأل اي حدا عن الساعة..والساعة بتلفوني بتبين أنها 12
عدي..متى  رح نوصل؟ سألته وانا حاسة بعصبية وتعب ونرفزة...
الدنيا شوب وانا بديت اعصب  اكتر. ..قربت مني زين
ليش  متوترة!
*مش قصة متوترة..قصة اني زهقت..
-خلينا نوصل عالفندق. .وهناك بنتحاكا..ضروري
قاطعنا تدخل دانية..مسكت أيدي قصدا قدام زين اللي حست بالاحراج ورجعت على مقعدها..كم حسيت بحقد اتجاه تصرف دانية الحقير بس سكتت..
شدت على أيدي اكتر ..لما اتطلعت بسامي كان مبتسم..مبتسم على غير العادة. .ساعيتها عرفت أنه هو محرض دانية تقطع حديثي مع زين..وبنفس الوقت خليل كان متدايق لتصرف دانية..قعد جنب بنت أخته زين وحكا معها كلمتين بصوت واطي وبعدها عم السكون بالباص. .حطيت سماعاتي وشغلت موسيقى..لحد ما وصلنا عالعقبة..وهناك صارت مشكلة بسبب عدد الغرف المحجوزة والدفع...
سامي كان ع شوي رح يتقاتل مع الموظف وما حدا عارف شو يعمل وكيف يتصرف..
قرب علي ديفيد ودفعني بقوة لعند الموظف ..
ابتسمتله وانا من جوا بس بدي اعصب على الكل..وبنفس الوقت كنت خايفة من ردة فعل الموظف
انا اسفة وبعتذر على تصرف صديقي..
-ولا يهمك آنسة..هلأ بس احكي لي شو كان طلبكم.
*كم غرفة محجوزة؟
-ستة..المفروض أنهم ست غرف..بس احنا تقريبا عنا كله full بس في أربع غرف .
*أربعة بس؟يعني لازم نضغط حالنا احنا ولا نلاقي فندق تاني احسن؟
حس الموظف بالاحراج والتوتر.
قلتلته بحزم بدل ما انت قاعد عم تلعب عالجهاز. ..أفتح منيح النظام وشوف كم غرفة مش محجوزة..
اطلع فيني الموظف وهو مصدوم..كنت تعبانة وجوعانة لدرجة اني ممكن اكله هو على العشا..
عدل ربطة العنق تبعته وركز منيح بشاشة الجهاز وحكا في خمسة شاغرات آنسة..بتحبي احجزلكياهم؟
*عادي فيهم التدخين صح؟
-اكيد..
*طب كيف وضعها؟ يعني تخت مجوز ولا مفرد..
-تنتين مجوز وتلاتة فيهم تختين منفصلين..
*ممتاز..طب تمام هيك احجزلنياهم. .
-تمام..وهاي بروشور الفندق.بيحتوي على مواعيد البوفيه من فطور وغدا وعشا. .والمرافق هون بالفندق وغيره..أي شي تاني؟
*لا هيك تمام..بس اديش حسابنا هيك صار؟
.....
بعد ما خلصت من الحجز وطلعنا كلنا بالمصاعد انفجرت ضحكة من شهاب وديفيد واضحكت انا معهم
الواضح أنه هلأ عرف مين بتكوني حكاها شهاب وهو عم يضحك
يا زلمة الله وكيلك ما بعرف كيف لمحت أنه عم يلعب بدل ما عم يعمل تشييك على النظام...بس في خمس غرف شاغرات...هلأ بدنا نقسم حالنا...
-بما انه بنفس الطابق..
*وبنفس الممر كمان..
حكت دانية وهي عم تتطلع على الممر العريض والطويل وجنب بعض الغرف كمان.
*هيك احلى اصلا...
جمعتهم كلهم حولي وقلت في خمس غرف..تنتين فيهم تخت مجوز كبير..وتلاتة فيهم تختين منفصلين..واحنا عشرة..خمس صبايا وخمس شباب..كيف حابين نقسم حالنا..
مسكت دانية أيدي وحكت المهم انا أكون معك.
*انا ومرتي خليلنا غرفة فيها التخت الواسع.
-تمام..
قسمنا حالنا على الخمس غرف..
شهاب وسامي سوا ديفيد وخليل سوا راما وعلي سوا شهد وزين سوا وانا ودانية سوا.
أول ما دخلت الغرفة اللي فيها تخت واسع أسرعت دانية باتجاهه وارتمت بجسمها عليه وبعدين نادتني اتركي اغراضك وتعالي
كنت مستسلمة لأني بدي هالشعور يرجعلي. .شعور اني انا كل شي بتمناه عم يتحقق..السيارة آلة الكتابة والعقبة إجت تزامنا مع سفرية أهلي..ووحدة أنام معها وانا متطمنة.
اتمددت جنبها ومسكت ايدها وبوستها ببطء وهدوء..
بس خلصت شدتني بهدوء لعندها حتى صار جسمي فوق جسمها ...سرقت منها كم بوسة ع شفافها وبحركة سريعة خليت جسمها يصير فوق جسمي...
بعد ساعة من اللي صار بيني وبينها رتبنا اغراضنا باماكنهم بدلنا تيابنا واخدنا حمام ساخن..وبعدين اتمددنا سوا للنام شوي بعد ساعات طويلة من السفر.
ما بعرف كم مضى عالنوم بس صحيت على صوت رنة تلفوني..كان المتصل شهاب
ألو
*يلا يا نايمة قومي..جيبي دانية وتعالي..فيه بوفيه بشهي هون..
-مصحيني عشان الاكل؟
*هيك شي..
سكر الخط وتركني أحس لحالي بصداع مؤلم ..اتأملت دانية وصحيتها بهدوء
صح النوم بيبي
*صح بدنك..يلا قومي غسلي وجهك..بدنا نطلع قال في بوفيه بشهي.
-من النوم على الاكل مباشرة؟
*اسألي شهاب.
قمت عن التخت وغسلت وجهي..ومن حظي اني كنت لابسة تريننج..طلعنا ماسكين ايدين بعض..وصلنا على مكان بالفندق مفتوح فيه طاولات وعالم كتيرة..دورنا على الجماعة لحد ما لقيناهم. .
قعدنا معهم..كانوا محضريلنا قهوة..شربناها سوا واتجهنا بعدها على البوفيه المفتوح...
كان يوم مليء بالجنون..سبحنا سوا وطلعنا برا الفندق وتمشينا بالمنطقة وتهنا ورجعنا...