Embracing Arms

Chapter 71

Chapter 71

Walang nagawa ang ninong at ninang namin, sa huli walang nabago sa problema namin.

Sinabi sa akin ni Nally na nasa mga Mama na pala ang triplets, mas mabuti na rin siguro na nasa kanila muna ang mga anak ko kaysa nandito sila sa bahay at makita kaming laging nagtatalo ng Daddy nila.

Akala ko ay dadating na ang papel kinabuksan pero walang Nero o papeles na dumating. Dalawang linggo na akong mag isa sa bahay at wala akong kahit anong nababalitaan mula sa kanya.

Tinawagan ko si Sapphire, sinabi nitong susunduin niya ako. Nang dumating ang kapatid ko ay wala akong imik nang sumakay ako sa sasakyan ni Sapphire, alam kong alam na niya ang nangyari. Sigurado akong nasabi na sa kanya ng Ninong at Ninang.

"I thought they can help you about this problem, hindi na ba talaga pwedeng ayusin Florence? Nasasaktan din si Nero." Mahinang sabi sa akin ni Sapphire.

Hindi ko siya pinansin at tumingin na lamang ako sa labas ng bintana.

"Magkakasama ngayon ang magpipinsan sa mansion." Hindi na ako nagulat sa sinabi ni Sapphire. Kung may problema ang isa, siguradong laging nakasunod ang apat.

Hindi ko na rin aasahan na maiintindihan niya ang sitwasyon ko, those Ferells are loyal with one another.

"Florence, sinabi ko sa Tita mo ang nangyari." Marahas akong napalingon sa sinabi ni Sapphire.

"Why did you tell her? Alam mong—"

"Para saan pa ang paglilihim mo Florence? Malalaman at malalaman din ng mga kamag anak nyo ni Nero ang nangyayari sa pagitan nyo. Hindi mo ba naisip ang malaking gulong inaayos natin lahat sa mansion ni lolo? Mauuwi lang 'yon sa lahat Florence." Paliwanag sa akin ng kapatid ko.

Hindi ko magawang sumagot sa kanya.

"I know that you're emotionally in pain, alam kong mahirap magdesisyon lalo na sa ganyang sitwasyon Florence. Huwag ka sanang magpadalos dalos, kawawa ang mga pamangkin ko. Tandaan mo na sa bawat desisyon mo, hindi lang ikaw ang maapektuhan Florence."

"Hindi ko na alam Sapphire, hindi ko na alam."

Hindi na ako nagulat nang dinala ako ng kapatid ko sa malaking mansion ng pinsan kong si Gio. Sa bahay ng pinuno ng mga Villacorta, tatlong magkakapatid ang mga Villacorta, panganay ang daddy ni Kuya Nik na si Tito Pio, sunod si Mommy, bunso si Tito Gil pero sa pagdedesisyon ng buong pamilya laging siya ang inaasahan ng lahat. He's a good leader, para sa isang bunso.

"Alam na din ni Tito?"

"Hindi, nasa ibang bansa daw siya ngayon. Mas maganda nga siiguro kung isang kadugo ang kumausap sa'yo Florence. I made a wrong decision, hindi kayo kaya ng ninong at ninang lang." Sabay na kaming lumabas ng kotse.

Unang sumalubong sa amin si Gio, humalik siya sa akin at ngumiti siya kay Sapphire.

"I'm sorry, kailangang malaman ni Mama ang nangyari Florence. That was a serious problem." Paliwanag sa akin ni Gio.

"It's okay," pumasok kami sa sala.

Nandito si Tita Sheena at kasalukuyan siyang umiinom ng tsaa, nagulat din ako nang nandito rin si lolo.

"Lolo.." sabay kaming lumapit ni Sapphire kay lolo at nagmano kaming dalawa dito. Hindi ko naabutan ang lolo at lola ko sa parte ng Villacorta, pero kahit kailan ay hindi nagkulang ang mga kamag anak ko para suportahan ako sa lahat ng oras.

Isa pa, wala na rin akong hihilingin pa kay lolo, I may have a problem father but I have everything for my grandfather.

Naupo na kami ni Sapphire, at nanatiling tahimik si lolo at Tita Sheena.