الزعيم الفتاة

عزلة أخيرة

بعد ما بابا خلص كلامه عن الماضي فات ت ينام تاركني وحدي  افكر باللي سمعته من شوي.
بطلت اعرف اصدق ولا ما اصدق..مين هم جد عيلتي ومين انا...كنت دوما بفتخر اني من عيلة الوريث..إلها رنة بتجنن..إلها هيبة خاصة لمكاني. .لحد ما جد صرت وريثة تجارة اللي بيدخل منها مستحيل يقدر يطلع إلا اذا في موت.
صار اسمي هلأ سارة تركي القصير..هاي رنة اسم العيلة غريبة شوي..مش مقبولة بالنسبة لعقلي..بس حاولت اني استسيغ الاسم ما قدرت..
صعبة..
الساعة صارت 2 وانا لسة قاعدة لحالي..مش مسترجية اتفرج ع التلفزيون عشان صوته رح يصحي أهل البيت..أهل البيت اللي عايشين على هيك وضع ومستحملين..بس قاسم ورزان شايلين البيت ع كتافهم اكتر من الحج تركي.
مسكت تلفوني.صرلي من الصبح ما فتحته..عشرة رسائل من زين ورسالة من عز ورسالتين من ملاك ورانية..وحوالي عشرين مكالمة فائتة من الكل..طب هم عارفين أنه انا متى ما طلعت ما بقدر ارجع..لازم انعزل ت ارتاح من اغلاطي واغلاطهم..
ما حسيت على وجود رزان غير لما عطست جنبي.
اتطلعت عليها بس ما حسيت بالخوف
اكيد ارتعبتي. .انا اسفة
ضحكتلها وحكيت لاء..مشكلتي اني ما برتعب ولا بخاف..
*حلو...شو مسهرك؟
-مو جايني نوم..شو السبب اللي خلاك تصحي هلأ؟
*ما قدرت أنام منيح...بفكر.
-اه مين اللي ماخد تفكيرك؟
*انا وانت بالهوى سوا..لو أمي تعرف اني انا هيك..والله بتغضب علي...بابا وقاسم بس اللي بيعرفوا. .
-صار عندي فضول اعرف شو عم تحكي بالضبط؟
عدلت غرة شعرها واتطلعت فيني وسألتني
*انتي جيتي لهون لأنك تقاتلتي مع زين صح؟
-هيك شي. بدا صوتي يرجف. .اسمها لحاله بيعمل فيني عمايل. ..بتذكر يوم كنت بعزلتي الطويلة..كيف تعبت وكيف بكيت لأني بس بدياها هي تحتويني..لكنها بكل سهولة عرضت الهجران كرمال سوء تفاهم لربما.
*فيكي تحكيلي شو المشكلة سارة؟
-من اولها؟
*لو بتحكيلي قصتكم سوا ما بقول لاء..وبالمقابل بحكيلك قصتي...
-هلأ فهمت شو يعني احنا التنتين بالهوا سوا..بالعادة بلقط الشغلة السريع..بس مخي ضايع.ما علينا..رح احكيلك حكايتي مع زين..
...........
من سنة وقت اجا عيد ميلادي كانوا عاملين مفاجئة ...تحققت فيها معظم امنياتي وأحلامي من ضمنها علاقة مع بنت..بحكم ميولي..بس أول بنت بقيم معها هيك علاقة ما قدرت احبها لأنه بنفس الليلة اتعرفت على وحدة استفزتني. .واستفزازها كان حافز إلي وتحدي اني اوقعها فيني قبل ما أوقع انا فيها بس للاسف..وقعنا سوا  ببعض. .ضلت علاقتي بالبنت  الاولى حوالي أسبوعين مش اكتر..وتركنا وقت اهانتني ودعست على مكانتي. .وهاي  قصة تانية لحالها بعدين بحكيها. ..حبينا بعض انا وزين اكتر مع الوقت..إجت تعيش ببيتي هي وأبوها..بحكم علاقة عمل بيني وبين أبوها..وبحكم علاقتي ب زين..ومبارح اهانتني تقريبا كمان بسبب سوء تفاهم..حملت حالي وطلعت..ما عندي مكان اروحله. .بس فكرت أنه ممكن هون تحتوني. .وفعلا احتويتوني.
....
*بتعرفي أنه شغلة العزلة..ماشية بدمنا هون بالعيلة؟ حكتلي رزان
-كيف عرفتي اني بدي انعزل؟
*لأنه ب دم الكل...لما كل واحد فينا بده ينعزل. .بيهرب من المكان اللي هو فيه..هاي الشغلة بجيناتنا سارة...الحاجة الملحة للهروب والانعزال. .ت تتخلصي من وجعك. ..بس بدك تروحي ﻻي مكان وتتركي خلفك قلبك والأشخاص اللي بتحبيهم وبحبوك. ..انا مش رح اقولك ارجعي بالعكس..احنا هون بابا ربانا على أنه نحترم الهروب والعزلة..نحترم اللي بده ينعزل نعطيه الوقت الكافي ليرتاح حتى لو ما رجع عالبيت...انا وقاسم اكتر شخصين بدنا ننعزل. .أما خالد مثلا ف بيهرب دوما..أما ورد مش فارقة معها وعنان رغم صغر سنه..هو الشخص الوحيد اللي بينعزل بالشارع..بلاقي حاله هناك...ما تفكرينا لأنه عايشين حياة بسيطة يعني احنا مش متعلمين او مثقفين او حتى فاهمين..بالعكس...احنا كل يوم بنطلع خمستنا للمكتبة..بنقرأ بالساعات..بنروح وبنجي. .كله ع حسابنا..
-انا ما اطلعت عليكم بهيك نظرة..بالعكس اللي شفته أنكم انتوا احسن من اي حدا تاني...
*بالضبط..صار دوري احكيلك شو قصتي.
.........
من شي خمس سنين تقريبا..حبيت وحدة كانت معي بالشغل..عمرها من عمرك..كان لون عيونها نار..بني غامق..شعرها الطويل..اللي كان مجدول متل كأنه شلال ولما يميل على كتافها كانت بتدبحني..
في يوم اعترفتلها اني معجبة فيها..بس أول شي حكتلياه:"القاعدة الأولى..بحياتك ما تحبي وحده ميولها الاستقامة " جنيت..حسيت حالي مخنوقة..ما داومت ع شغلي..ما قدرت اداوم. .هربت وانعزلت عن كل شي..لحد ما انفصلت من الشغل..وبالمناسبة كنت بشتغل بصالون نسائي..كبير..المهم..ضليت بعد ما انفصلت منعزلة عن كل شي مدة أسبوعين..بعد ما انفصلت طبعا..المهم..ف يوم دق باب البيت بقوة.وانحكالي أنها فاتت المستشفى بسبب عملية إجرامية صارت معها..واكتشفت أنها كانت فرد من عصابة غريبة...وتلات  رصاصات اخترقوا كتافها..لقيتها قاصة شعرها الطويل..وجسمها صاير نحيف كتير..وعيونها لونهم باهتين. ..بكيت بحضنها كتير لحد ما صحيت..لما شافتني ابتسمت وسألتني كيف عرفت أنها هون..حكيتلها عرفت وخلص..مش مهم كيف عرفت...ابتسمتلي وبكيت هي كمان...بعد بأكم يوم لما طلعت أصرت اني أجي معها..استأذنت اهلي ورحت معها عالبيت..بس ما كان بيتها..كان المكان حسب ما قالتلي وقتها أنه مقر عصابتها. .كانت بدها تعرفني على الزعيم تبعهم بس كانوا كلهم بمهمة ما عداها هي لأنها اخدة استراحة..بليلتها..اتمددنا سوا ع سرير..وعملناها مع بعض...من يومها صرنا عشاق...
..............

وهي عم تحكي تذكرت هالحكي. .تذكرت قبل خمس سنين بأخر مهمة النا..وقتها انصابت فيها ابتسام..تلات رصاصات بكتفها. ..
كانت حاكيتلي عن وحدة اسمها رزان..نصحتها وقتها أنها تحبها..بس قالت أنها تركت الشغل..دورت عليها كتير لحد ما اجا وقت المهمة الأخيرة.
ومن وقتها بحبوا ببعض..بس بحياتي ما قابلتها لرزان. .وهﻷ عم بشوف الشخص اللي كانت تحكيلي عنه رزان..
سرحت بخيالي وهي سكتت
سارة..شو يا
*لاء ولا شي.
-الساعة صارت أربعة..شوي تانية بنقوم كلنا ت نصلي الفجر جماعة..يلا قومي جهزي حالك...
*رزان...
-نعم
*ما بعرف أصلي..عمري ما صليت
ضحكت رزان وقالت بنعلمك. .
وفاتت لجوا ت تصحي الكل..
علمني الحج كيف أصلي وشو احكي بالصلاة..وقت إجت السجدة ما عرفت ليش بكيت..بكيت يمكن ع حالي ولا لأني بحاجة للبكاء..
بعد ما خلصنا صلاة ضمني قاسم لحضنه وحكا بحنية
بترتاحي
انفجرت بالبكا اكتر لحد ما كلهم سكتوا ..اتطلعت فيني أمي وحكت اللي بصلي يما بيرتاح. .شو بدنا بالحياة الدنيا..ولكم هي رح تزول وتضللنا الآخرة..قومي يما غسلي وجهك..وكلنا نروح نرتاح وننام لحد ما تطلع الشمس..
ضمتني بقوة وافترق الكل..
أول مرة بحس اني بس بدي أضل ساجدة..ما بعرف ليش حسيت اني ما بدي أكون الزعيم..وبدي اطلع من هاي الشغلة..لو بس بيعرفوا رح يتبروا مني..يبطلوا يعرفوني. ..بس سكتت..او بالأحرى اكتفيت بالسكوت..بلاش يبطلوا يتقبلوني بعد هلأ..
تمددت عالتخت مطرح ورد وورد راحت تنام عالكنبة. .
كانوا مستحملين وجودي..
قضيت عندهم أسبوع كامل..بنفطر كل يوم الصبح فطور بسيط بس مشبع. .لبنة وزيتون وكاسة شاي..وعالغدا شوربة عدس وأحيانا برغل. .يعني أشياء بسيطة...بس بكرر أنها مشبعة..