لست عانس

لست عانس١١

- [ ] #لستُ_عانس١١
#زينب_الموسوي#
بعد سنه ونص من زواجي فقدت وظيفتي بالعراق  تركت دراسه اللغه واخذت كورسات تجميل وابر بوتكس وليزر لان صارت زبوناتي يطلبون هذي الامور   تحسنت لغتي  وتركت العمل مع العجزى والمرض واشتغلت  بمركز تجميل معروف وحتى الامريكيات كانوا يطلبون شغلي ومرات اخذ كم زبونه للبيت احصل اكثر وكنت كل الي احصله من شغلي وشغل مقداد ادفعه للبيت ومصاريفنا والباقي اشتري بيه اسهم وخليت رصيد بالبنك اخذ عليه ارباح مرات تجييني بنات كنت اعرفهم من الدراسه للبيت حتى  اخيط  الهم الخياطه هنا كلش نادره  وكل فتره تجييني ارباح استخدمها بشي غيرت اثاث بيتنا  وملابس مقداد كنت اشتريله ارقى الماركات وماافوت مناسبه اذا ماعبرله عن حبي اله نزل وزنه خمسه باوند تقريبا اثنين كيلو تعبت واني الم وارضيه  دائما اني ابادر بالحب والرومانسيه صح يستجيب وياي لكن كانت عندي امنيه فد يوم هو يفكر بشي يحسسني بحبه طلعنا فد يوم انظف الثلج من گدام باب البيت وكنا نلعب بالثلج وناخذ صور ومتونسين اني وياه راد يدخل سيارته بالكراج حتى الثلج مياثر عليها متشتغل شلعت گلبه ومااشتغلت
مقداد فدوه اروحلك لشوكت مچلب بهاي السياره
دتشوفين الفلوس الي تجي تروح والسيارات غاليه
باچر تروح وياي ونشتري سياره الك
مو وكتها شفاء تعالي ندخل بردت حيل
كعدنا يم الفاير بليس نتدفى
خليت راسي بحضنه   مقداد انت تدري عندي اسهم ودااشتغل شغل ثاني شكو بيها اذا اشتريتلك سياره
شفاء انتي دتعبين اني شغلي الثاني تركته حتى ابقى ويه علي بالنادي وانتي تشتغلين وتطبخين الفجر ميصير الناس شتكول عليه
وشعليك بالناس ترى هنا كلمن ملتهي بحياته

انتهى النقاش ومقبل اشتري سياره
بدا يعطس يايمه بس لا استبردت سوده عليه
الصبح كان مرتفعه حرارته ومقبل ياكل تركته نايم ورحت على ام يسر حتى ابيع كم قطعه ذهب بقت عندي اخذتني وبعنا الذهب بقى بس الحلقه بايدي واشتريتله سياره  حلوه واحدث من الي عنده وتليق. بيه سالتني ام يسر
انتي ليش هيج دتسووين هو رجال ويدبر اموره
شيدبر امور اجيت لگيته بطانيه ماعنده
ئي بس ترى تعب عليج شغلين تشتغلين ذهبج بعتيه الارض بالعراق بعتيها هذا كله حب
اكيد حب اريده احسن الناس بيت وسياره واثاث وبعد عندي حلم لازم اخلي بسنزس مو يظل عامل 
والاطفال شوكت تسووين ترى انتي موزغيره
ليش ياام يسر انتي متدرين حتى الاطباء ملوا من عندي ومدا يصير اني مثل اخواتي همزين هو عنده اطفال
خليت السياره بالمعرض
ورجعت على البيت هو نايم
مقداد اگعد حبيبي عندي الك مفاجاءه
تعالي وين جنتي گعدت ملگيتج رجعت نمت
وليش مخابرت عليه
تعبان وحتى التلفون ماادري وين
شوف صوره هذي السياره اشتريتها الك تعجبك
بعتي ذهبج الباقي ها
حبيبي فدوه الك الذهب وصاحبته يعني يصير اني البس ذهب وانت سيارتك عاطله
ماادري شگول عنج شفاء الي دتسويه اكبر من توقعاتي كنت اريد زواج وخلص عشت المشاعر وعرفتها وياج
حتى المعاشره غيرتي طبعي خليتيني احس انتي نايمه ويه اجمل رجل بالعالم مو مقداد المرفوض من كومة بنات قبلج
حبيبي فدوه لعينك اني ماغيرت شي بس حبيتك وصلتلك احساسي دكوم تريگ حتى تروح تجيب السياره مجبته مااريد اصعد بيها قبلك
كان اول ميگعد الصبح يروح على الميزان
اووووف صار شهر نفس الوزن مدا انزل اكثر
لاتفكر هواي ترى متنزل انسى احسن
متعرفين معاناة الانسان السمين حقج
اعرف والله بس مو نوقف حياتنا على كم باوند زايد عيش حياتك واختار برنامج رياضي جديد
شنو البرنامج گولي انتي افكارج حلوه
شنو رائيك بعمليه وتخلص
جربت قبل كم سنه الفحوصات طلعت عندي نقص بالاقراص الدمويه خثره بالدم ميصير اسويها خطره
ادخل برامج مع گروبات تعالجك وتستفاد من تجاربهم اگدر اسجلك عندي زبونات مسجلات بيها
ياريت شفاوي شجعيني اكون رشيق مره بحياتي
دخل مقداد گروبات الرشاقه وبعد اسبوع نزل وزنه باون يعني تقريبا ثلث كيلو
بعدها بكم شهر في زبونه عندي زوجها عنده كفتريا بالجامعه للاكل الايطالي  ماخذها تعهد خمس سنين وتعب لذلك يريد يرتاح وعرفت عارضيها للبيع
اني اخذ التعهد وانتشارك بالربح
مااريد اتشارك اريد ارتاح من العمل والحسابات
زين قسط المبلغ عليه تلث سنوات اسدده
موافقين انتي اولى بيه وشاطره
صفيت كل الاسهم الي عندي والسلف الي تجيني من العراق مع فلوس شغلي بالصالون ودفعت القسط الاول واخذت الكفتريا. ومن شغلها تغيرت حياتنا كليا بدينا نوفر فلوس ونسدد البيت  ومقداد ترك الشغل واتفرغ للاداره  بالكفتريا كان عنده مثل الحلم  وبعد فتره خلينا عمال وصار عدنا وقت  نرتاح واني بقيت بشغلي بالصالون
متشوفين انتي هاملتني صار كم شهر
وحتى من اتصل عليج تگولين مشغوله
تدري بالظروف مقداد بس هسه ماعندي شي وصلت للي اريده
زين متلاحظين وزني نازل ١٢باوند يعني تقريبا خمسه كيلو
ملاحظه بس لاتضعف هواي اخاف مكان ميبقالي بحضنك
لاتخافين حضني يكفي عشيره نسوان
لابالله عشيره ها شحدها الي تتقرب منك اروح بيكم موبد انت وياها
خلينا نروح سفره اني وياج لاي مكان نروح لدزني لاند اريد اصعد بالالعاب عمري مصاعد
نروح واني صار هواي مصاعده بالالعاب
سافرنا دزني لاند  بارك للالعاب مفتوح على طول السنه لان بولايه مافيها ثلج
كنت اشوف مقداد فرحان ويتلهف على الالعاب مثل الطفل وزنه كان حارمه من كثير من المتع حتى اصدقاء ماعنده هسه اكثر من ست عوائل مرتبطين وياهم بعلاقات وزيارات وبعضهم يشتغلون عدنا حجزنا بالفندق طلع يجيب اكل فكرت بشي رومانسي وياه
تمددت على الارض اول مشافني
شبيج شفاء
رجلي ماادري شبيها
شبيها وگعتي شنو
دشيلني مااگدر اكوم
شالني ضحكت راح يصير سنتين على زواجنا وانت مشايلني
هسه مال اعوفج توگعين احد يلومني
واهون عليك
راح اوگعج والله الا اسويها
لاعفيه مقداد والنبي اموت
لاتخافين اوگعج على السرير
ههههه خوفتني
مكان هدفي متعه او اثاره لكن مقداد بعيد بمشاعره عني كنت اختلق هذي المواقف الصغيره حتى ابقى بذاكرته شي ممتع
ثالث يوم بالفندق اتصلت باث بمقداد عرفنا علي مريض وبالمستشفى رجعنا وركض على المستشفى الاخبار كانت متطمن علي كبده بدا يتلف وميتجاوب بالعلاج ونقص بكريات الدم الحمر باث وزينب كانت بحاله انهيار ومقداد من الحزن حتى مكدر يدخل الغرفه يشوف ابنه معرفت شاسوي كيف اخفف عنهم كلهم مكسورين والحزن قيد افكارنا
مرت ساعات صار الفجر واحنا بالممرات مقداد خبرني
اخذي زينب ترتاح بالبيت وانتي ارتاحي
اروح اتصل بيه فدوه اذا حصلت اخبار زينه مقداد خليك مؤمن بالله وقدرته ولاتيأس ربنا فرجه على ساعه
انشاالله 
بقى يومين بالمستشفى  شركة التامين زادت المصاريف عليها وقرروا يطلع للبيت وهناك يكملون علاجه وبالاحرى الاطباء قطعوا الامل بحياته