•Unicode
' သမီးငယ် နင့်အကိုကို သွားနှိုးချည်၊မနက်စာစားမယ်လို့ '
' ဟုတ်မေမေ '
ထမင်းစားခန်းမှနေ၍ ကိုကိုအခန်းရှိရာသို့ ဦးတည်၍ လာခဲ့သည်။ အခန်းရှေ့ ရောက်တော့ တံခါးကို ကျယ်ကျယ်ခေါက်လိုက်ပြီး ကိုကိုရေ ဟုခေါ်လိုက်သည်။
' မိဆုလား ဝင်လာလေ၊ တံခါးဖွင့်ထားတယ် '
အခန်းတံခါးဖွင့်ပြီး ဝင်သွားလိုက်သည်။ ဝင်ဝင်ချင်းပဲ ကုတင်ပေါ်သို့ လှမ်းကြည့်လိုက်သည်။ အိပ်ရာကို သပ်သပ်ရပ်ရပ် ကိုကိုက သိမ်းထားသည်။
' ဘာတုန်းပြော '
အသံကြားရာဘက်လို့ လှည့်ကြည့်မိလိုက်ရာ၊မှန်တင်ခုံအရှေ့တွင် စတိုင်အပြည့်နှင့် ရပ်နေသော ကိုကို့ကို လှမ်းတွေ့လိုက်ရသည်။
' အမယ်....ကြည့်စမ်းပါဦး၊ဆိုဒ်ပြည့်ဂိုက်ပြည့်ပါလား စောစောစီးစီး ၊ နေပါဦး ဘယ်သွားဦးမလို့လဲ ဒီနေ့၊ ဘယ်ကောင်မလေးနဲ့ ချိန်းထားတာလဲ၊မှန်မှန်ဖြေပါ ကိုယ့်အကို '
ဆုဆုက ကုတင်ပေါ်သို့ ထိုင်လိုက်သည်။
သူ့ အမေးကို ကိုကိုက သဘောကျစွာရယ်လိုက်သည်။ မှန်တင်ခုံပေါ်မှ CKတံဆိပ်ရေမွေးပုလင်းကို ယူလိုက်ပြီး လည်တိုင်နှင့် လက်ကောက်ဝတ်နှစ်ဖက်သို့ ခပ်ဖွဖွလေး ဆွတ်လိုက်သည်။' ကောင်မလေးနဲ့ မဟုတ်ဘူး၊ကောင်လေး....ကောင်လေးနဲ့ ချိန်းထားတာ '
မိမိဘက်ကိုမလှည့်ပဲ မှန်ကိုပဲကြည့်၍ ကိုကိုကဖြေသည်။
' ကောင်လေး....ဘယ်ကကောင်လေးလဲ၊ကိုကို့ချစ်သူလား၊တကယ်ပြောနေတာလား ကိုကို၊ဝါး.....မိုက်တယ် '
' လျှောက်တွေးမနေနဲ့ဦး၊ကိုထွဋ်ကိုနဲ့ အပြင်သွားစရာ ကိစ္စလေးရှိလို့ပါ '
မိမိမှာ မကျေနပ်နိုင်သေး ။ ထို့ကြောင့် ကိုကို ရှိရာသို့ လျှောက်သွားလိုက်သည်။ ကိုကို့ အနားသို့တိုးကပ်သွားသောကြောင့် ကိုကိုက ရယ်ပြီး ဘာလဲဟုမေးသည်။
' ကိုထွဋ်ကိုနဲ့ တွဲနေတာလား ဟင်....'
ကိုကိုကမဖြေပဲ ရယ်မြဲရယ်နေသည်။
![](https://img.wattpad.com/cover/105070258-288-k684640.jpg)